Lebai 4:3 - JAM DE NHIALIC 2011

³ Na ee bɛ̈ny de kake Nhialic yen cï kërac looi, ku tɔ awäc bɔ̈ në kɔc gup, abï miɔɔr atiëëk näk Bɛ̈nydït, ke ye miɔ̈c de kërac, në biäk de kërɛɛcdɛn cï looi.

Lebai 4:3 Iomraidhean Croise

2 Lëk 29:21

Ku akɔɔr bï miɔ̈c de kërac looi në biäk de baai de melik, ku në biäk de kɔc ke dhiën ë Juda, ku në biäk de tëɣeric, gokï miöör kadhorou nööm, ku amɛ̈l kadhorou, ku nyök bɔɔth kadhorou, ku nyök amɛ̈l kor kadhorou. Go Melik bäny ke kake Nhialic ke dhiën de Aron yɔ̈ɔ̈k, bïk läi nɔ̈k ke ke ye miɔ̈c në yïk nɔm.

Edhr 8:35

Ku ëtɛ̈ɛ̈n kɔc ë lɔ döök ciëën kedhie ë pɛ̈cic acïk miɔ̈c ye nyop ëbɛ̈n bɛ̈n näk Nhialic de Yithriɛl, näkkï miöör kathiëër ku rou tëde dhiëën ke Yithriɛl kedhie, ku nyök amɛ̈l kathiërdhoŋuan ku dhetem, ku nyök amɛ̈l kor kathiërdhorou ku dhorou. Ku näkkï nyök bɔɔth aya kathiëër ku rou ke ke ye miɔ̈c de kërac, kek läikë kedhie acïk ke nyop ke ke ye miɔ̈c de Bɛ̈nydït.

Bɛ̈n 29:14

Ku nyop rïŋ ë miɔɔr ë wut këc, ayï biöŋde, ayï cïïnke. Ku kënë ee miɔ̈c de kërac bï karɛc ke bäny ke kake Nhialic nyaai.

Bɛ̈n 29:21

Ku nöm biäk de riɛm nu në yïk nɔm. Ku nöm miök thiinakäŋ në miök ë tɔc, ku wïïthë në Aron guöp kekë lupɔɔke, ku wïïthë biäk në lupɔɔ ke wɛ̈ɛ̈tke gup, ku yen ke lupɔɔke abï yiic ɣɛɛr, ku jɔ Ya bɛ̈n gäm Aron kekë wɛ̈ɛ̈tke.

Bɛ̈n 29:7

Ku nöm miök de tɔc, ku wälë në yenɔm tɔc yïn en.

Bɛ̈n 30:10

Ku abï Aron en aa teem guöp raantök në ruöönic ëbɛ̈n. Abï riɛm de län cï näk miɔ̈c de kërac de atɛɛm aa nööm, ku teem en ke yïk ku tɔc tuŋ ke yïk kaŋuan. Kënë ë ye looi në runiic ëbɛ̈n. Ku yen ee yïïŋë, ë gëmë Yɛn, Yɛn Bɛ̈nydït, ku abï dhil tɔ̈u ke ɣeric aläl anande.

Edhekiɛl 40:39

Ku gɔ̈ɔ̈lë ade yic pɛɛm kaŋuan, rou ayek nu ë biäk töŋ de ɣöt. Ayek läi bïï gam ke ke ye miɔ̈c nɔ̈k ee pɛɛmkë nïïm, na ee läi bï nyop ëbɛ̈n, ku nɔn ee läi ke miɔ̈c de kërac, ku nɔn ee miɔ̈c de awäc.

Edhekiɛl 43:19

Bäny ke kake Nhialic ke dhiën ke Lebai de baai de Dhadok ee keek kapäc kek abï aa bɛ̈n të täu ɛn thïn, bïk a bɛ̈n luööi. Ee Yɛn Bɛ̈nydït Awärjäŋ Yɛn aa luel ee kënë. Abä ke gäm miɔɔr atiëëk bïk nɔ̈k ke ye miɔ̈c de kërac.

Edhekiɛl 44:27

ku ëtɛ̈ɛ̈n abï jɔ lɔ në biäk thïn, ke bï jɔ lɔ luui tëɣeric, ku abï miɔ̈c de kërɛɛcde gam. Acä lueel, Yɛn Bɛ̈nydït Nhialic.

