Lebai 19:2 - JAM DE NHIALIC 2011

² an, “Jäämë akutnɔm de kɔc ke Yithriɛl, ku lɛ̈kë keek: an, ‘Yak piɔ̈ɔ̈th ɣɛɛr në luɔi ɣɛɛr Ɛn piɔ̈u, Yɛn Bɛ̈nydït Nhialicdun.’

Lebai 19:2 Iomraidhean Croise

Diɛt 99:3

Raan ëbɛ̈n abï dït de rinke bäänyde leec. Yen aɣeric!

Bɛ̈n 19:6

Ku we ciɛɛŋ de bäny ke kake Nhialic tëde yɛn, ku yak jurdiën ɣeric. Kek wël bä ke lɔ lɛ̈k mïth ke Yithriɛl ka.

Bɛ̈n 22:31

“Wek ee kɔckiën cä kuɛ̈ny bei, duökï rïŋ de län cïï län roor nɔ̈k ee cuet, yak gäm jɔ̈k.

Lebai 19:1

Na wën ke Bɛ̈nydït ë yöök Mothe,

Lebai 20:26

Wek bï dhil ɣɛɛr tëde yɛn, në biäk ɣɛɛr Ɛn. Yɛn Bɛ̈nydït. Ku wek cä lɔ̈c bei ë juööriic bäk aa kɔckï.

Lebai 20:7

Takï we yiic ɣer në biäk ee yɛn Bɛ̈nydït Nhialicdun.

Lebai 21:15

Ago kuatde cïï riɔ̈k në kɔcken yiic. Ee Yɛn Bɛ̈nydït, raan ë tɔ yen ɣeric.”

Lebai 21:23

Ku në biäk de tëdak në yeguöp, acïï bï dhil lɔ në gëlgël lɔ̈ɔ̈m ayï yïïŋdï lɔ̈ɔ̈m aya, ago ɣäänkiën ɣeriic cuö riɔ̈k. Ee Yɛn Bɛ̈nydït, raan ë tɔ keek ɣeriic.”

Lebai 21:8

Yak bäny ke kake tɔ ɣeriic në ke ye kek këcam de Nhialicdun gam. Yak keek tɔ ɣeriic, në biäk aa Yɛn Bɛ̈nydït, raan ë tɔ we ɣeriic, Yɛn ɣeric.

Amoth 3:3

Duëër kɔc kaarou cath kueer ëtök, të kën kek mat nɔn bï kek cath ëtök?

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Nyöŋ 27:10

Abäk riëëu ku bäk lööŋkɛn gäm ke week ee köölë döt.”

Jocua 24:19

Ago Jocua lɛ̈k keek an, “Wek cïï Bɛ̈nydït bï lëu në luui, në luɔi Yen Nhialic ɣeric, ku ee mantil. Na lak wööc piɔ̈u, acïï we bï päl awäc.

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,