Lebai 7:12 - JAM DE NHIALIC 2011

¹² Na gɛm raan miɔ̈c de thieithieei, abïï keek gam ëtök kekë weŋ bïï nɔ̈k, ku lɔ miɔ̈c de kuïïn cï pam cïn yic luɔu, kuïn cï nuaai në miök, ku nɔn ee bethkawith cï yoor kɔ̈u në miök, ku nɔn ee kak cï looi në aɣar cï liääp kekë miök.

Lebai 7:12 Iomraidhean Croise

2 Lëk 29:31

Go Ɣedhekia kɔc yɔ̈ɔ̈k an, “Ënɔɔnë wek cï gup lɔgɔk, yiɛ̈nkï Bɛ̈nydït miɔ̈c de alɛɛc.” Gokï kë lueel melik looi, ago amatnɔm ɣɔ̈k bɛ̈ɛ̈i, bï ke gam ke ye miɔ̈c ye nyop ëbɛ̈n.

2 Lëk 33:16

Ku tɔ yïïŋ ye ë Bɛ̈nydït lam thïn nyɔk ë luɔi, ku gɛm miɔ̈c de mät ku miɔ̈c de thieithieei ë yenɔm. Ku yɔ̈ɔ̈k kɔc ke Juda kedhie bïk Bɛ̈nydït Nhialic de Yithriɛl aa lam.

Neɣe 12:43

Në ee köölë miɔ̈c juëc acï ke bɛ̈n gam, ku kɔc acïk piɔ̈ɔ̈th bɛ̈n miɛt aläl në biäk cïï Nhialic keek tɔ mit piɔ̈ɔ̈th. Diäär ku mïth aake cï röt mat thïn në dhuëëŋic ku awuɔɔuden aaye piŋ të mec ku të dïït lääuwic.

Diɛt 107:8

Abïk Bɛ̈nydït dhil leec në biäk de nhiëërdɛn agɔk, në biäk de kagɛ̈iyë cï looi.

Diɛt 116:17

Yïn bä gäm miɔ̈c de thieithieei ku gäm Yïn lɔ̈ŋdï.

Diɛt 50:23

Raan ee miɔ̈c ee thieithieei gam, ee Ya dhuëëŋ guöp, ku raan ee kueerde tɔ lɔ cït, abä nyuöth kuɔɔny de Nhialic.”

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Lebai 2:4

Na bɛ̈ɛ̈iyë ke ye miɔ̈c ë rap cï thaal në tönyic, abïï dhil looi në aɣar piɛth. Kë cï looi, ke cïn yic luɔu ku cï liääp kekë miök. Ku nɔn ee bethkawith cïn yic luɔu, ku cï yoor ë miök.

Lebai 2:5

Na cï miɔ̈cduön ë rap guiir në thakic, abï ya kë cï looi në aɣar piɛth kekë miök ke cïn yic luɔu

Lebai 22:29

Të gëm yïn Bɛ̈nydït miɔ̈c de thieithieei ye gam në kueer piɛth duëër ë yen gam në nyindu yic,

Lebai 6:16

Ku Aron kekë wɛ̈ɛ̈tke, abïk biäk jɔ cam, ku abï aa cam ke cïn yic luɔu tëɣeric, abïk cam në pëër de paany de mätic.

Lebai 7:15

Ku rïïŋ de miɔ̈cdɛn de mät në biäk de miɔ̈c de thieithieei, abï dhil cuet në kööl ë gɛmë yen, acïn biäk bïï böth miäk.

Amoth 4:5

Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Kuɛ̈n 6:15

Ku gɛm diöny athiäŋ kekë kuïn cï pam kën mäth, ku kek cï thaal në aɣar lɔ mot cï liääp ke miök, ku bethkawith cïï nyuäŋ cï tɔc në miök, ku miɔ̈c ë rap ku mɔ̈u.

Luk 17:16

Ku jɔ piny ciim ë Yecu cök, lueel an, thieithieei: Ku ye raan ë Thamaria.

Luk 17:18

Cïn raan cï röt yök, raan bï enɔm puk bï Nhialic bɛ̈n lɛc nɔm, ee raan lɛɛnë tei?”

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Epethiei 5:20

Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.