Lebai 7:34 - JAM DE NHIALIC 2011

³⁴ Në miɔ̈c de män ë Yithriɛlic. Yɛn cï thin wään cï nyuɔɔth kekë ɣäm wään cï gam, nööm ku gam keek Aron, bɛ̈ny de kake Nhialic kekë wɛ̈ɛ̈tke, ke ye miɔ̈cdɛn de aköölnyïïn tëde Yithriɛl.

Lebai 7:34 Iomraidhean Croise

Bɛ̈n 29:26

“Ku nöm aguöt nɔm ë nyɔk, ku gämë Yɛn ke ye miɔ̈c de anyuɔɔk. Ku aguöt nɔm yen abï aa biäkdun.

Bɛ̈n 29:9

Ku dut keyiic në lupɔɔ ke duöt ë yic. Ku yiëkë kenïïm atɛ̈ɛ̈ny. Yen luɔi bïï yïn keek tɔ ye bäny ke kake Nhialic ka. Ku luɔi de kake Nhialic abï jɔ aa këden ë caaŋden.

Lebai 3:17

Kënë ee ciɛɛŋ bï tɔ̈u athɛɛr agut cï rɛm bï lɔ̈ɔ̈k bɛ̈n, në ɣäänkuön rɛ̈ɛ̈r wek ke thïn, duökï kɔl ee cam ayï riɛm.

Lebai 7:33

Ku wën de Aron awën gɛm riɛm kekë kɔl de miɔ̈c de mät, abï dɛ ɣäm cuëc ke ye këde.

Kuɛ̈n 5:9

Ku miɔ̈c ku kaɣeriic ye kɔc ke Yithriɛl gäm Bɛ̈nydït ëbɛ̈n, ee këde bɛ̈ny de kake Nhialic.

Kuɛ̈n 6:20

Ku ëtɛ̈ɛ̈n, abï bɛ̈ny de kake Nhialic keek jɔ nyuɔɔth ë Bɛ̈nydït nɔm ke ye miɔ̈c de anyuɔɔk, në biäk ye kek miɔ̈c ɣeric de bɛ̈ny de kake Nhialic, mɛ̈tkï në thin, ku ɣöi wën cï gam. Ku ëtɛ̈ɛ̈n, ayul aduëër jɔ dek në mɔ̈u.

Kuɛ̈n 8:11

Ku Aron ë gëm Ɛn Lebai ke ye miɔ̈c de anyuɔɔk de kɔc ke Yithriɛl. Ke ke bï luɔidï looi.

Nyöŋ 18:3

“Të cï weŋ ku thök nɔ̈k, bäny ke kake Nhialic, abï keek aa gäm jiɛɛr, ku gëm, ku yäc.