Lebai 3:16 - JAM DE NHIALIC 2011

¹⁶ Abïï bɛ̈ny de kake Nhialic ke nyop në yïk nɔm ke ke ye këcam. Miɔ̈c cï looi në mac, miɔ̈c tum mit. Ku kɔɔl kedhie ee kake Bɛ̈nydït.

Lebai 3:16 Iomraidhean Croise

Cäk 4:4

Ku bïï Abel nyɔɔŋ kɛ̈ɛ̈i de thɔ̈ɔ̈k tök në thökke yiic, ku nɛ̈k ku gëm Bɛ̈nydït biäk piɛthde, ke ye miɔ̈cde. Ago Bɛ̈nydït piɔ̈u miɛt ke miɔ̈c de Abel,

2 Lëk 29:35

Ku däŋ bï bäny ke kake Nhialic mat në gɛm de miɔ̈c ye nyop ëbɛ̈n cök ee kɔl de miɔ̈c de mät, ku bïk mɔ̈u wäl wei, mɔ̈n wën ye gam kekë miɔ̈c ye nyop ëbɛ̈n. Ago läm bɛ gɔl ë Luaŋdïtic.

2 Lëk 7:7

Ago Tholomon pëëric cil guiir gam, ku guiir biäk tueŋ de Luaŋdït, ku jɔ miɔ̈c ye nyop ëbɛ̈n gam ëtɛ̈ɛ̈n, ku miɔ̈c ë rap, ku kɔɔl ke miɔ̈c de mät. Aa loi ee kënë në biäk cïï yïïŋ de maläŋ cï looiyë ee miɔ̈ckë duëër jɔt kedhie.

Bɛ̈n 29:13

Ku nöm kɔɔl yiëëc ëbɛ̈n, kɔl ë yäc ku cïïn, ku nöm cuäny, ku rook kaarou në kɔɔlken, ku nyop keek në yïk nɔm, ke ye miɔ̈cdï.

Bɛ̈n 29:22

“Nöm kɔɔl ke nyɔk, kɔl ë yɔ̈l, ku kɔl ë yäc, ayï kɔl ë cïïn. Ku nöm biäk piɛth ë cuäny, ku rook kaarou në kɔl de kekɔ̈ɔ̈th. Ku nöm ɣäm cuëc (në luɔi yen nyɔɔŋ tɔ yë kɔc ee bäny ke kake Nhialic).

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Edhekiɛl 44:15

Acïï Bɛ̈nydït Awärjäŋ lueel an, “Kek bäny ke kake Nhialic kë, ke dhiën ë Lebi ke kuat de Dhadok aŋootkï ke ke ye ya luööi në piɔ̈n adöt tëɣeric, të wään cïï kɔc juëc ke Yithriɛl röt yal wei tëde yɛn. Ka ënɔɔnë ee kek ee kɔc bï yɛn aa luööi, ku bïk aa bɛ̈n të täu ɛn thïn, bïk ɛn bɛ̈n gäm kɔl ku riɛm de miɔ̈c näk.

Lebai 17:6

Ku bɛ̈ny de kake Nhialic, abï riɛm wiɛ̈ɛ̈th në yïïŋ de Bɛ̈nydït guöp, në paany de mät thok, ku nyop kɔl bïï aa atuɔ̈m mit në Bɛ̈nydït piɔ̈u.

Lebai 4:26

Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 4:31

Abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abïï bɛ̈ny de kake Nhialic keek nyop në yïk nɔm, ke ye miɔ̈c tum mit në Bɛ̈nydït piɔ̈u, ku jɔ bɛ̈ny de kake Nhialic teem guöp, ku abï ja päl awɛ̈ɛ̈c.

Lebai 8:25

Ku nööm kɔɔl, ku kɔlde yɔ̈l, ku kɔɔl kedhie nu në kayiëëc kɔ̈ɔ̈th, kekë biäk piɛth de cuäny. Ku rook kedhie kekë kɔɔlken ku ɣäm cuëc.

Lebai 9:24

Ago mac bɛ̈n bei në Bɛ̈nydït lɔ̈ɔ̈m, ku thöl miɔ̈c ye nyop ëbɛ̈n kekë biäk cuai nu ë yïk nɔm. Na wën aa tïŋ ë kɔc kedhie, agokï kiɛɛu de miɛt de piɔ̈u moc, ku gutkï kenïïm piny lamkï Bɛ̈nydït.

Math 22:37

Go Yecu yɔ̈ɔ̈k an, “Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n, ku në nɔmdu ëbɛ̈n.