Lebai 4:21 - JAM DE NHIALIC 2011

²¹ Ëtɛ̈ɛ̈n abï miɔɔr tueŋë kɔn nyop, kënë ee miɔ̈c de kërac de amatnɔm.

Lebai 4:21 Iomraidhean Croise

Edhr 8:35

Ku ëtɛ̈ɛ̈n kɔc ë lɔ döök ciëën kedhie ë pɛ̈cic acïk miɔ̈c ye nyop ëbɛ̈n bɛ̈n näk Nhialic de Yithriɛl, näkkï miöör kathiëër ku rou tëde dhiëën ke Yithriɛl kedhie, ku nyök amɛ̈l kathiërdhoŋuan ku dhetem, ku nyök amɛ̈l kor kathiërdhorou ku dhorou. Ku näkkï nyök bɔɔth aya kathiëër ku rou ke ke ye miɔ̈c de kërac, kek läikë kedhie acïk ke nyop ke ke ye miɔ̈c de Bɛ̈nydït.

Bɛ̈n 29:14

Ku nyop rïŋ ë miɔɔr ë wut këc, ayï biöŋde, ayï cïïnke. Ku kënë ee miɔ̈c de kërac bï karɛc ke bäny ke kake Nhialic nyaai.

Edhekiɛl 45:22

Në kööl tueŋ de dhuëëŋ, wën bɛ̈ny mac baai, abï miɔɔr atiëëk nɔ̈k ke ye miɔ̈c de kërac, në biäk de awɛ̈ɛ̈cke ku kɔc kedhie.

Lebai 16:15

Në ee kënë cök, abï nyɔk jɔ nɔ̈k ke ye miɔ̈c de kërac në baŋ de kɔc, ku bïï riɛmde ë gëlgëlic ku wïïth riɛmde në akum nɔm, ku në paany de mät nɔm, cït man cï yen e looi në riɛm de miɔɔr.

Lebai 16:21

Ku abï yeciin thany në nyɔk nɔm, ku gɛm awɛ̈ɛ̈c ku karɛc ku luɔi, ku karɛc de kɔc ke Yithriɛl ëbɛ̈n. Ku jɔ keek pɔ̈k në nyɔk nɔm, ku ëtɛ̈ɛ̈n, nyɔk abï jɔ kuaath ë jɔ̈ɔ̈ric në raan cï lɔc an bï yen looi.

Lebai 16:27

Ku miɔɔr kekë nyɔɔŋ de miɔ̈c de kërac, wään cïï riɛmden bɛ̈ɛ̈i tëɣeric, bïï ë yen bɛ̈n teem guöp, abï keek dhil lɛɛr ë wut këc. Yen biöŋden ayï rïŋ, ayï yäc, abï keek dhil nyop ëbɛ̈n.

Lebai 4:13

Na cï akutnɔm de Yithriɛl kërac wööc kedhie. Ke cïkï ŋic. Ku lëk kë cïï Bɛ̈nydït rɛɛc në lööŋke yiic looi. Acakaa nɔn kuc ë amatnɔm yen ëbɛ̈n, ka acïk kërac wööc.

Lebai 4:20

Ku abï ee miɔɔrë luöi kë cït kë man cï luöi miɔɔr de miɔ̈c de kërac. Ku në ee kueerë abï bɛ̈ny de kake Nhialic keek luöi atɛɛm, ku abï keek jɔ päl awɛ̈ɛ̈cken.

Lebai 6:11

Ku jɔ lupɔ ke waar, ku jɔ ŋeth jɔt leer ë wut këc të wën piɛth në baŋ de ciɛɛŋ.

Lebai 6:23

Miɔ̈c ë rap de bɛ̈ny de kake Nhialic ëbɛ̈n, abï aa nyop taitai, ku acïï bï dhil cam.

Lebai 8:17

Ku nööm biöŋ de miɔɔr ku rïïŋde ku cïïnke ku lee keek nyop në wut këc biic, cït man cïï Bɛ̈nydït yen yɔ̈ɔ̈k.

Kuɛ̈n 15:24

Na ye awäny ë wööc kuc akutnɔm de kɔc, ke ke gɛm miɔɔr atiëëk ke ye miɔ̈c ye nyop ëbɛ̈n ye atuɔ̈mde Bɛ̈nydït miët piɔ̈u. Ku gɛmë kekë miɔ̈c ë rap, ku miɔ̈c ye dek ëtök. Ku ë ke gɛm nyɔɔŋ bou ke ye miɔ̈c de kërac.

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Ɣeberuu 13:11

Yeka ye bɛ̈nydïït ë kake Nhialic de Judai lɔ Tëɣeric aläl ka, ke muk rim ke läi, ka gɛmë ka näk në biäk de karɛc ke kɔc, ku gupken aye ke nyop ë wut këc biic.