Lebai 2:10 - JAM DE NHIALIC 2011

¹⁰ Ku biäk cï döŋ në miɔ̈c ë rapic ee këde Aron kekë wɛ̈ɛ̈tke, ee biäk ɣeric aläl në miɔ̈c ee luöi Bɛ̈nydït në mac.

Lebai 2:10 Iomraidhean Croise

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

Edhr 2:63

Go bɛ̈ny keek yɔ̈ɔ̈k cïkï bï ya cam në këcam ɣeric, agut kööl bï bɛ̈ny de kake Nhialic kɔn cɔ̈ɔ̈r në kur ke Yurim ku Thumim.

Edhekiɛl 44:29

Miɔ̈c ë rap, ku miɔ̈c de kërac, ku miɔ̈c de awäc, abïï bäny ke kake Nhialic ke cam, abïk käŋ aa nööm tëde Yithriɛl ëbɛ̈n, ka cï tɔ̈ɔ̈u pei ke ke ye kakï.

Edhekiɛl 46:20

Go lueel an, “Tënë ee të bïï bäny ke kake Nhialic rïïŋ aa thaal thïn, rïïŋ de miɔ̈c de kërac, ku miɔ̈c de awäc, ku bïk miɔ̈c ë rap aa thaal thïn, ago ciɛ̈n kë ɣeric bï lɛɛr ë kal yic biic, të duëër yen kɔc riɔ̈ɔ̈k.”

Lebai 10:12

Go Mothe Aron yɔ̈ɔ̈k kekë wɛ̈ɛ̈tkɛn cï döŋ kaarou, Eleyadhar kekë Yithamar an, “Nöm miɔ̈c ë rap cï döŋ piny në kuïn, miɔ̈c ye gäm Bɛ̈nydït, loi kuïn cï pam cïn yic luɔu në yen, ku cam në yïk lɔ̈ɔ̈m, në biäk yen miɔ̈c ɣeric aläl.

Lebai 14:13

Ku abï nyɔk teem röl tëɣeric, të ye miɔ̈c de kërac kekë miɔ̈c ye nyop ëbɛ̈n teem röl thïn. Miɔ̈c de awäc acït miɔ̈c de kërac, ee këde bɛ̈ny de kake Nhialic, ka aɣeric aläldïïtë.

Lebai 2:3

Biäk de miɔ̈c ë rap bï döŋ ee këde Aron kekë wɛ̈ɛ̈tke, ee yen aye biäk ɣeric aläl cï luöi Bɛ̈nydït në mac.

Lebai 21:22

Aduëër cam tei në kuïn ɣeric aläl de Nhialicde ayï këcam ɣeric ayadäŋ.

Lebai 5:13

Në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi në ee kakë yiic, ku abï ja päl awɛ̈ɛ̈c. Biäk de aɣar cï döŋ ee këde bɛ̈ny de kakë Nhialic, cït man de täu de miɔ̈c ë rap.

Lebai 6:16

Ku Aron kekë wɛ̈ɛ̈tke, abïk biäk jɔ cam, ku abï aa cam ke cïn yic luɔu tëɣeric, abïk cam në pëër de paany de mätic.

Lebai 6:23

Miɔ̈c ë rap de bɛ̈ny de kake Nhialic ëbɛ̈n, abï aa nyop taitai, ku acïï bï dhil cam.

Lebai 6:9

bï Aron kekë wɛ̈ɛ̈tke gäm ee lööŋkë. Kakë ayek lööŋ ke miɔ̈c ye nyop ëbɛ̈n. Miɔ̈c ye nyop abï ya tɔ nin në yïk nɔm agut cï miäk adurduur, ku mac abï ya pɔ̈l ke dɛ̈p.

Lebai 7:7

Yen löŋë ayadäŋ, aduëër röŋ kekë keek kedhie: Tëde miɔ̈c de kërac ku miɔ̈c de awäc. Ayek kake bɛ̈ny de kake Nhialic wën lui keek atɛɛm.

Kuɛ̈n 18:9

Ku biäkdu kï në miɔ̈c ɣeric ye gam në yïk nɔm, miɔ̈c ë rap, ku miɔ̈c de awäc, ku miɔ̈c de kërac. Miɔ̈c ɣeric ëbɛ̈n, miɔ̈c cï gäm Ɛn, ee këdu wekë wɛ̈ɛ̈tku.

1 Tham 2:28

Në dhiëën ke Yithriɛl thook ëbɛ̈n, acä keek lɔc kekë paande kedhie, bïk Yɛn aa luööi ke ke ye bäny ke kake Nhialic, bïk aa luui ɣön ë Nhialic ë yïk nɔm, bïk wal ŋïr aa nyop, ku cieŋkï lupɔɔ de ajïpɔ, ku bïk aa jam ë Yɛn. Acä keek gäm riɛl bïk biäk de miɔ̈c de Bɛ̈nydït ye nyop ë yïk nɔm nööm.