Luk 2:10 - JAM DE NHIALIC 2011

¹⁰ Go tunynhial ke yɔ̈ɔ̈k an, “Duökï riɔ̈c, piɛŋkï, wek guiëër wël piɛth wël ke piɔ̈nmit, wël bï aa ka ke kɔc kedhie.

Luk 2:10 Iomraidhean Croise

Cäk 12:3

Kɔc ee yï thieei, abä keek aa thieei. Ku kɔc ee yï cieen, abä keek aa cieen. Ku juöör ke piny nɔm, abä keek thieei në yïyic.”

Yith 40:9

Dhiɔn, lɔ nhial në kuur bäär nɔm ku luel wëlpiɛth! Dhiɔn, cɔ̈t në röl dït, caalë wëlpiɛth! Luel këriëëc ku du riɔ̈c, lɛ̈kë wuöt ke Juda, nɔn bïï ë Nhialicden!

Yith 41:27

Ee Yɛn Bɛ̈nydït, Yɛn ë kɔn Dhiɔn lɛ̈k wëlpiɛth, Yɛn cï tuuc tuɔɔc Jeruthalem bïï lɔ lueel an, ‘Kɔcku abïkï! Abïk baai!’

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 52:7

Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Danyel 10:19

Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 14:27

Go Yecu jam ke keek ënɔnthiinë, lueel an, “Pälkï röt piny, ee yɛn, duökï riɔ̈c!”

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Math 28:5

Go tunynhial bɛ̈ɛ̈r, yöök diäär an, “Duökï riɔ̈c, aŋiɛc nɔn kaar wek Yecu, raan wään cï piäät ë tim cï rïïu nɔm kɔ̈u.

Mak 1:15

aaye lueel an, “Piny ë thök, ku ciɛɛŋ de Nhialic acï guɔ thiɔ̈k! Pɔ̈kkï wepiɔ̈ɔ̈th, ku gamkï Wëlpiɛth!”

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Luk 1:13

Go tunynhial yɔ̈ɔ̈k an, “Du riɔ̈c, Dhekaria, lɔ̈ŋdu acï piŋ. Ku tiiŋdu Elithabeth abï yï dhiëth mɛwä, ku abä cäk an, Jɔn.

Luk 1:19

Go tunynhial bɛ̈ɛ̈r, yöök an, “Yɛn Gabriɛl kï, yɛn ee kɔ̈ɔ̈c ë Nhialic nɔm, ku yɛn cï tooc bä bɛ̈n jam wo yïn, ku bä wëlpiɛthkë bɛ̈n lɛ̈k yïn.

Luk 1:30

Go tunynhial yɔ̈ɔ̈k an, “Du riɔ̈c, Meri: yïn ë dhuëëŋdepiɔ̈u yök tëde Nhialic.

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luk 8:1

Na wën, aacï kakë thök ke jɔ piny caath, ee lɔ ë pɛ̈ɛ̈nydït yiic, ku bɛ̈i yiic, le kɔc aa wɛ̈ɛ̈t ku guïïr keek wëlpiɛth ke ciɛɛŋ de Nhialic: ku cath kɔc kathiëër ku rou në yen,

Luɔi 13:32

Ku wek guïïrku wëlpiɛth an, Löŋ cïï Nhialic kɔn mac ke kuarkuɔ,

Romai 10:15

Ku bïk aa guiir adï, të kënë ke tooc? Acït man cï e gɔ̈ɔ̈r an, “Eeŋö cï kɔc cök dikëdik alë, kɔc ee wëlpiɛth guiir, wël ke mät, kɔc ë wëlpiɛth guiir, wël ke këpiɛth!”

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.