Lebai 3:6 - JAM DE NHIALIC 2011

⁶ Na gëm raan Bɛ̈nydït miɔ̈c de mät në thökke yiic, abï ya ŋuöt ku nɔn yen nyɔk, ke cïn guöp tëdak

Lebai 3:6 Iomraidhean Croise

Yith 60:7

Thök ke Kedar ku Nebayɔth abï ke yiɛ̈n week ke ke ye miɔ̈c näk ku abï ke gam në yïk nɔm agokï Bɛ̈nydït miët piɔ̈u. Bɛ̈nydït abï ɣönde gäm dhuëëŋ dït cïn kë kït kek.

Lebai 1:10

Na ye këdɛn gɛm ke ee miɔ̈c ye nyop ëbɛ̈n, na ye amääl ku nɔn ee bou, abï nyɔɔŋ cïn guöp tëdak dhil gam.

Lebai 1:2

lööŋ bïï kɔc ke Yithriɛl döt të gɛm kek miɔ̈c. Tëde yen raan gëm Bɛ̈nydït miɔ̈c në weyiic, ë bïï miɔ̈cde ke ye thɔ̈k në thökke yiic, ku nɔn ee weŋ në ɣɔ̈kke yiic.

Lebai 19:5

Ku të gëm yïn Bɛ̈nydït miɔ̈c de mät, ye gam në kueer bïï ë yen gam në nyindu yic.

Lebai 22:20

Du kë de guöp tëdak bïï, në biäk cïï ë yen bï gam në nyindu yic.

Lebai 23:19

Ku wek bï nyɔɔŋ bou tök gam ke ee miɔ̈c de kërac ku nyök amɛ̈l kaarou ke ee miɔ̈c de mät.

Kuɛ̈n 15:5

Ku gɛm abïny abuɔ̈ɔ̈ric në mɔ̈u, ke ye miɔ̈c ye dek. Abï ya luöi miɔ̈c ye nyop ëbɛ̈n, ku nɔn yen miɔ̈c näk.

Kuɛ̈n 6:14

Ku gëm Bɛ̈nydït nyɔɔŋ amääl ë run tök ke cïn guöp të dak, ke ye miɔ̈c ye nyop ëbɛ̈n. Ku gëm Bɛ̈nydït nyɔɔŋ bou ee run tök cïn guöp tëdak, ke ye miɔ̈c de kërac. Ku gɛm nyɔɔŋ amääl ke ye miɔ̈c de mät.

Luɔi 4:27

Kɔc acïk guëër në yic, kɔc de ater në Yecu Wënduön ɣeric, Wënduön cï tɔc, yï Ɣerod ayï Pontio Pilato, kekë Juöör ku kɔc ke Yithriɛl, aake guëër tëtöŋë,

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

Epethiei 1:10

Në këde ciɛɛŋ bï en käŋ cieŋ kedhie, të cï piny guɔ thök an, abï käŋ tɔ kut nïïm ëbɛ̈n, tɛ̈ɛ̈u keek ë Kërtho cin, ayï ka nu paannhial, ayï ka nu ë piny nɔm.