Luk 7:16 - JAM DE NHIALIC 2011

¹⁶ Go kɔc dɔm ë riɔ̈ɔ̈c kedhie: ku jɔkï Nhialic leec, luekï an, “Tiët dït acï tuöl ë woyiic! Nhialic acï kɔcke bɛ̈n neem!”

Luk 7:16 Iomraidhean Croise

Diɛt 65:9

Yïn ë dön döt Yïn piny nyuɔɔth në luöi Yïn deŋ tuɔɔc, Yïn ee pinynɔm tɔ kueth ku tɔ wäi. Yïn ë nyïïn tɔ de yic pïïu, ku miɔc piny në kɔ̈th, yen luɔi Yïn e looi kï.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Math 15:31

arëk abï kut ë kɔc gäi, të cï kek mïŋ tïŋ ajamkï, ku tïŋkï ŋöl acïk piath, ku aduɛɛny aciɛthkï, ku cöör adɛɛikï gokï Nhialic de Yithriɛl leec.

Math 21:11

Go kut ë kɔc lueel an, “Kënë ee Yecu, tiët de Nadhareth de Galili.”

Math 28:8

Gokï dap jäl ë raŋ nɔm, ariɔ̈ckï tei, ku amitkï piɔ̈ɔ̈th ayadäŋ, gokï kat lek jam lëk kɔckɛn ë piööcë.

Math 9:8

Na wën, acï kuut ke kɔc e tïŋ, ke ke gäi, ku leckï Nhialic, Raan cï riɛl cït ee kënë gam kɔc.

Luk 1:65

Go kɔc rɛ̈ɛ̈r në keek go riɔ̈ɔ̈c ke dɔm kedhie: go jam de kakë kedhie jɔ thiɛ̈i ë piny ë kuur Juda ëbɛ̈n.

Luk 1:68

“Thieithieei Bɛ̈nydït, Nhialic de Yithriɛl, acï kɔcke neem ku wëër keek bei,

Luk 19:44

Ku abïk yï rai piny abä nɔm kït we piny, yïn wekë mïthkuön nu ë yïyic, ku acïn kuur töŋ bïk nyääŋ piny ë kuur däŋ nɔm ë yïyic, luɔi kuc yïn kööl ë nɛ̈mduön cï yï neem!”

Luk 2:20

Na wën, ke kɔc tit thök ke ke jɔ kenïïm dhuny, ku jɔkï Nhialic piɔɔny ku leckï, në ka cïk piŋ ku tïŋkï ke, acït man wään cï e lɛ̈k keek.

Luk 24:19

Go ke thiëëc an, “Ee käŋö?” Gokï lueel an, “Ka ke Yecu de Nadhareth, ee tiët ril ë luɔide ku wëlke ë Nhialic nɔm ku në kɔc nïïm kedhie.

Luk 5:26

Gokï gäi kedhie, ku jɔkï Nhialic leec, ku cï riɔ̈ɔ̈c ke dɔm, agokï lueel an, “Wo cï kake gäi tïŋ ee köölë!”

Luk 5:8

Na wën, aacï Thimon Petero ye tïŋ, ke cuɛt rɔt piny ë Yecu cök, ku jɔ lueel an, “Bɛ̈nydït, jël ë yalɔ̈ɔ̈m, yɛn ee raan ee kërac looi!”

Luk 7:15

Go raan wën cï thou ago yethar ɣäny piny, ku gɔl jam. Go bɛ yiɛ̈n man.

Luk 7:39

Na wën, ke Parithai wën cï Yecu cɔɔl, të cï en e tïŋ, ke jɔ lueel ë yepiɔ̈u an, “Raanë tëë ye tiët, adï cï tiiŋë ŋic, tiiŋ ë jak en, ku adï cï täude ŋic, ee tiiŋ ee kërac looi!”

Luk 8:37

Na wën, ke kut ë kɔc ëbɛ̈n kɔc ke piny de Gadaren, piny thiääk kekë tɛ̈ɛ̈n, ke jɔkï lɔ̈ŋ an, bï jäl pinyden, acï riɔ̈ɔ̈c dït ke dɔm: go lɔ ë abëlic, ku jɔ enɔm puk.

Luk 9:19

Gokï bɛ̈ɛ̈r an, “Jɔn Baptith, ku lueel kɔ̈k an, Elija, ku në kɔ̈k an, ye raan töŋ de tït thɛɛr en cï rɔt bɛ jɔt.”

Jɔn 1:21

Agokï thiëëc an, “Ka ye ŋa? Ye Elija?” Go, yen an, “Ei, yɛn cie Elija.” Gokï thiëëc an, “Ka ye tiët wäänë?” Go bɛ̈ɛ̈r, jiɛi an, “Ei.”

Jɔn 1:25

Agokï thiëëc an, “Eeŋö ee yïn kɔc baptith, të cïï yïn ë Kërtho, ku cïï ye Elija, ku cïï ye tiët wäänë?”

Jɔn 4:19

Go tik lueel an, “Bɛ̈ny, yïn ŋiɛc yïn ee tiët.

Jɔn 6:14

Ago kɔckë, të cï kek gök cï Yecu looi tïŋ, agokï lueel an, “Ee yic, raanë ee tiët wään, an, bï bɛ̈n ë piny nɔm!”

Jɔn 9:17

Gokï cɔɔr bɛ thiëëc an, “Yïn, luel wudï në këde, në kë cï en yï liep nyin?” Go lueel an, “Ee tiët.”

Luɔi 5:5

Na wën, aacï Anania wëlkë piŋ, ke wiëëk, jɔ guɔ thöök: ago riɔ̈ɔ̈c dït kɔc dɔm kedhie kɔc piŋ kake.

Luɔi 7:37

Yen Motheyë kï, raan wään yöök kɔc ke Yithriɛl an, ‘Tiët tök abïï Bɛ̈nyduöndït Nhialic jat nhial në këdun ë kɔckun yiic, raan cït ɛn, jamde abäk piŋ.’

Galatai 1:24

Agokï Nhialic leec në këdï.

Nyöŋ 18:15

Ku kë bïï looi, abï week tuöc tiët de Nhialic cït ɛn, raan de kɔckun yiic ku abäk dhil riëëu.