Lebai 26:44 - JAM DE NHIALIC 2011

⁴⁴ Ku na cakaa nɔn tɔ̈u en aya të rɛ̈ɛ̈r kek piny de kɔc de kek ater, acä keek bï rɛɛc ku acä keek bï maan man abä keek riɔ̈ɔ̈r nyïïn taitai, ku riääk mändï wokë keek. Ee Yɛn Bɛ̈nydït Nhialicden.

Lebai 26:44 Iomraidhean Croise

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Neɣe 9:31

Ku në biäk dïït ë kokdepiɔ̈ndu, akɛ̈në ke nyääŋ piny, ku nɔn riäk keek. Yïn ee Nhialic de nhiëër de nɔm kokdepiɔ̈u!

Diɛt 103:13

Cït man ye wun mïth piɔ̈u kok kekë mïthke, Yen aye Bɛ̈nydït piɔ̈u kok aya kekë kɔc wën ee Yen riëëu.

Diɛt 89:33

Ku Yɛn cïï Debid bï pɛ̈n nhiëërdiën agɔk, ku cä piɔ̈ndiën adöt tɔ ee lueth.

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Jeremia 14:21

Tak gutguutdu ku du wook biɔn gup, du ayäär bïï Jeruthalem, të de thöönyduön ë dhuëëŋ. Du löŋduön cï mac we wook dhoŋ kɔ̈u.

Jeremia 24:5

“Yɛn Bɛ̈nydït Nhialic de Yithriɛl, Yɛn ee kac cï peec leerë keek Jeruthalem tïŋ cï mïth ke ŋaap piɛth, ku bä ke looi apiɛth.

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Edhekiɛl 16:60

Ku yɛn bï män cä looi wo yïn wään koor yïn riëëu, ku yɛn bï mät looi we yïn män bï tɔ̈u aɣet athɛɛr.

Lebai 26:11

Yɛn bï rëër në weyiic tëdiën ɣeric, ku wek cä ke bï nyääŋ piny.

Romai 11:2

Nhialic akën kɔcke cuat wei, kɔckɛn cï kɔn lɔc. Kuöckï kë cï këcïgɔ̈ɔ̈r lueel në këde? Läŋ cï Elija Nhialic lɔ̈ŋ në këde Yithriɛl an:

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

Bäny 2:1

Go tunynhial ë Bɛ̈nydït jäl në Gilgal le Bokim ku yöök kɔc ke Yithriɛl an, “Wek cä bɛ̈ɛ̈i bei në Rip ku lɛɛr wek paan ɣɔn cä gäm kuarkun. Guɔ lueel an, “Yɛn cïï löŋdiën cä mac bï dhoŋ kɔ̈u wo week.