Lebai 4:7 - JAM DE NHIALIC 2011

⁷ Ku bɛ̈ny de kake Nhialic abï riɛm biäk jɔ tääu në yïk tuŋ, yïïŋ de wɛ̈ɛ̈l ŋïr në Bɛ̈nydït nɔm ë paany de mätic, ku biäk de riɛm de miɔɔr cï döŋ, abï wäl në thaaŋ de yïïŋ de miɔ̈c ye nyopic tɔ̈u në paany de mät thok.

Lebai 4:7 Iomraidhean Croise

Diɛt 118:27

Bɛ̈nydït Yen aye Nhialic, aa piɛth kekë wook ë caŋɣɔn. Miɔc yïcin në yïth ke tiim, ku gɔl dhuëëŋ cök ku wil yïïŋ de Bɛ̈nydït.

Bɛ̈n 29:12

Ku jak riɛm de miɔɔr në riöp nɔm, ku tɔc yïk tuŋ. Ku wälë riɛm cï döŋ piny në yïk thar piny.

Lebai 1:5

Ku abï miɔɔr koor nɔ̈k në Bɛ̈nydït nɔm. Na ëlë, ke wɛ̈ɛ̈t ke Aron, bäny ke kake Nhialic, abïk riɛm nööm ku wïïthkï në aguuk ke yïk kedhie, të lɔ paany de mät thok.

Lebai 16:18

Ku ëtɛ̈ɛ̈n, abï jɔ bɛ̈n biic ë yïk lɔ̈ɔ̈m, yïïŋ nu në Bɛ̈nydït nɔm, ku teem kɔc gup. Abï riɛm biäk de miɔɔr nööm, ku nööm riɛm biäk de nyɔk, ku tɛ̈ɛ̈u në yïk tuŋ kedhie.

Lebai 4:18

Ku jɔ riɛm biäk tääu në yïk tuŋ ë Bɛ̈nydït nɔm ë paany de mätic. Ku biäk de riɛm däŋ abï wäl në thaaŋ de yïïŋ de miɔ̈c ye nyopic, tɔ̈u në paany de mät thok.

Lebai 4:25

Ku ëtɛ̈ɛ̈n, bɛ̈ny de kake Nhialic abï riɛm biäk nööm në miɔ̈c de kërac yic, në yeriöp, ku tɛ̈ɛ̈u ë yïk tuŋ, yïïŋ de miɔ̈c ye nyop ëbɛ̈n, ku riɛm biäk, abï wäl në thaaŋ de yïïŋ de miɔ̈c ye nyopic.

Lebai 4:30

Ku ëtɛ̈ɛ̈n bɛ̈ny de kake Nhialic, abï riɛm biäk nööm në yeriöp ku tɛ̈ɛ̈u në yïk tuŋ. Yïïŋ de miɔ̈c ye nyop ëbɛ̈n, ku wɛ̈l riɛm biäk në aduŋ de yïkic.

Lebai 4:34

Ku ëtɛ̈ɛ̈n bɛ̈ny de kake Nhialic, abï riɛm biäk nööm në miɔ̈c de kërac yic në yeriöp, ku tɛ̈ɛ̈u në yïk tuŋ, yïïŋ de miɔ̈c ye nyop ëbɛ̈n. Ku wɛ̈l riɛm biäk në aduŋ de yïkic.

Lebai 5:9

ku abï riɛm biäk de miɔ̈c de kërac wiɛ̈ɛ̈th në yïk kɔ̈u, ku riɛm biäkë abïï thuaat ë thaaŋ ë yïkic, ee miɔ̈c de kërac.

Lebai 6:30

Ku miɔ̈c de kërac ëbɛ̈n, miɔ̈c cïï riɛmde bɛ̈ɛ̈i ë paany de mät yic, ku bïï atɛɛm bɛ̈n looi tëɣeric acïï bï dhil cam abï dhil nyop.

Lebai 8:15

Ago Mothe miɔɔr nɔ̈k ku nööm riɛm biäk në yeriöp, ku tɛ̈ɛ̈u në yïk tuŋ, në biäk bïï yen en tɔ piɛth, ku jɔ riɛm biäk wäl ë yïk thar, ku jɔ tɔ ɣeric, ke bï atɛɛm looi ë biäkde.

Lebai 9:9

Go wɛ̈ɛ̈tke riɛm yiɛ̈n en, go yeriöp luöt në riɛmic, ku tɛ̈ɛ̈u në yïk tuŋ, ku wɛ̈l riɛm biäk në yïk thar.

Epethiei 2:13

Ku ënɔɔnë në Kërtho Yecu yic, wek kɔc wään nu tëmec, we cï bɛ̈ɛ̈i tëthiɔ̈k në riɛm de Kërtho.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

Ɣeberuu 9:21

Ku yen nööm ë Mothe riɛm cït man awën ku wïïth ë paany ë lɔ̈ŋ kɔ̈u ku lɔ kake läm nu thïn kedhie.

Nyuuth 6:9

Na wën, aacï adöŋ ee kek dhïc kuɛ̈k bei, ke ya tïŋ wëi ke kɔc ë yïïŋ de läm thar kɔc ɣɔn cï nɔ̈k ë baŋ de jam ë Nhialic ku në luɔi ee kek cäätɔɔ ë löŋ döt: