Lebai 17:5 - JAM DE NHIALIC 2011

⁵ Kënë abï tɔ̈u aya, kɔc ke Yithriɛl abïk Bɛ̈nydït aa yiɛ̈n miɔ̈c yek nɔ̈k, miɔ̈cdɛn yek looi ënɔɔnë roor. Ku abïk keek dhil yiɛ̈n bɛ̈ny de kake Nhialic, ku yïnkï keek Bɛ̈nydït në paany de mät thok. Ku nɛ̈kkï keek ke ee miɔ̈c de mät.

Lebai 17:5 Iomraidhean Croise

Cäk 21:33

Ago Abraɣam tiim cɔl tamarith com në Biirceba, ku lɛ̈ŋ Bɛ̈nydït ëtɛ̈ɛ̈n, Nhialic tɔ̈u athɛɛr.

Cäk 22:13

Ago Abraɣam yenyin jat nhial, go gök ë nyɔɔŋ amääl tïŋ në yekɔ̈u ciëën ke cï rɔk dɔm tuŋ. Go Abraɣam e lɔ diëc, ku bï bɛ̈n teem röl në nyin ë wënde yic, ku nyop ke ye miɔ̈cde.

Cäk 22:2

Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

Cäk 31:54

Go Jakop thɔ̈k gäm Nhialic ë kuur nɔm ku nɛ̈k ke. Ku cɔɔl kɔcke lek cam në yen ëtök. Na wën acïk thök në cäm, ke ke nin ë kuur nɔm ëtɛ̈ɛ̈n.

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

1 Mel 3:2

Kɔc ke Yithriɛl aake ye Nhialic näk në ɣään thöny nïïm në kë cïn en Luaŋdït ë cï yïk në rin ke Bɛ̈nydït.

1 Mel 3:3

Go Tholomon Bɛ̈nydït nhiaar, ku ye cath në wël ke Debid wuniic, ku aaye miɔ̈c näk ku wal ŋïr gam në ɣään ke läm yiic ayadäŋ.

2 Mel 16:4

Ku Aɣadh aaye miɔ̈c gam, ku ye wal ŋïr nyop në ɣään thöny nïïm, ku kur nïïm, ku në tiim tɔ̈c thäär ëbɛ̈n.

2 Mel 17:10

Acïk wai yaath ye yanh cɔl Acera lam tääu në kur nïïm ëbɛ̈n, ku në tiim tɔ̈c thäär ëbɛ̈n,

2 Lëk 28:4

Ku Aɣadh aaye miɔ̈c ye nyop ëbɛ̈n gäm yiëth tëde ɣään ke läm, në kur nïïm, ku në atïïp ke tiim thäär, ku nyop wal ŋïr.

Bɛ̈n 24:5

Ku tooc wɛ̈ɛ̈t dhuök ke Yithriɛl, agokï Bɛ̈nydït lɔ gäm miɔ̈c ye nyop ëbɛ̈n, ku gëmkï ɣɔ̈k ayadäŋ ke ye miɔ̈c de mät.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 22:9

Kɔckuön kɔ̈k ayek jam lueth luɛl ë kɔc kɔ̈k gup në biäk bïï ë keek tɔ thou. Kɔc kɔ̈k në keyiic ayek miɔ̈c ye gäm yiëth cam. Kɔc kɔ̈k ayek kepiɔ̈ɔ̈th yuum në ŋɔ̈ɔ̈ŋ cï ke dɔm.

Edhekiɛl 43:27

Na ɣɔn cï nïn kadhorou tëëk, bäny ke kake Nhialic, abïk gɛm de miɔ̈c gɔl në yïk nɔm, miɔ̈c ye nyop ëbɛ̈n, ku miɔ̈c de mät. Ëtɛ̈ɛ̈n, yɛn bï piɔ̈u miɛt wo week wedhie. Acä lueel, Yɛn Bɛ̈nydït Awärjäŋ.”

Edhekiɛl 44:15

Acïï Bɛ̈nydït Awärjäŋ lueel an, “Kek bäny ke kake Nhialic kë, ke dhiën ë Lebi ke kuat de Dhadok aŋootkï ke ke ye ya luööi në piɔ̈n adöt tëɣeric, të wään cïï kɔc juëc ke Yithriɛl röt yal wei tëde yɛn. Ka ënɔɔnë ee kek ee kɔc bï yɛn aa luööi, ku bïk aa bɛ̈n të täu ɛn thïn, bïk ɛn bɛ̈n gäm kɔl ku riɛm de miɔ̈c näk.

Lebai 17:6

Ku bɛ̈ny de kake Nhialic, abï riɛm wiɛ̈ɛ̈th në yïïŋ de Bɛ̈nydït guöp, në paany de mät thok, ku nyop kɔl bïï aa atuɔ̈m mit në Bɛ̈nydït piɔ̈u.

Nyöŋ 12:2

Wek bï ɣään ye juöör bä keek lɔ cop lam thïn riɔ̈ɔ̈k ëbɛ̈n, ɣään tɔ̈u në kuur nïïm, ku ɣään tɔ̈u të thöny, ku tiim tɔ̈c thäär ëbɛ̈n.