Lebai 1:10

Na ye këdɛn gɛm ke ee miɔ̈c ye nyop ëbɛ̈n, na ye amääl ku nɔn ee bou, abï nyɔɔŋ cïn guöp tëdak dhil gam.

Lebai 1:3

Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Lebai 16:11

Ku të cï Aron miɔɔr nɔ̈k ke ye miɔ̈c de kërac në biäk de yen guöp, ku abï rɔt teem kekë paande.

Lebai 16:3

Abï lɔ Tëɣeric aläl të cï yen miɔɔr atiëëk bɛ̈ɛ̈i, ke ye miɔ̈c de kërac ku nyɔɔŋ amäl ke ye miɔ̈c ye nyop ëbɛ̈n.

Lebai 16:5

Ku akutnɔm de kɔc ke Yithriɛl, abïk Aron gäm nyök ke bɔɔth kaarou ke ye miɔ̈c de kërac, ku nyɔɔŋ amääl tök ke ye miɔ̈c ye nyop ëbɛ̈n.

Lebai 16:6

Ku abï miɔɔr nɔ̈k, bï gam ke ye miɔ̈c de kërac ke yen guöp, ku abï rɔt jɔ teem kekë paande.

Lebai 4:14

Të le kek kërɛɛc cïk wööc ŋic, ke amatnɔm ëbɛ̈n abï miɔɔr atiëëk dhil bɛ̈ɛ̈i në paany de mät thok, ke ye miɔ̈c de kërac.

Lebai 4:23

Ku të cï yen kërɛɛcdɛn cï looi ŋic, abï nyɔɔŋ bou cïn guöp tëdak dhil bɛ̈ɛ̈i ke ye miɔ̈cde.

Lebai 4:28

Ku të cï yen kërɛɛcdɛn cï looi ŋic, abï bon ŋuöt bɛ̈ɛ̈i ke cïn guöp tëdak, ke ye miɔ̈cde në baŋ de kërɛɛc cï looi.

Lebai 4:5

Ku ëtɛ̈ɛ̈n, bɛ̈ny de kake Nhialic, abï biäk de riɛm de miɔɔr nööm ku leer në Paany de Mätic.

Lebai 5:6

Abï miɔ̈c de awänyde yiɛ̈n Bɛ̈nydït, në biäk de kërɛɛc cï looi, abï ŋuöt, ku nɔn ee nyɔk bɛ̈ɛ̈i në thökke yiic, amääl ku nɔn ee bou, ke ee miɔ̈c de kërac, ku abï bɛ̈ny de kake Nhialic jɔ teem guöp në biäk de awänyde.

Lebai 6:18

Ku mïth kë wɛ̈ɛ̈t ke Aron röör kedhie aduëërkï cam në yen. Ee biäkdɛn de aköölnyïïn në miɔ̈c yic. Miɔ̈c cï luɔi Bɛ̈nydït në mac agut cï rɛm cï rɛm bï lɔ̈ɔ̈k bɛ̈n, kë bï yen aa jak ë bɛ̈n abï yic ɣɛɛr.

Lebai 8:12

Ku jɔ Aron thany nɔm në luuŋ luuŋ en biäk de miök de tɔc në yenɔm.

Lebai 9:2

Go keek yɔ̈ɔ̈k, an, “Nämkï miɔɔr atiëëk në biäk de miɔ̈c de kërac ku nyɔɔŋ amääl në biäk ë miɔ̈c ye nyop ëbɛ̈n, keek kedhie abïk gup ciën tëdak, ku gɛmë keek në Bɛ̈nydït nɔm.

Lebai 9:3

Na wën ke yɔ̈ɔ̈k kɔc ke Yithriɛl an, ‘Nöm nyɔɔŋ bou në biäk de miɔ̈c de kërac, ku miɔɔr kekë nyɔɔŋ amääl abïk run aa tök, ku cïnkï gup tëdak, në biäk de miɔ̈c ye nyop ëbɛ̈n.

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Kuɛ̈n 8:8

Ku tɔ ke nöm miɔɔr atiëëk, ku nömkï aɣar lɔ mot cï liääp ke miök ke ye miɔ̈c ë rap. Ku nömkï miɔɔr dhuŋ däŋ ke ye miɔ̈c de kërac.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Ɣeberuu 5:3

Yen aye yen miɔ̈c gam në biäk de awɛ̈ɛ̈cke, ku në biäk de awɛ̈ɛ̈c ke kɔc ayadäŋ.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.