Aron ke kuatde ayek miɔ̈c de wal ŋïr gam, ku yek miɔ̈c ye nyop ëbɛ̈n gam ë yïk nɔm. Ku ee kek cï gäm luɔi de kake läm tëɣeric aläl, ku bïk kɔc ke Yithriɛl teem gup cït man ë kë cï wɛ̈ɛ̈t ë Mothe, awun de Bɛ̈nydït.
Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic.
Ku tääuwë lupɔɔkë në Aron kɔ̈u, wänmuuth kekë wɛ̈ɛ̈tke. Ku tɔ ke ee bäny ke kake Nhialic. Ku tɔc kenïïm ë miök de olip ku gämë keek luɔi, ke ke bï Ya luööi ke ke ye bäny ke kake Nhialic.
“Ku kë bä looi kï në gɛm bï yïn Aron gam kekë wɛ̈ɛ̈t bïk Ɛn luööi ke ke ye bäny ke kake Nhialic. Nöm miɔɔr atiëëk tök, ku nyök amɛ̈l kaarou cïn kë dak në kegup.
“Wadäŋ të cïï Aron thou, ke lupɔɔ ɣeriic ke Aron, lupɔɔ ke bääny de kake Nhialic ë ke gëmë keek wɛ̈ɛ̈tke, bïk keek aa cieŋ të cïï ke tɔ ee bäny ke kake Nhialic.
Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.
an, “Bɛ̈ɛ̈iyë Aron kekë wɛ̈ɛ̈tke në paany de Mät thok, ku bɛ̈ɛ̈iyë lupɔɔkɛn ke bääny, ayï miök de tɔc, ku bɛ̈ɛ̈iyë miɔɔr atiëëk, në biäk de miɔ̈c de kërac, ku bɛ̈ɛ̈iyë nyök kaarou, ku diööny ke kuïïn cï pam cïn yic luɔu.
