Luk 11:9 - JAM DE NHIALIC 2011

⁹ Ku wek yɔ̈ɔ̈k an: Yak lip, ke we bï aa miɔɔc, yak köör, ku abäk aa yök, yak ɣöt tɔɔŋ thok, ku abï liëp week.

Luk 11:9 Iomraidhean Croise

Diɛt 118:5

Yɛn ë Bɛ̈nydït cɔɔl ë nuandï yic, go ya piŋ thok ku gëm a nɔm lääu.

Diɛt 27:4

Ee tök yen aa liɛm tëde Bɛ̈nydït, ee tök tei yen akaar: ee luɔi bän rëër ë Luaŋdït yic, në akööl ke pïïrdï yic ëbɛ̈n, bä kake piathde aa woi ëtɛ̈ɛ̈n, ku bä luɔi bï yen a wat aa kɔɔr.

Diɛt 27:8

Acï lueel an, “Bä lam ɛn,” Aguɔ bɛ̈ɛ̈r an, “Yɛn bï bɛ̈n, Bɛ̈nydït”

Diɛt 34:10

Kɔ̈ɔ̈r aye cɔk ke nɔ̈k, ku raan ëbɛ̈n, raan ee Bɛ̈nydït riëëu, acïn këdɛn ee dak.

Diɛt 34:4

Yɛn cï Bɛ̈nydït lɔ̈ŋ, ago këdï bɛ̈ɛ̈r, ku kony ɛn në kën ee ya riääc ëbɛ̈n.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt ke 5:6

Guɔ ɣöt jɔ liëp thok monydiën nhiaar, aguɔ yök ke cï guɔ jäl. Aa kaar bä piŋ röl arëët! Guɔ lɔ kɔɔr, ku akën bɛ̈n yök, Guɔ cɔɔl ku acïn röl cä piŋ, röl bëër ɛn thok.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Jeremia 29:12

Ëtɛ̈ɛ̈n yïn bï Yɛn aa cɔɔl. Yïn bï bɛ̈n ku läŋ Yɛn, ku Yɛn bï lɔ̈ŋdu bɛ̈ɛ̈r.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Danyel 9:3

Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Math 21:22

Ku na de kë bäk lïm të läŋ wek ku gamkï, abäk keek aa yök.”

Math 21:31

Ee mɛnhou ë keyiic kaarou, mɛnh ë loi këde piɔ̈n ë wuönden?” Gokï lueel an, “Ee mɛnh tueŋ.” Go Yecu ke yɔ̈ɔ̈k an, “Wek yɔ̈ɔ̈k ëyic an, kɔc ë athölbö tɔ kut kekë akɔɔrröör kek a kɔn lɔ ë ciɛɛŋ de Nhialicic ë week.

Math 6:29

ku wek yɔ̈ɔ̈k an, “Acakaa Tholomon kekë dhuëëŋde ëbɛ̈n akën rɔ piɔ̈th cït man ë tök ë kakë yiic.

Mak 11:24

Yen alɛ̈k ɛn e week, an, Të de yen ka bäk aa lip, të ya wek lɔ̈ŋ, yak gam nɔn cä wek ke guɔ nööm, ku abäk ke yök.

Mak 13:37

Ku kë lɛ̈k week, yen alɛ̈k raan ëbɛ̈n, an Yak yïn!”

Luk 11:10

Raan ëbɛ̈n raan ee lip, aaye miɔɔc, ku raan ee köör ee yök, ku raan ë ɣöt tɔɔŋ thok aye liep ɣöt.

Jɔn 14:13

Ku të de yen kë bäk lip në rinkï, ka bä looi, ke Wääda bï dhuëëŋ yök në Wënde.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 15:7

Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

2 Kor 6:2

Nɔn cï en e lueel an, “Yɛn ë këdu piŋ ëkööl piɛth, Ku yïn cä luök ëkööl ë kunydewëi. Ëköölë kï, yen aye kööl piɛth, tiëŋkï, ëköölë kï, yen aye kööl ë kunydewëi!”

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.

Nyuuth 2:24

“Ku wek yɔ̈ɔ̈k, ku yɔ̈ɔ̈k kɔc kɔ̈k nu Thuatira, të de en kɔc cïï wëëtë ee muk, kɔc kuc kathuth ke Catan, acït man ee kek e lueel, wek yɔ̈ɔ̈k, an, Acïn kethieek däŋ bä tääu ë weyiëth.