Lebai 6:6 - JAM DE NHIALIC 2011

⁶ Ku jɔ bɛ̈ny de kake Nhialic yiɛ̈n miɔ̈c de awäc, bïï gäm Bɛ̈nydït, ku miɔ̈cdɛn de awäc, abï aa thɔ̈ɔ̈k cïn guöp tëdak, thɔ̈ɔ̈k de naamdɛn piath.

Lebai 6:6 Iomraidhean Croise

Edhr 10:19

Acïk kuëëŋ an bïk diäärken pɔ̈l, ku raan tök ë keek abï nyɔɔŋ amääl gam ke ye miɔ̈c de awäc.

Neɣe 10:35

Wok bï miɔ̈c tueŋ de ka cï kɔn luɔk aa lɛɛr Luaŋdït, në ruöön thok ëbɛ̈n, cït man ë rɛɛp cï kɔn luɔk cuk tem, ku mïth ke tiimkuɔn yok com cï luɔk.

Edhekiɛl 40:46

ku ɣön wel yethok të lɔ rut, ee këde bäny ke kake Nhialic ee lui në yïk kɔ̈u. Bäny ke kake Nhialic kedhie ayek kuat de Dhadok, ee kek kɔc ke dhiën de Lebai cï päl luɔi bï kek aa lɔ në Bɛ̈nydït nɔm kapäc, bïk lɔ luööi.

Lebai 14:12

Ku ëtɛ̈ɛ̈n, bɛ̈ny de kake Nhialic abï nyɔɔŋ amäl tök jɔ gam, ke ye miɔ̈c de awäc kekë aguun de miök ëtök, ku abïï keek nyuɔɔth ë Bɛ̈nydït nɔm, ke ye miɔ̈c de anyuɔɔk.

Lebai 5:15

Të cïï raan kërac looi ke kuc, në luɔi kën yen kë ɣeric de Bɛ̈nydït riëëu guöp, abï nyɔk yiɛ̈n Bɛ̈nydït ke ee miɔ̈c de awäc, nyɔɔŋ cïn guöp tëdak, nyɔɔŋ duëërë ɣööcde piath, cït man ë kuën de atek nu tëɣeric yic, ee miɔ̈c de awäc.

Lebai 5:18

Ku abï bɛ̈ny de kake Nhialic yiɛ̈n nyɔɔŋ amääl ku nɔn ee nyɔɔŋ bou, ke cïn guöp tëdak, abï aa miɔ̈c de awäc, nyɔɔŋ duëërë ɣɔ̈ɔ̈c apiɛth. Ku abï bɛ̈ny de kake Nhialic jɔ teem guöp në biäk de awäny cï looi, ku abï ja päl awɛ̈ɛ̈c.

Lebai 5:7

Ku na cïï raan nyɔɔŋ amääl ku nɔn ee bou bï lëu, ke yen abï guök kaarou, ku nɔn yen ajiël ke guuk kaarou yiɛ̈n Bɛ̈nydït ke ye miɔ̈c de awäc, në biäk de kërɛɛcdɛn cï looi, tök ee miɔ̈c de kërac, ku ye däŋë miɔ̈c ye nyop ëbɛ̈n.