Lebai 20:2 - JAM DE NHIALIC 2011

² an, “Jäämë kɔc ke Yithriɛl: an, ‘Raande Yithriɛl kedhie ayï kɔc lei rɛ̈ɛ̈r në weyiic kedhie, raan lɔ mɛnhde gäm bï näk Molek raanë abï dhil nɔ̈k, yen abïï kɔc ke wut dhil biɔ̈ɔ̈k ë kur.

Lebai 20:2 Iomraidhean Croise

1 Mel 11:7

Go Tholomon të ye Cemoc yanh de Mowap lam thïn yïk në kuur nɔm, në Jeruthalem biäk të lɔ aköl amiäk, ku yïk të ye Molek lam thïn, yanh de Ammon.

2 Mel 17:17

Agokï wɛ̈ɛ̈tken ku duetken aa gam ke ke ye miɔ̈c de nyop de yiëth, ayek jam në yiëth, ku cɔ̈ɔ̈rkï në tït ke yiëth nïïm, acïk röt ɣɔ̈c luɔi de kërac në Bɛ̈nydït nyin, ku kënë acï Bɛ̈nydït tɔ göth arëët.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Diɛt 106:38

Ayek riɛm de kɔc cïn gup awɛ̈ɛ̈c tɔ kuëër, riɛm de wɛ̈ɛ̈tken ku duetkɛn yek näk yiëth ke Kanaan, ago piny jɔ riääk ë baŋ de nääk ë kɔc.

Jeremia 32:35

Acïk yïïk yiɛ̈k Baal ë wak de Ɣinom yic, bïï kek wɛ̈ɛ̈tken ku duetken aa näk yanh cɔl Molek. Akën ke yɔ̈ɔ̈k bïk ee kënë looi, ku akën lɔ ë yanɔm aya nɔn duëër kek kë cït ee kënë looi, agokï kɔc ke Juda tɔ loi kërac.”

Jeremia 7:31

Në Wak de Ɣinom yic acïk yïïŋ cɔl Topeth yïk, agokï wɛ̈ɛ̈tken ku duetken nɔ̈k ë macic. Akën keek yɔ̈ɔ̈k bïk ee kënë looi, akën kɔn lɔ në yanɔm aya.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Edhekiɛl 20:31

Agut cï ee köölë, wek ee miɔ̈c töŋë gam, ku jakï röt riɔ̈ɔ̈k në ee yiëth mankë, në gɛm ya wek mïthkun gam, tɔ ke ye miɔ̈c ye nyop ëbɛ̈n në mac yic. Ku ayadäŋ baai de Yithriɛl wek ee ŋoot ke we thiëc ɛn, eeŋö ye ee këde piɔ̈ndï! Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä bï bɛ pɔ̈l athiëc këdäŋ tëde yɛn.

Edhekiɛl 23:37

Keek acïk röör kɔɔr ku näkkï kɔc, acïk köör në yiëth ku näkkï mïth cïk keek dhiëth ɛn. Acïk wɛ̈ɛ̈tkï nɔ̈k ke ke ye miɔ̈c näk gëmë ke yiëthken.

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Lebai 17:13

Na de raan de Yithriɛl ku nɔn ee raan lei rɛ̈ɛ̈r në kɔc yiic, na cï lɛ̈i, ku nɔn ee din ee cam dɔm, apiɛth bï riɛmde tɔ kuëër piny, ku kut riɛm nɔm në abuui.

Lebai 17:15

Ku raan de Yithriɛl ëbɛ̈n, ayï raan lei ëbɛ̈n, raan lɔ cam në rïŋ de lɛ̈n cï thou, ku nɔn ee lɛ̈n cïï lɛ̈n roor nɔ̈k, abï lupɔɔke dhil waak ku wɛɛk rɔt në pïïu, abï rac agut cï thëën, të ŋoot en kë kën guöp waar.

Lebai 17:8

Lɛ̈kë ë keek an, ‘Raan baai de Yithriɛl ëbɛ̈n, ayï alei ëbɛ̈n rɛ̈ɛ̈r në keyiic, raan ee miɔ̈c ye nyop ëbɛ̈n gam, kekë miɔ̈c näk ayadäŋ.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Lebai 20:1

Na wën ke Bɛ̈nydït ë yɔ̈ɔ̈k Mothe,

Lebai 20:27

“Na de moc ku nɔn ee tiiŋ cï rɔt tɔ ee tiët ku nɔn de guöp jɔɔk ë we yiic, abï dhil nɔ̈k. Abäk keek dhil biɔ̈ɔ̈k ë kur. Riɛmden abï nu ë keyiëth kapäc.”

Lebai 24:14

“Lɛɛrkï raan ë lɛ̈t Bɛ̈nydït aciɛɛn ë wut këc, ku kɔc ë piŋ en ke lɛ̈ɛ̈t Bɛ̈nydït kedhie ë ke thɛny kecin në yenɔm. Ku ë jɔ biɔ̈ɔ̈k në akutnɔm ëbɛ̈n abïï thou

Lebai 24:16

ku näk. Ku na lɔ raan de Yithriɛl ku nɔn aa alei rɛ̈ɛ̈r ë Yithriɛl na le Bɛ̈nydït lɔ lät aciɛɛn abïï biöök në akutnɔm abïï thou.

Lebai 24:23

Go Mothe kɔc ke Yithriɛl jääm, agokï raan wën cï Bɛ̈nydït lät rin aciɛɛn lɛɛr ë wut këc biic ku biöökë. Go kɔc ke Yithriɛl looi cït man cïï Bɛ̈nydït Mothe yöök.

Luɔi 7:43

Aa ye paany de yanh cɔl Molek yen ë ɣääckï, ku damkï kuel de yanhduön Repan, ka cäk cuëëc ayek yiëth bäk ke aa lam. Ku ënɔɔnë, we bä lɛɛr ë Babilon baŋ tui.’

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Nyöŋ 17:2

“Na lak lɔ piŋ wun tök në wuöt cïï Bɛ̈nydït gäm week, nɔn cïï moc, ku nɔn ee tik këdäŋ wäc Bɛ̈nydït Nhialicdun, ku dhoŋ löŋdɛn cï mac kɔ̈u,

Nyöŋ 18:10

Duökï mïthkun näk në mac ku gamkï keek në yïkkun nïïm, ku duökï kɔckun tɔ loi tïït, ku nɔn ee cäär, ku nɔn ee thuɛ̈th.

Nyöŋ 21:21

Ëtɛ̈ɛ̈n, abïï kɔc tɔ̈u wutic jɔ biɔ̈ɔ̈k abïï thou, ku we bï kërɛɛcë ja nyaai. Kë cï tuöl abïï ë raan ëbɛ̈n piŋ, raan tɔ̈u ë Yithriɛl ku abï riɔ̈ɔ̈c.

Nyöŋ 22:21

ke duet abï jɔt ëtɛ̈ɛ̈n, ku leerkï ɣön ë wun thok, ku abïï kɔc ke wunden jɔ biöök abï thou. Acï ayäär looi në kɔckuɔ yiic, në biäk ee yen tɔ̈c ke moc ke kën ë kɔn thiaak, ku aa ŋoot ke rɛ̈ɛ̈r baai de wun. Në ee kueerë we bï ee kërɛɛcë jɔ nyaai.