Lebai 21:6 - JAM DE NHIALIC 2011

⁶ Abïk röt dhil tɔ ɣer ë Nhialic nɔm ku acïkï rin ke Nhialic bï dhil aa läät. Në biäk ye kek miɔ̈c cï looi ë mac gäm Bɛ̈nydït, këcam de Nhialicden, ka abïk yiic dhil ɣɛɛr.

Lebai 21:6 Iomraidhean Croise

Edhr 8:28

Aguɔ lɛ̈k keek an, “Wek ɣeriic tëde Bɛ̈nydït ayï aduuk aɣeerkï yiic, ku ka cït atek ku adhɛ̈p ayek miɔ̈c de miɛtëpiɔ̈u de Bɛ̈nydït, Nhialic de kuarkun.

Bɛ̈n 19:22

Ayï bäny ke kake Nhialic bɔ̈ të nu Bɛ̈nydït thïn, ë ke ye kegup kɔn waak. Na cïkï lɔ looi aya, abï Bɛ̈nydït ke luöi këtuc.”

Bɛ̈n 28:36

“Cuëc aduök në adhäm awai. Ku gäärë yic an, ‘Ee kë ɣeric cï gäm Bɛ̈nydït!’

Bɛ̈n 29:44

Ku Yɛn bï paany de mät tɔ ɣeric kekë yïk. Ku kuëny Aron bei kekë wɛ̈ɛ̈tke bïk Ɛn aa luööi ke ke ye bäny ke kake Nhialic.

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Lebai 19:12

Duökï ee kuëëŋ në rinkï baaŋ në lueth, ku jakï rinkï yɔ̈ɔ̈r. Ee yɛn Bɛ̈nydït Nhialicdun

Lebai 20:3

Yɛn bï Yanyin wɛ̈l ee raanë ku abä tɛ̈ɛ̈m bei në kɔckï yiic në biäk cïï yen mïthke gäm Molek, acï tëdiën ɣeric riɔ̈ɔ̈k ku lɛ̈ɛ̈t rinkiën ɣeriic.

Lebai 21:17

“lɛ̈kë Aron alë an, ‘Në rɛm bï lɔ̈ɔ̈k bɛ̈n wadäŋ, ë cïn raan në mïth ë mïthku yiic, raan de guöp të dak, bï bɛ̈n ë ya lɔ̈ɔ̈m bï këcam de Nhialicde bɛ̈n gam:

Lebai 21:21

Acïn raan në mïth ke mïth ke Aron yiic, bɛ̈ny de kake Nhialic raan de guöp tëtök, bï bɛ̈n në yalɔ̈ɔ̈m bïï miɔ̈c cï looi ë mac bɛ̈n gäm Bɛ̈nydït, në biäk de yen guöp të dak, acïï bï dhil bɛ̈n të thiɔ̈k, bïï këcam bɛ̈n gäm Nhialicde.

Lebai 21:23

Ku në biäk de tëdak në yeguöp, acïï bï dhil lɔ në gëlgël lɔ̈ɔ̈m ayï yïïŋdï lɔ̈ɔ̈m aya, ago ɣäänkiën ɣeriic cuö riɔ̈k. Ee Yɛn Bɛ̈nydït, raan ë tɔ keek ɣeriic.”

Lebai 21:8

Yak bäny ke kake tɔ ɣeriic në ke ye kek këcam de Nhialicdun gam. Yak keek tɔ ɣeriic, në biäk aa Yɛn Bɛ̈nydït, raan ë tɔ we ɣeriic, Yɛn ɣeric.

Lebai 3:11

Abïï bɛ̈ny de kake Nhialic keek nyop në yïk nɔm ke ke ye këcam, miɔ̈c cï luöi Bɛ̈nydït në mac.

Kuɛ̈n 16:5

Ku lëk Kɔra kekë kɔc cath në yen an, “Miäk aduduur, Bɛ̈nydït abï wo nyuöth raan ee raande, ku raan ɣeric, ku abï tɔ ɣëët në yelɔ̈ɔ̈m.

Kuɛ̈n 28:2

“Yɔ̈ɔ̈kë kɔc ke Yithriɛl, ‘lɛ̈kë keek an, kiɛmkï wenïïm piny, an miɔ̈cdï, këcamdï ke ye miɔ̈c ye nyop ëbɛ̈n ye awäuden ke ya miëët piɔ̈u, ë ke ye gäm Ɛn thaardɛn cï mäc keek.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.