Lebai 2:4 - JAM DE NHIALIC 2011

⁴ Na bɛ̈ɛ̈iyë ke ye miɔ̈c ë rap cï thaal në tönyic, abïï dhil looi në aɣar piɛth. Kë cï looi, ke cïn yic luɔu ku cï liääp kekë miök. Ku nɔn ee bethkawith cïn yic luɔu, ku cï yoor ë miök.

Lebai 2:4 Iomraidhean Croise

Diɛt 22:14

Riɛldï acï thök, cït pïïu cï piaak piny. Yomkï kedhie acïk nyïïn lääu, Piɔ̈ndï acï lɛ̈ɛ̈ŋ cï man ë pïïu.

Bɛ̈n 12:8

Ku ë ke nyop rïŋ në ee wɛ̈ɛ̈rë yic, ku cuetkï keek në wɛ̈ɛ̈l kec, ku kuïn cï pam nyuäŋ.

Bɛ̈n 16:31

Go baai de Yithriɛl kuïn cäk an mana (an eeŋö ë kënë?) Aa ye kuïn ɣer nyin cït man ë mïth ke kedhbera. Ku amit cït man ë bethkawith ë loi në kiëc.

Bɛ̈n 29:2

Ku thal kuïïn cï pam në awany nyuäŋ. Ku thal kak nyuäŋ në miök de olip. Ku thal bethkawith nyuäŋ cï tɔc kɔ̈u në miök. Loi keek në awany de agamɔ lɔ mot.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Edhekiɛl 46:20

Go lueel an, “Tënë ee të bïï bäny ke kake Nhialic rïïŋ aa thaal thïn, rïïŋ de miɔ̈c de kërac, ku miɔ̈c de awäc, ku bïk miɔ̈c ë rap aa thaal thïn, ago ciɛ̈n kë ɣeric bï lɛɛr ë kal yic biic, të duëër yen kɔc riɔ̈ɔ̈k.”

Lebai 1:11

Abïï nɔ̈k në yïk nɔm ë biäk lɔ të lɔ rut ë Bɛ̈nydït nɔm.

Lebai 10:12

Go Mothe Aron yɔ̈ɔ̈k kekë wɛ̈ɛ̈tkɛn cï döŋ kaarou, Eleyadhar kekë Yithamar an, “Nöm miɔ̈c ë rap cï döŋ piny në kuïn, miɔ̈c ye gäm Bɛ̈nydït, loi kuïn cï pam cïn yic luɔu në yen, ku cam në yïk lɔ̈ɔ̈m, në biäk yen miɔ̈c ɣeric aläl.

Lebai 6:17

Acïï bï dhil thaal në luɔu, acä gam ke ye biäkden në miɔ̈cdiën de mac nyop yic. Miɔ̈c cï looi në mac, cït man ë miɔ̈c de kërac ku miɔ̈c de awäc. Ee kë ɣeric aläl.

Lebai 7:12

Na gɛm raan miɔ̈c de thieithieei, abïï keek gam ëtök kekë weŋ bïï nɔ̈k, ku lɔ miɔ̈c de kuïïn cï pam cïn yic luɔu, kuïn cï nuaai në miök, ku nɔn ee bethkawith cï yoor kɔ̈u në miök, ku nɔn ee kak cï looi në aɣar cï liääp kekë miök.

Kuɛ̈n 6:15

Ku gɛm diöny athiäŋ kekë kuïn cï pam kën mäth, ku kek cï thaal në aɣar lɔ mot cï liääp ke miök, ku bethkawith cïï nyuäŋ cï tɔc në miök, ku miɔ̈c ë rap ku mɔ̈u.

Math 26:38

Go keek yɔ̈ɔ̈k an, “Yɛn dhiau piɔ̈u arëët, aɣët të bän thou, rɛ̈ɛ̈rkï eenë, ku yiɛ̈nkï në yɛn ëtök.”

Jɔn 12:27

“Ku ënɔɔnë yɛn ë piɔ̈u jiɛth, ku bä ŋö lueel? Bä lueel an, Wäär kony ɛn ee köölë? Ku në biäk de ee kënë, en aa bä yɛn, aguɔ tëëk në nuan ee köölë yic.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

1 Pet 2:1

Yen päl wek racëpiɔ̈u ëbɛ̈n, ku ruëëny ëbɛ̈n, ku piɔ̈n deyic aguk, ku tiɛɛl, ku jam rac ëbɛ̈n.

1 Pet 2:22

Raan cïn kërɛɛc cï looi, ku cïn ruëëny cï yök ë yethok,