Luk 8:2 - JAM DE NHIALIC 2011

² ayï diëër cï tɔ dem në jɔɔk rac cï ke dɔm ayï juäi, yï Meri cɔl Magdalene, tiiŋ cïï jɔɔk rac kadhorou bɛ̈n bei ë yeguöp,

Luk 8:2 Iomraidhean Croise

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Mak 16:1

Na wën, aacï Thabath guɔ thök, ke Meri Magdalene, ku Meri man Jakop, ku Thalome, ke ke ɣɔc wɛ̈ɛ̈l cï tumëtum, bï kek e bɛ̈n tɔc guöp.

Mak 16:9

Na wën, aacï Yecu rɔt jɔt miäk ëtɛ̈ɛ̈n ëkööl tueŋ wën ee akööl dhorou, ke kɔn tuöl tëde Meri Magdalene, tiiŋ wään cï en jɔɔk rac kadhorou cieec ë yeguöp.

Luk 23:27

Ku kuany cök ë kut dïït ë kɔc, ku diäär, diëër biëk kepiɔ̈ɔ̈th ku dhiëëukï.

Luk 23:49

Go kɔc ŋic en kedhie ku diëër wään ë ye kuany cök në Galili, gokï kɔ̈ɔ̈c tëmec, ku dɛɛikï në kakë.

Luk 23:55

Na wën, ke diëër wään cï bɛ̈n bei ë Galili në yen ëtök, ke kuanykï cök, ke ke jɔ raŋ tïŋ, ku tïŋkï täu cï guöpde tɔ̈ɔ̈u.

Luk 8:30

Go Yecu thiëëc an, “Cɔl yïn ŋa?” Go lueel an, “Remdït,” në luɔi cï jɔɔk juëc lɔ ë yeguöp.

Jɔn 19:25

Ku kääc man ë tim de Yecu lɔ̈ɔ̈m tim cï rïïu nɔm, kekë nyankënë ë man, yen aye Meri tiiŋ de Klopath, ku Meri Magdalene.

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.