Lebai 26:9 - JAM DE NHIALIC 2011

⁹ Wek bä aa woi në piɔ̈n mit, ku wek bä tɔ dhiëth ku ŋuak kuëndun, ku yɛn bï Mändï döt wokë ë week.

Lebai 26:9 Iomraidhean Croise

Cäk 1:28

Go Nhialic ke thieei, ku lëk keek an, “Jakï röt dhiëëth ku kɛɛrkï, thiäŋkï piny nɔm, ku jakï cieŋ nɔm. Ku yïn tääu ee kakë nïïm kedhie, rec ku diɛt, ku kapïr ë piny nɔm ëbɛ̈n.”

Cäk 17:20

Ku këduön cï lueel në biäk de Yicmiɛl acä piŋ. Abä thieei aya, ku abä tɔ kɛɛr aläl. Ku abä tɔ ye wun bäny kathiëër ku rou, ku ta ye jur dït.

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Cäk 28:3

Ku Nhialic Awärjäŋ, abï yï thieei, ku tɔ yï kɛɛr aläl. Ku yïn bï jɔ aa wun kut dïït ë kɔc.

Cäk 48:4

lëk ɛn an, ‘Yïn bä gäm mïth juëc, ku mïthku abïk aa wuöt juëc. Pinyë abä gäm mïthku tɔkï ee pinyden aɣet athɛɛr.’ ”

Cäk 6:18

Ku Yɛn bï dɛ mät wokë yïn, ku jɔ bɛ̈n lɔ abël wïïric wekë tiiŋdu, ku wɛ̈ɛ̈tku, ku diäär ke wɛ̈ɛ̈tku.

1 Mel 3:8

Ku lïmdu anu ë kɔciic cil, kɔc cï lɔc, kɔc juëc arëët kɔc cïï duëërë ŋic nyïïn, ku cïï ke lëu në kuɛ̈n.

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

Neɣe 2:20

Guɔ bɛ̈ɛ̈r an, “Nhialic de paannhial Yen abï wo gäm tiëm, wok ee lïïmke, ka wok bï yïk lɔ gɔl. Ku wek cïn nïïm yic në kake Jeruthalemiic, ku cïn kë bäk rɔm në kake ciɛɛŋde yic.”

Neɣe 9:23

Acï ke gäm mïth juëc cït kuɛl nhial ku tɔ ke pec piny ku rëërkï thïn, në thön ɣɔn cïï Yïn e thɔ̈n kuarken nɔn bï Yïn ke gäm piny.

Diɛt 107:38

Bɛ̈nydït ë kɔcke gäm athiɛɛi, agokï dɛ mïth juëc, acï lunydɛn ë ɣɔ̈k tɔ lɔ ke ŋuak yenyin.

Diɛt 89:3

Acï lueel an, “Yɛn cï mät looi wokë Debid raan cä lɔc, ku yɛn cï gutguut looi në luöi bän piɔ̈u piath wokë yen.

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Bɛ̈n 2:25

Go Nhialic ciɛɛŋ cieŋ ë kɔc ke Yithriɛl tïŋ, ku tïŋ Nhialic täuden.

Bɛ̈n 6:4

Ku Yɛn aacï mät looi wo keek ayadäŋ, ku thɔ̈n keek nɔn bän ke gäm piny ë Kanaan, piny ɣɔn cieŋkï ke ke ye kamaan.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 23:4

Yɛn bï bäny bï keek tit lɔc. Kɔckï acïkï bï riɔ̈ɔ̈c ku cïkkï pɛ̈u wei, ku acä ke bï bɛ luöi këtuc. Acä lueel, Yɛn Bɛ̈nydït.”

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Edhekiɛl 16:62

Yɛn bï mändï bɛ looi wo yïn, ku abä ŋic nɔn ee yɛn Bɛ̈nydït.

Edhekiɛl 36:9

Yɛn tɔ̈u në biäkdun, ku abä dhil tïŋ ë gɔk nɔn bïï pinydun bɛ puur ka kɔ̈th abïï ke com ëtɛ̈ɛ̈n.

Lebai 26:15

Ku na lak wëëtdï rɛɛc ku mankï lööŋkï, ku cäkï lööŋkiën cä lueelë kedhie bï looi, ku dhuɔŋkï mändï kɔ̈u.

Luk 1:72

Bï kok ee yen piɔ̈u kok ke kuarkuɔ thöl, Ku be yenɔm tak në löŋ wään cï mac löŋ ɣeric,

Nyöŋ 28:11

Bɛ̈nydït abï week gäm mïth juëc, ku ɣɔ̈k juëc, ku rɛɛp juëc në piny cï thön kuarkun an bï gäm week.

Nyöŋ 28:4

“Bɛ̈nydït abï week thieei në mïth juëc, ku rɛɛp juëc, ku ɣɔ̈k juëc ku thök juëc.

Nyöŋ 7:13

Abï we nhiaar ku thieei week, aguɔkï juëc ku dɛkï mïth juëc, abï duumkun thieei aguɔkï nïïm dɛ rap, ku mɔ̈u, ku miök de olip, ku abï we thieei në miɔ̈c bï yen we miɔɔc në ɣɔ̈k juëc ku amɛ̈l. Abï week gäm athiɛɛiyë ëbɛ̈n në piny cï lɛ̈k kuarkun an bïï gäm week.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!