Lebai 5:10 - JAM DE NHIALIC 2011

¹⁰ Ku ëtɛ̈ɛ̈n abï din däŋë jɔ gam ke ee miɔ̈c ye nyop ëbɛ̈n cït man de ciɛɛŋ, ku abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 5:10 Iomraidhean Croise

Lebai 4:20

Ku abï ee miɔɔrë luöi kë cït kë man cï luöi miɔɔr de miɔ̈c de kërac. Ku në ee kueerë abï bɛ̈ny de kake Nhialic keek luöi atɛɛm, ku abï keek jɔ päl awɛ̈ɛ̈cken.

Lebai 4:26

Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 4:31

Abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abïï bɛ̈ny de kake Nhialic keek nyop në yïk nɔm, ke ye miɔ̈c tum mit në Bɛ̈nydït piɔ̈u, ku jɔ bɛ̈ny de kake Nhialic teem guöp, ku abï ja päl awɛ̈ɛ̈c.

Lebai 4:35

Ku abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abï bɛ̈ny de kake Nhialic ke nyop në yïk nɔm, në miɔ̈c ee luöi Bɛ̈nydït në mac nɔm. Ku abï bɛ̈ny de kake Nhialic jɔ teem në biäk de kërɛɛc cï looi, ku abï ja päl awɛ̈ɛ̈c.

Lebai 5:13

Në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi në ee kakë yiic, ku abï ja päl awɛ̈ɛ̈c. Biäk de aɣar cï döŋ ee këde bɛ̈ny de kakë Nhialic, cït man de täu de miɔ̈c ë rap.

Lebai 5:16

Abï dhil cool në biäk de kë kën cuat piny, ku abï kuën biäk de ka ɣeriic bɛ cuat piny, ku gëm bɛ̈ny de kake Nhialic. Ku abï bɛ̈ny de kake Nhialic jɔ teem guöp, në nyɔɔŋ de miɔ̈c de awäc, ku abï ja päl awɛ̈ɛ̈c.

Lebai 5:6

Abï miɔ̈c de awänyde yiɛ̈n Bɛ̈nydït, në biäk de kërɛɛc cï looi, abï ŋuöt, ku nɔn ee nyɔk bɛ̈ɛ̈i në thökke yiic, amääl ku nɔn ee bou, ke ee miɔ̈c de kërac, ku abï bɛ̈ny de kake Nhialic jɔ teem guöp në biäk de awänyde.

Romai 5:11

Ku acie yen etök, wok mit piɔ̈ɔ̈th ayadäŋ ë Nhialicic në Bɛ̈nydan Yecu Kërtho, raan ë yök wok mät në yen.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.