Lebai 4:34 - JAM DE NHIALIC 2011

³⁴ Ku ëtɛ̈ɛ̈n bɛ̈ny de kake Nhialic, abï riɛm biäk nööm në miɔ̈c de kërac yic në yeriöp, ku tɛ̈ɛ̈u në yïk tuŋ, yïïŋ de miɔ̈c ye nyop ëbɛ̈n. Ku wɛ̈l riɛm biäk në aduŋ de yïkic.

Lebai 4:34 Iomraidhean Croise

Yith 42:21

Bɛ̈nydït aa mit piɔ̈u ke piathëpiɔ̈nde, acï löŋde ku wëëtde tääu nhial, akɔɔr bïï ë kɔcke aa riëëu guöp.

Lebai 4:18

Ku jɔ riɛm biäk tääu në yïk tuŋ ë Bɛ̈nydït nɔm ë paany de mätic. Ku biäk de riɛm däŋ abï wäl në thaaŋ de yïïŋ de miɔ̈c ye nyopic, tɔ̈u në paany de mät thok.

Lebai 4:25

Ku ëtɛ̈ɛ̈n, bɛ̈ny de kake Nhialic abï riɛm biäk nööm në miɔ̈c de kërac yic, në yeriöp, ku tɛ̈ɛ̈u ë yïk tuŋ, yïïŋ de miɔ̈c ye nyop ëbɛ̈n, ku riɛm biäk, abï wäl në thaaŋ de yïïŋ de miɔ̈c ye nyopic.

Lebai 4:30

Ku ëtɛ̈ɛ̈n bɛ̈ny de kake Nhialic, abï riɛm biäk nööm në yeriöp ku tɛ̈ɛ̈u në yïk tuŋ. Yïïŋ de miɔ̈c ye nyop ëbɛ̈n, ku wɛ̈l riɛm biäk në aduŋ de yïkic.

Lebai 4:7

Ku bɛ̈ny de kake Nhialic abï riɛm biäk jɔ tääu në yïk tuŋ, yïïŋ de wɛ̈ɛ̈l ŋïr në Bɛ̈nydït nɔm ë paany de mätic, ku biäk de riɛm de miɔɔr cï döŋ, abï wäl në thaaŋ de yïïŋ de miɔ̈c ye nyopic tɔ̈u në paany de mät thok.

Jɔn 17:19

Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.

Romai 10:4

Ku Kërtho yen aye thök de löŋ në këde piathëpiɔ̈u tëde raan ëbɛ̈n raan gäm.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Ɣeberuu 2:10

Acïï Nhialic tiiŋ nɔm, Raan ë cak këriëëc ëbɛ̈n ku dötke, abï Yecu tɔ dikëdik në guöm, ago kɔc juëc lɛɛr të bï kek dhuëëŋde rɔm. Në luɔi Yen Yecu yen ee kɔc wat tëde kunydewëi.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,