Luk 4:2 - JAM DE NHIALIC 2011

² ku jɔ tɔ̈u ë nïn kathiërŋuan ë jɔ̈ɔ̈ric, ke ye them ë jɔŋdït rac. Ku acïn kë cï cam ee köölë, na wën, aacï nïnkë thök, ke jɔ cɔk nɔ̈k.

Luk 4:2 Iomraidhean Croise

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

1 Mel 19:8

Go Elija rɔt jɔt, ku ciëm ku dëk, na wën, ke jɔ cath ë riɛl ë kuïnë akööl yiic kathiërŋuan ku wɛ̈ɛ̈r yiic kathiërŋuan le Thinai, kuur ë Nhialic.

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Bɛ̈n 24:18

Ago Mothe baaric nhial në kuur nɔm ke cath ë luätic. Ku le rëër ëtɛ̈ɛ̈n në wɛ̈ɛ̈riic kathiërŋuan ku cooliic kathiërŋuan.

Bɛ̈n 34:28

Ago Mothe rëër ëtɛ̈ɛ̈n në cooliic kathiërŋuan, ku wɛ̈ɛ̈riic kathiërŋuan, ke cïn kë ciɛm ku cïn kë dek. Ku gɛ̈ɛ̈r lööŋ ke mät kathiëër në kur pätiic kɔ̈ɔ̈th.

Jona 3:7

Kɔc kedhie ëke tɛ̈ɛ̈u lupɔɔ ke cuɔl ë kekɔ̈ɔ̈th, ku ɣɔ̈k ayï thök ëke rɛ̈ɛ̈r ë wäriic ku lacken yiic ëke cïï kut cök.

Math 21:18

Na ɣɔn amiäk ëtɛ̈ɛ̈n, ke dhuny enɔm pänydït, ke cï cɔk nɔ̈k.

Math 4:2

Na wën, acï cäm rɛɛc ë cool yiic kathiërŋuan ku wɛ̈ɛ̈r yiic kathiërŋuan, ke jɔ cɔk nɔ̈k.

Luk 4:3

Go jɔŋdït rac yɔ̈ɔ̈k an, “Na ye wën ë Nhialic, yɔ̈ɔ̈kë kuurë bïï rɔt tɔ ye kuïn.”

Jɔn 4:6

Ku yinh ë Jakop aa nu ëtɛ̈ɛ̈n. Go Yecu nyuc ë yith nɔm aya, ke cï dak ke cäth. Ee të cït nɔn ë thaar kadhetem.

Nyöŋ 9:18

Na wën, ke ya be yanɔm guöt piny ë Bɛ̈nydït nɔm në lɔ̈ŋ, në nïniic kathiërŋuan ku wɛ̈ɛ̈riic kathiërŋuan ke cïn këcam ku cïn këdek. Yɛn aa loi ee kënë në baŋ cä wek Bɛ̈nydït luöi kërac ku acäk tɔ gɔ̈th.

Nyöŋ 9:25

Aguɔ yanɔm jɔ guöt piny ë Bɛ̈nydït nɔm në ë nïniic kathiërŋuan ku wɛ̈ɛ̈riic kathiërŋuan, në luöi ŋiɛc ɛn en nɔn cï Bɛ̈nydït Ye lueel an bïï we riëër nyïïn.

Nyöŋ 9:9

Yɛn ë lɔ nhial ë kuur nɔm, bä kuur cïï Bɛ̈nydït lööŋ gäär ë yekɔ̈u lɔ bɛ̈ɛ̈i, löŋ cï mac ke week, yɛn cï rëër ëtɛ̈ɛ̈n në nïn kathiërŋuan ku wɛ̈ɛ̈riic kathiërŋuan, ke cïn kë cam ku këdek.

Ɣeberuu 2:18

Ku Yen guöpde acï gum ɣɔn themë yen, Yen aduëër en kɔc ye them lëu në kuny.

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

1 Tham 17:16

Ku Goliath aaye rem de tɔŋ ë Yithriɛl lääth nyin aköölnyïïn ëbɛ̈n, miäk rial ku thëën, në nïniic kathiërŋuan.