Lebai 26:1 - JAM DE NHIALIC 2011

¹ Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Lebai 26:1 Iomraidhean Croise

2 Mel 17:10

Acïk wai yaath ye yanh cɔl Acera lam tääu në kur nïïm ëbɛ̈n, ku në tiim tɔ̈c thäär ëbɛ̈n,

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 17:8

ku yek cath në ciɛɛŋ de juöör kɔ̈kiic, juöör ɣɔn cop ë Bɛ̈nydït wei në Yithriɛl nɔm, go meliik ke Yithriɛl ciɛɛŋden dɔmic.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 20:23

Duökï röt lui yiëth bäk keek aa lam në Yɛn ëtök. Yiëth ke ateek, ku nɔn ee kek yiëth ke adhääp.

Bɛ̈n 23:24

Duökï wenïïm gut piny në yiëthken nïïm ku duökï ke lam. Ku duökï kuɛɛrkɛn ke läm dɔmiic. Riäkkï yiëthken ku dhuööŋkï kur ke yïïkken.

Bɛ̈n 34:17

“Duökï röt lui yiëth ke wëëth, ku lamkï keek.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

Lebai 25:55

Raan de Yithriɛl acïï duëër aa lïm athɛɛr, në biäk ye kɔc ke Yithriɛl lïïm ke Bɛ̈nydït. Acï ke bɛ̈ɛ̈i bei ë Rip, ee Yɛn Bɛ̈nydït Nhialicden.

Lebai 7:33

Ku wën de Aron awën gɛm riɛm kekë kɔl de miɔ̈c de mät, abï dɛ ɣäm cuëc ke ye këde.

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 5:6

‘Yɛn ee Bɛ̈nydït Nhialicdun, Nhialic ɣɔn bïï week bei paan ë Rip, të wään ya wek lïïm thïn.

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Bäny 18:30

Go kɔc ke Dan röt luöi yath, ku kuanykï Jɔnathan wën ë Gercom, käu de Mothe, ke ye gunyden. Wɛ̈ɛ̈tke acïk bɛ̈n ŋoot ke ke ye guc ke dhiën ë Dan, aɣet cï akööl ɣɔn leerë kɔc ë pɛ̈cic.