Lebai 7:16 - JAM DE NHIALIC 2011

¹⁶ Ku na ye miɔ̈cdɛn ë bïï këde gutguut, ku nɔn ee miɔ̈c de miɛtëpiɔ̈u, ke miɔ̈c abï cuet në kööl ë gɛmë yen. Ku na de kë cï döŋ piny aduëërë cam ë kööl de rou.

Lebai 7:16 Iomraidhean Croise

Diɛt 116:14

Në amatnɔm de kɔcke yiic ëbɛ̈n abä gäm kë cän gutguut lueel.

Diɛt 116:18

Yɛn bï kuëëŋdï gäm Bɛ̈nydït në kɔcke nïïm kedhie,

Diɛt 66:13

Yɛn bï miɔ̈c ye nyop ëbɛ̈n bɛ̈ɛ̈i ɣöndu Yïn bä gäm kë cän gutguut lueel.

Bɛ̈n 35:29

Kɔc ke Yithriɛl de piɔ̈ɔ̈th miɔ̈c kedhie, diäär ku röör acïk miɔ̈c de miɛtëpiɔ̈u bɛ̈n yiɛ̈n Bɛ̈nydït, looiyë ke luɔi cï lɛ̈k Mothe.

Kɛ̈ŋ 7:14

“Yɛn aa gɛm miɔ̈cdï ee köölë, ka yɛn de nɔm rïŋ.

Edhekiɛl 46:12

Të bïï ë wën bɛ̈ny miɔ̈c de miɛtëpiɔ̈u, na ee miɔ̈c ye nyop ëbɛ̈n, ku nɔn ee miɔ̈c de mät, ke ye miɔ̈c de miɛtëpiɔ̈u gëm Bɛ̈nydït, kal thoŋ të lɔ aköl amiäk abïï liëp en, ku abï miɔ̈cdɛn ye nyop ëbɛ̈n gam, ku nɔn ee miɔ̈cdɛn de miɛtëpiɔ̈u, cït man yen ye looi në kööl ë Thabath, ku kal abï thiɔ̈ɔ̈k thok të cï yen rɔt puɔ̈k biic.”

Lebai 22:23

Yïn duëër weŋ ayï thɔ̈k cï kɔ̈u dhuɔɔŋ gam ke ee miɔ̈c de miɛtëpiɔ̈u. Ku acïï ke duëër ë gam të looi ë gutguut.

Lebai 22:29

Të gëm yïn Bɛ̈nydït miɔ̈c de thieithieei ye gam në kueer piɛth duëër ë yen gam në nyindu yic,

Lebai 23:38

Kek ee miɔ̈ckë amɛ̈tkï në miɔ̈c ee gam ë kööl de löŋ ë Bɛ̈nydït, ku mɛ̈tkï në miɔ̈cdun, ku kakuön ya wek ke kuëëŋ, ku miɔ̈c de miɛtëpiɔ̈u yak gäm Bɛ̈nydït.)

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Kuɛ̈n 15:3

Ku kaarkï nɔn miɔɔc wek Bɛ̈nydït në miɔ̈c ye nyop ëbɛ̈n, nɔn ee thɔ̈k yen gamkï, ku nɔn ee weŋ ke ye miɔ̈c de miɛtëpiɔ̈u, nɔn yen miɔ̈c ye nyop ëbɛ̈n, ku nɔn yen miɔ̈c cïï raan kuëëŋ bï gam, ku nɔn yen miɔ̈c ë tɛk këde yetök, ku nɔn yen miɔ̈c de dhuëëŋ.

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:17

Këriëëc gämkï Bɛ̈nydït, acäkï ke bï aa cam në wuöt rɛ̈ɛ̈r wek thïn, a cakaa töŋ de thiëër de rɛɛpkun, ku mɔ̈ndun, ku miökduön de olip, ku nɔn ë kɛ̈i de weŋdun ku thökkun, ayï miɔ̈c cï thön Bɛ̈nydït, ayï miɔ̈cduön de miɛtëpiɔ̈u kekë miɔ̈cduön däŋ.

Nyöŋ 12:26

Yak miɔ̈cduön ɣeric ku miɔ̈cduön cäk thön Bɛ̈nydït lɛɛr të töŋ ye Bɛ̈nydït lam thïn.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.