Lebai 4:5 - JAM DE NHIALIC 2011

⁵ Ku ëtɛ̈ɛ̈n, bɛ̈ny de kake Nhialic, abï biäk de riɛm de miɔɔr nööm ku leer në Paany de Mätic.

Lebai 4:5 Iomraidhean Croise

Lebai 16:14

Ku abï riɛm de miɔɔr biäk nööm në yeriöp ku wïïth në akum nɔm, ku wïïth riɛm biäk në paany de mät nɔm raan dhorou.

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 16:19

Ku abï riɛm biäk wiɛ̈ɛ̈th në yïk kɔ̈u në yeriöp raan dhorou, në baŋ bï yen yïk waak ku tɔ guöp piath, në awɛ̈ɛ̈c de kɔc ke Yithriɛl.

Lebai 4:3

Na ee bɛ̈ny de kake Nhialic yen cï kërac looi, ku tɔ awäc bɔ̈ në kɔc gup, abï miɔɔr atiëëk näk Bɛ̈nydït, ke ye miɔ̈c de kërac, në biäk de kërɛɛcdɛn cï looi.

Lebai 6:23

Miɔ̈c ë rap de bɛ̈ny de kake Nhialic ëbɛ̈n, abï aa nyop taitai, ku acïï bï dhil cam.

Kuɛ̈n 19:4

Ku ëtɛ̈ɛ̈n, Eleyadhar abï yeriöp juɔɔl në riɛm, ku yoor të lɔ paany de mät raan dhorou.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.