Lebai 26:5 - JAM DE NHIALIC 2011

⁵ Wek bï aa käm aɣët të bï rap tem ku tɛmkï rap aɣët të bï com bɛ bɛ̈n, ku wek bï këcam kaarkï ëbɛ̈n cam, ku wek bï rɛ̈ɛ̈r ë diu pinydun.

Lebai 26:5 Iomraidhean Croise

Diɛt 144:13

Tɔ arɔɔthkuɔ ye thiäŋ në kak ee luɔk ëbɛ̈n, ku bï thök amɛ̈lkuɔ aa dhiëth në aguum kathiëër de amithöök.

Diɛt 90:1

Bɛ̈nydït, Yïn aaye ɣöndan ë thiaan në akööl ke rɛmkuɔ yiic ëbɛ̈n.

Bɛ̈n 16:8

Ku lueel ë Mothe an, “Ee Bɛ̈nydït Yen abï we aa miɔɔc në rïŋ thëën, ku miɔɔc we në kuïn cït man ë kë kaarkï, në biäk cï Yen piŋ. Ku ë yic të duɔk wek në wook, ka wek dok në Bɛ̈nydït.”

Kɛ̈ŋ 1:33

Ku raan ëbɛ̈n, raan ee kë luɛɛl piŋ, abï rëër ë dïu. Abï kony wëi, ku acïn kë bï ye riääc.”

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 1:19

Na lak A lɔ riëëu, ke wek bï kapiɛth bïï piny ke luɔk aa cam.

Yith 30:23

Të la wek kɔ̈thkun com, Bɛ̈nydït abï deŋ tuööc bï ke tɔ goŋ ku tɔ kakun lok abäk kajuëc tem, ku ɣɔ̈kkun abïk dɛ wal juëc nyuäthkï.

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Ɣodh 2:18

Ku ëtɛ̈ɛ̈n, Yɛn bï mät looi wokë läi roor, ku diɛt, ku ka ee mol piny, në biäk cïï kek kɔckï bï bɛ luöi kërac. Ku këriëëc de tɔŋ ëbɛ̈n, abä ke nyaai pinyden: abätäu, ayï dhaŋ abïk liu, ke kɔckï ë ke bï tɔ̈c ë läŋ kedhie.

Ɣodh 2:20

Yïn bä lɔc në piɔ̈n adöt, ka yïn bï Bɛ̈nydït ŋic ke ee këdu.

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Jowɛl 2:22

Duökï riɔ̈c läi roor. Ɣään ke nyuäth nu ë jɔ̈ɔ̈ric acïk bɛ tɔ̈c, tiim acïk bɛ luɔk në mïth, yï enap ayï ŋaap acïk bɛ luɔk arëët aya.

Jowɛl 2:26

Ka wek bï nïïm bɛ dɛ kacaam bï we kueth. Ka wek bï Bɛ̈nydït Nhialicdun bɛ lɛc nɔm, Raan cï we luöi kake gäi. Kɔckï acïï keek bï bɛ biɔɔn gup ananden.

Amoth 9:13

Aye Bɛ̈nydït lueel an, “Akööl abïkï, akööl bï kɔc ee pur ka temkï yök, ku enap abï dap luɔk ke të ye ë ye nyiith ŋoot wei. Ku kur abïk nïïm aa thuat në mɔ̈n mit, ku kuëër kur kor kɔ̈ɔ̈th ëbɛ̈n në mɔ̈u aya, abï piny mool.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Luɔi 14:17

Ku akën rɔt pɔ̈l të cïn cäätɔde tei, aaye cool ë loi luɔi piɛth, ee wo miɔɔc në deŋ bɔ̈ nhial ayï pɛɛi ee käŋ luɔk, go wo tɔ kueth ë këcam abuk piɔ̈ɔ̈th miɛt.”

Nyöŋ 11:15

ku wal ke ɣɔ̈k, wek bï nïïm de kacaam kaarkï.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.