Luk 10:9 - JAM DE NHIALIC 2011

⁹ Ku takï kɔc tök dem kɔc nu thïn, ku yɔ̈ɔ̈kkï keek an, ‘Ciɛɛŋ de Nhialic acï ɣeet të thiɔ̈k ke week.’

Luk 10:9 Iomraidhean Croise

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 4:17

Kek ë aköölkë kek aa ciɛkë Yecu guiëër ë wël, aaye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.”

Mak 4:30

Go lueel an, “Buk ciɛɛŋ de Nhialic thɔ̈ɔ̈ŋ ke ŋö? Ku buk thɔ̈ɔ̈ŋ ë kääŋ ŋö?

Mak 6:13

Ku jɔkï jɔɔk rac juëc cieec ë kɔc gup, ku tɔckï kɔc juëc në miök, kɔc de gup juäi, ago ke tɔ dem.

Luk 10:10

Ku pänydïït la wek thïn, ku cïï kɔc we tɔ ye kamaan, ke we jɔ lɔ biic ë kuɛɛr ke paanë yiic, ku luɛɛlkï an:

Luk 10:11

‘Ayï tɔr ë pänyduöndït tɔr wën cï nuɛt ë wogup, yen a weecku wei, jäny jiëëny wok week ka! Ku jakï kënë ŋic an, Ciɛɛŋ de Nhialic acï ɣëët tëthiɔ̈k ke week!’

Luk 9:2

Go ke tooc lek kɔc aa guiëër ciɛɛŋ de Nhialic, ku tɔkï kɔc tök dem.

Jɔn 3:3

Go Yecu puk nɔm an, “Yïn yɔ̈ɔ̈k ëyic an, të kënë raan bɛ dhiëëth, ka cïï ciɛɛŋ de Nhialic duëër tïŋ.”

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Luɔi 28:31

Aaye keek guiëër ciɛɛŋ de Nhialic, ku ye ke wɛ̈ɛ̈t në ka ke Bɛ̈nydït Yecu Kërtho ke ye nyin riɛl, ku acïn raan ë ye pɛ̈n guiëër.