Lebai 5:11 - JAM DE NHIALIC 2011

¹¹ Ku na cïï raan guök kaarou ku nɔn yen ajiël ke guuk kaarou bï lëu, raan aduëër kilɔ töŋ de aɣaar bɛ̈ɛ̈i, ke ye miɔ̈c de kërac. Acïn miök de olip bïï tääu thïn, ayï wal ŋïr acïï bïï tääu thïn. Në baŋ ee yen miɔ̈c de awɛ̈ɛ̈c acie miɔ̈c ë rap.

Lebai 5:11 Iomraidhean Croise

Bɛ̈n 16:18

Na wën aa themkï keek në omer (löth) ke kɔc wën cï ka juëc nööm acïn këdɛn cï bɛ̈n döŋ piny, ku kɔc wën cï ka lik nööm acïn këdɛn cï bɛ̈n dak. Ŋɛk ë kë bï ye lëu bɛ̈n aa nööm.

Bɛ̈n 16:36

Ku omer ade yic lööth kaarou.

Lebai 1:14

Na ye miɔ̈cdɛn gëm Bɛ̈nydït, ke ye miɔ̈c ye nyop ëbɛ̈n, na ee dit, abï aa guuk ku nɔn ee ajiël ke guuk.

Lebai 12:8

Ku na cïï thɔ̈k bï lëu, ke aduëër guök kaarou bɛ̈ɛ̈i, ku nɔn yen ajiël ke guuk kaarou. Tök abï aa këde miɔ̈c ye nyop ëbɛ̈n, ku tök abï aa këde miɔ̈c de kërac. Ku bɛ̈ny de kake Nhialic abï tik jɔ teem guöp, ku abï guöp jɔ piath.

Lebai 14:21

Ku na ye raan, raan kuany nyin, ku cïï ee kakë bï lëu, abï nyɔɔŋ amäl tök dhil lɛɛr, ke ye miɔ̈c de awäc ke bï lɔ nyuɔɔth, bï ë yen lɔ teem guöp, ku kilɔ töŋ de aɣar cï liääp kekë miök de olip, ke ye miɔ̈c ë rap ku aguun de miök.

Lebai 27:8

Ku na ye raan ë kuëëŋë raan kuany nyin aläl, ku cïn luɔi yök en kuën cï lueel, abï raan yiɛ̈n bɛ̈ny de kake Nhialic, ku abï kuën jɔ looi, kuën bï ë raanë kuëëŋ lëu në yök.

Lebai 5:12

Ku ëtɛ̈ɛ̈n abï jɔ yiɛ̈n bɛ̈ny de kake Nhialic, ku abï yeciin jɔ thiɔ̈ɔ̈ŋ në aɣaar ke ye miɔ̈c de këcam ye gäm Bɛ̈nydït, ku abï nyop në yïk nɔm ke ee miɔ̈c de kërac bïï cam. Ee miɔ̈c nyiɛɛiyë kërac.

Lebai 5:6

Abï miɔ̈c de awänyde yiɛ̈n Bɛ̈nydït, në biäk de kërɛɛc cï looi, abï ŋuöt, ku nɔn ee nyɔk bɛ̈ɛ̈i në thökke yiic, amääl ku nɔn ee bou, ke ee miɔ̈c de kërac, ku abï bɛ̈ny de kake Nhialic jɔ teem guöp në biäk de awänyde.

Lebai 5:9

ku abï riɛm biäk de miɔ̈c de kërac wiɛ̈ɛ̈th në yïk kɔ̈u, ku riɛm biäkë abïï thuaat ë thaaŋ ë yïkic, ee miɔ̈c de kërac.

Lebai 6:20

An, kënë ee miɔ̈c bï Aron kekë wɛ̈ɛ̈tke aa yiɛ̈n Bɛ̈nydït në kööl thɛny ë keek nïïm: Aduŋ de aɣaar piɛth ke ee miɔ̈c ë rap aköölnyïïn, biäkdɛn tök adurduur ku biäkdɛn tök thëën.

Kuɛ̈n 5:15

ke moc abï tik lɛɛr tëde bɛ̈ny de kake Nhialic, ku leer miɔ̈c ë rap kɔɔr rɔt ë biäkde, kilɔ de aɣar ë barli, ku acïï bï yiɛ̈k nɔm miök, ku wal ŋïr aya, na luɔi yen miɔ̈c ë rap de tiɛɛl, ku miɔ̈c ë rap de täk, kɔɔrë luɔi bïï yic tïc.

Luk 2:24

Ku bïk Nhialic yiɛ̈n kë bï lam ku näk, acït man cï e lueel ë löŋ ë Bɛ̈nydït an, guk kaarou, ku nɔn ee kek ajiël ke guuk kaarou.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Ɣeberuu 9:22

Acï löŋ lueel an, tëdït ë käŋ kedhie abï ke dhil tɔ ɣeriic në wïïth ë riɛm, acïn päl awɛ̈ɛ̈c të cïn riɛm cï lɛ̈u.