Luk 10:2 - JAM DE NHIALIC 2011

² Go keek yɔ̈ɔ̈k an, “Ka cï luɔk ajuëckï, ku kɔc luui alikï. Yen aa wek Bɛ̈nydït ë ka cï luɔk lɔ̈ŋ an, bï kɔc ë luui tuɔɔc domdɛn cï luɔk.

Luk 10:2 Iomraidhean Croise

1 Mel 18:22

Go Elija lueel, an, “Yɛn aye tiët ë Bɛ̈nydït cï döŋ yatök, ku tït ke Baal ayek bot kaŋuan ku thiërdhïc.

Diɛt 68:11

Të cïï Bɛ̈nydït löŋ tääu piny, diëër juëc ayek thok lɔ luɛɛl:

Jeremia 3:15

Wek bä gäm bäny bï ya riëëu, ku abïk we mac në pɛlënɔm ku yöŋ de käŋiic.

Dhek 11:17

Amawoou në tïn cïn naamdeyë acï luöi këtuc! Ë lunyde päl wei. Riɛlde abï tɔŋ nyaai taitai. Abï kök wiɛɛu, ku cɔɔr nyin cuënyde.

Dhek 11:5

Aye kɔc cï keek ɣɔɔc ke nɔ̈k, ku cïn këtuc ye luöi keek. Ku kɔc ee keek ɣaac ayek lueel an, ‘Thieithieei Bɛ̈nydït, yɛn ë kuɛth.’ Ayï tïnden guöpde acïï piɔ̈u ee kok ë keek.

Kuɛ̈n 11:17

Yɛn bï bɛ̈n piny bä bɛ̈n jam wokë week ëtɛ̈ɛ̈n. Ku Yɛn bï wëi kɔ̈k nööm në wëi wään cä gäm yïn, ku gäm ke keek. Ku abïk yïn kuɔny në nuanden, ke yï cï bï bɛ nuan yïtök.

Kuɛ̈n 11:29

Go Mothe lɛ̈k en an, “Eeŋö dɔm ë tiɛɛl yïn në këdï? Na ee këdï, Bɛ̈nydït aduëër kɔcke gäm wëi kedhie, ku tɔ keek ee tït kedhie.

Math 20:1

Ciɛɛŋ de paannhial athöŋ ke raan ee bɛ̈ny de baai, raan cï riɛɛl biic miäk ëtɛ̈ɛ̈n, le kɔc kɔɔr, kɔc bï luui ë wëu ë domde yic, dom ë tim cɔl enap.

Mak 13:34

Acït nɔn dhie kenyë raan, ku nyiëëŋ ɣönde piny, ku gëm lïïmke riɛl, ku gëm raan ëbɛ̈n luɔide, ku yöök raan tit kalthok, an, ye yïn.

Mak 16:15

Go ke yɔ̈ɔ̈k an, “Lakï ë piny nɔm ëbɛ̈n, bäk wëlpiɛth aa lɔ guiëër kɔc cï cak ëbɛ̈n.

Mak 16:20

Agokï lɔ, lek wël aa guiir ë baai yic ëbɛ̈n, ku ye Bɛ̈nydït luui kekë keek ëtök, ago jam tɔ ye yic në kagöök ee lɔ̈ɔ̈k tïc ë yecök. Amiin.

Luk 9:1

Go kɔc kathiëër ku rou cɔɔl, ku gëm keek riɛl bï kek jɔɔk rac cieŋ kedhie, ku tɔkï juäi waar.

Luɔi 11:19

Na wën, ke kɔc wään cï thiëi roor në yöŋ cï rɔt cak në këde Thepano, ke ke tëk ɣetkï Poiniki, ku Thaiperuth, ku Antiokia, ku acïn kɔc kɔ̈k cïk guiëër jam, ee Judai kapäc.

Luɔi 13:2

Na wën, të looi kek ka ke bɛ̈nydït, ku reeckï cäm, ke ke yöökë Wëidït ɣer an, “Pɔ̈ckï yɛn Baranaba kekë Thaulo në këde luɔi cän ke caal thïn.”

Luɔi 13:4

Ku keek, të cï keek tooc ë Wëidït ɣer, ke ke jël lek Theleukia, ku jëlkï ëtɛ̈ɛ̈n, ke ke cath në abël lek Thaiperuth.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 22:21

Go ya yɔ̈ɔ̈k an, ‘Jël tei, yïn bä tuɔɔc tëmec ya të nu ë Juöör.”’

Luɔi 8:4

Na wën, ke kɔc cï thiëi roor ke ke lɔ ë baai yic ëbɛ̈n, lek kɔc guiëër jam.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

Pilipoi 2:21

Kɔc kedhie ayek kakë kek gup kɔɔr kapäc, ku cïkï kakë Yecu Kërtho ee kɔɔr.

Pilipoi 2:25

Acä lueel tei an, bä Epaprodito dhil tuöc week, ee mɛnhkäi, raan luui wok ëtök, ku yok biök ëtök, ku ye tunydun, raan cï a kony në ka cï a dak.

Pilipoi 2:30

ee biäk de luɔi de Kërtho, yen aa duëër en thou, acï wëike kuɔɔn, ke bï kë cï nɔm dak në kuny cä wek a kony thiɔ̈ɔ̈ŋ nɔm.

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 2:9

Wek ee wenïïm tak, wek mïthëkɔckuɔ, në luɔi dïït thieek yok looi: wo ye luui aköl ku wakɔ̈u, wok ë cïn piɔ̈ɔ̈th luɔi bï wo raan tök miɛn ë weyiic, agoku wëlpiɛth ke Nhialic guiëër week aya.

1 Theth 5:12

Ku wek läŋku, wek mïthëkɔckuɔ, ke we bï kɔc ee luui ë weyiic aa ŋic, kɔc nu ë wenïïm ë Bɛ̈nydïtic, kɔc ee we täk wël.

2 Theth 3:1

Cöök ciëën, wek mïthëkɔckuɔ, Yak lɔ̈ŋ në biäkda ke jam de Bɛ̈nydït ke bï cath ë kueerde, ku lec, acït man leecë ye ë weyiic aya.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

2Tim 4:5

Ku yïn, ye röt tiit ë këriëëcic ëbɛ̈n, ye katuc guum, ye luɔi de raan ee wëlpiɛth guiir looi, ku jɔ luɔidu tiiŋic ëgɔk.

Pile 1:1

Yɛn Paulo, raan cï mac ë këde Yecu Kërtho, wokë Timotheo mɛnhkënëda. Awerek en gɛ̈ɛ̈rku yïn Pilemon raan nhiaarku, ku ye raan ee luui ke wook ëtök,

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Nyuuth 2:1

Gäärë tunynhial de ɣön ë Nhialic nu Epetho alë: Kakë aluel raan keek, raan muk kuɛl kadhorou ë ciin cuënyde, raan cath ë kuc ke mɛ̈ckealath ë adhääp kadhorou yiic cil: