Luk 22:3 - JAM DE NHIALIC 2011

³ Na wën, ke Catan lɔ ë Judath piɔ̈u, rinkɛn kɔ̈k acɔlke Yithkariɔt, ku ye raan töŋ ë kɔc kathiëër ku rou yiic.

Luk 22:3 Iomraidhean Croise

Diɛt 41:9

Mäth man ŋääth aläl, raan ë ye wok cam ë tök, ë rɔt pɔ̈k ɛn.

Math 10:4

Ku Thimon raan ë Kanaan, ku Judath Yithkariɔt, raan ë nyiin en aya.

Math 26:23

Go puk nɔm an, “Raan gëm kekë yɛn ëtök ë aduökic, yen guöp yen abï a nyiɛɛn.

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Luk 22:21

Ku tiëŋkï, ciin ë raan nyiin ɛn anu ë pam ë cäm nɔm kekë ciindï ëtök.

Luk 6:16

Ku Judath wën ë Jakop, ku Judath Yithkariɔt, raan bï e nyiɛɛn.

Jɔn 12:6

Aa lueel kënë, acie luɔi nhiɛɛr en kɔc kuanynyïïn, ee luɔi ee yen cuɛ̈ɛ̈r, ku ye cath ke athep de wëu, ye yen ka cï tääu thïn ɣääc.

Jɔn 13:18

“Yɛn cïï jam ë këdun wedhie: yɛn ŋic kɔc cä lɔc: ku këcïgɔ̈ɔ̈r abï dhil aa yic an, ‘Raan cam kuïn ke yɛn ëtök yen aa luui yɛn ater.’

Jɔn 13:2

Na wën, aa cäm kɔc thëën, ku jɔ jɔŋdït rac jam guɔ tääu ë Judath piɔ̈u, Judath Yithkariɔt wën ë Thimon an, bï e nyiɛɛn.

Luɔi 5:3

Go Petero lueel an, “Anania, eeŋö cï Catan yï thiɔ̈ɔ̈ŋ piɔ̈u aya, bä Wëidït ɣer bɛ̈n tɔ̈ɔ̈r lueth, ku cï biäk tök both në wëu ke dom?