Lebai 19:3 - JAM DE NHIALIC 2011

³ Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Lebai 19:3 Iomraidhean Croise

Cäk 48:12

Na wën, ke Jothep ë döm wɛ̈ɛ̈tke bei në wun ɣɔ̈ɔ̈m, ku gut enɔm piny ë wun nɔm ke nu nyin piny.

Neɣe 9:14

Acï ke wɛ̈ɛ̈t bïk kenïïm aa tak në akööl ë thabath ɣeric bïk tɔ piath, ku në kueer ë lïmduön Mothe acï ke gäm lööŋku.

Bɛ̈n 16:29

Ŋiɛckï nɔn ee Yɛn Bɛ̈nydït, ee Yɛn ë gëm week kööl ë Thabath. Ka yen a Yan week gäm këcam de akööl kaarou në kööl ye akööl dhetem. Raan ëbɛ̈n në weyiic ë ye rëër baaide në kööl ë dhorou, ke cïn të le yen thïn.

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Bɛ̈n 20:8

“Ye kööl ë Thabath döt ke ye kööl ɣeric.

Bɛ̈n 21:15

“Raan yup wun ku nɔn yen man ke näk.

Bɛ̈n 21:17

“Raan lɛ̈m wun kërac, ku nɔn ee yen man ke näk.

Kɛ̈ŋ 1:8

Ye jam ë wuur piŋ apiɛth mɛnhdï, ku du wëët ë moor ee rɛɛc ë pïŋ.

Kɛ̈ŋ 23:22

Ye kë lueel ë wuur piŋ, ku du moor ee dhɔɔt guöp të cï yen dhiɔp, na cie keek ke yïn duëër liu.

Kɛ̈ŋ 30:11

Kɔc kɔ̈k ayek wärken läät, ku acïkï märken ee thieei.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Yith 58:13

Aye Bɛ̈nydït lueel an, “Na yak kööl ë Thabath tɔ ye kööl ɣeric, ku cäkï ka kɔɔr ë piɔ̈ɔ̈thkun ee looi në ye köölë, na gämë kööldiën ɣeric naamde, ku riëëukï, ke we cïï kɛny, ku cäkï lui thïn, ku cäkï jam ɣäär yiic ee lueel në ye köölë,

Edhekiɛl 20:12

Acä ke gäm kööldiën de Thabath ke ye kïn de mät në kaamdï wo keek, bïï keek aa täk nïïm, an yɛn Bɛ̈nydït, acä keek tɔ ɣer yiic.

Lebai 11:44

Ee yɛn Bɛ̈nydït Nhialicdun. Takï weyiic ɣer në biäkdï, në luɔi ɣɛɛr Ɛn yic. Duökï röt tɔ rac në biäk de lɛ̈n töŋ ee mol piny.

Lebai 19:25

Ku në ruöön ye kek dhïc, wek duëër jɔ cam në mïthken, na lak ee kakë lɔ looi, tiimkun abïk aa dhiëth në mïth juëc. Ee Yɛn Bɛ̈nydït Nhialicdun.

Lebai 19:30

Döt kööl de Thabath, ku riëëuwë tëdiën ɣeric, Ee Yɛn Bɛ̈nydït.

Lebai 19:31

Du täŋ piɛth ye lɔ kɔɔr në kɔc ee cɔ̈ɔ̈r nïïm, ayï kɔc ee jam në kɔc cï thou nïïm, në luɔi bï kek yïn riɔ̈ɔ̈k. Ee Yɛn Bɛ̈nydït Nhialicdun.

Lebai 19:34

Yak keek ŋiëc luöi cït man, ya wek kɔckuön ke Yithriɛl luööi, ku nhiaarkï keek cït man nhiaar wek röt. Ku takï wenïïm wään we cï kɔn aa alɛi paan de Rip. Ee yɛn Bɛ̈nydït Nhialicdun.

Lebai 23:3

Wek de nïïm nïn kadhetem bä wek lui thïn, ku kööl de dhorou abï aa kööl de lɔ̈ŋ. Ee kööl de män ɣeric. Acïn luɔi bä dhil looi. Ee Thabath de Bɛ̈nydït në ɣöötkun yiic ëbɛ̈n.

Lebai 26:2

Yak kööl de löŋ döt ku yak tëdiën ɣeric riëëuwic. Ee yɛn Bɛ̈nydït.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!