Lebai 16:4 - JAM DE NHIALIC 2011

⁴ Na wën, ke Bɛ̈nydït ë gɛm ë lööŋkë, lueel, an ‘Të kën Aron kɔn lɔ Tëɣeric aläl, abï dhil waak ku tɛ̈ɛ̈u lupɔ de linɔn de bɛ̈ny de kake Nhialic në yekɔ̈u, ku tɛ̈ɛ̈u athuruɛl de linɔn, ku ë tɛ̈ɛ̈u thiööth ku lupɔ de nɔm.

Lebai 16:4 Iomraidhean Croise

Bɛ̈n 28:2

Luöiyë Aron wänmuuth lupɔɔ ɣeriic ke bääny de kake Nhialic, ke bï ye tɔ läk, ku tɔ ye rïïuwë guöp.

Bɛ̈n 29:4

Ku bɛ̈ɛ̈iyë Aron në paany de mät thok kekë wɛ̈ɛ̈tke, ku wak keek në pïïu.

Bɛ̈n 30:20

të kën kek kɔn lɔ ë paany de mätic, ayï të le kek në yïïŋ de ka ye nyop lɔ̈ɔ̈m. Ke ke cïï bï nɔ̈k.

Bɛ̈n 40:12

“Ku ëtɛ̈ɛ̈n, yïn bï Aron bɛ̈ɛ̈i në paany de mät thok kekë wɛ̈ɛ̈tke, ku tɔ ke waak në waak ɣeric.

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Edhekiɛl 44:19

Të ŋoot kek ke ke kën kɔn lɔ në kalic biic, të nu ë kɔc ëbɛ̈n, abïk lupɔɔ ke luɔi de Luaŋdït kɔn bɛ̈ɛ̈i bei në kekɔ̈ɔ̈th, ku nyiëëŋkï keek piny në ɣööt ɣeriic yiic. Abïk lupɔɔkɛn kɔ̈k tääu ë kekɔ̈ɔ̈th, ke ke cïï kɔc bï tɔ yök ë kërac, në biäk de lupɔɔ ɣer yiic.

Edhekiɛl 9:2

Ënɔɔnë thiinë, go kɔc kadhetem bɛ̈n të lɔ rut në kal thoŋ biic de Luaŋdït, ŋɛk amuk tɔɔŋke. Ku raan tök ë keyiic aceŋ lupɔ de linɔn ku amuk këde gäär në yeciin. Gokï bɛ̈n kedhie ku kɛ̈ɛ̈ckï në yïïŋ de maläŋ kɔ̈u.

Lebai 16:23

Ku jɔ Aron lɔ në paany de mätic, ku bïï lupɔ ke linɔn bei, lupɔ wën bï tääu ke kën kɔn lɔ Tëɣeric aläl. Ku abï keek jɔ nyääŋ piny ëtɛ̈ɛ̈n.

Lebai 16:24

Abï rɔt dhil waak në pïïu tëɣeric, ku jɔ lupɔɔkɛn ye ke ceŋ tääu në yekɔ̈u, ku jɔ bɛ̈n ku nɛ̈k miɔ̈c ye nyop ëbɛ̈n në biäk de yen guöp, ku miɔ̈c ye nyop ëbɛ̈n në biäk de kɔc, ku jɔ rɔt teem kekë kɔc ayadäŋ.

Lebai 16:32

Ku bɛ̈ny de kake Nhialic cï tɔc ku thany nɔm, në biäk bï yen nyin de wun löökic, ke ye bɛ̈nydïït ë kake Nhialic, abïï dhil teem guöp. Abï lupɔ ɣeric de linɔn dhil tääu në yekɔ̈u.

Lebai 6:10

Ku ëtɛ̈ɛ̈n, bɛ̈ny de kake Nhialic abï ŋeth jɔ nööm ŋenh wën cïï ë mac miɔ̈c ye nyop ëbɛ̈n thöl në yïk, ku tɛ̈ɛ̈u në yïk lɔ̈ɔ̈m, ke ceŋ lupɔ bɛ̈ɛ̈r de linɔn kekë athuruɛl de linɔn.

Lebai 6:3

Ku na cï kë cï määr yök, ku mɛth kɔc në baŋde, ku nɔn kuëëŋ në lueth. Ku të cïï yen kërac looi.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Pilipoi 2:7

Ku acï dhuëëŋde pɔ̈l, ku tɔ rɔt cït lïm, ago dhiëëth ke cït guöp raan.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 2:14

Wok ee kɔc de gup rïŋ ku riɛm. Ku Yen aya, ade guöp cï wook. Yen kë ë tɔ Yen ee raan töŋ ë woyiic ka, ku kën ë looi Yen ee kënë ee luɔɔi bï Yen jɔŋdït rac riɔ̈ɔ̈k në thonde, raan nu riɛl ë thuɔɔu ë yeciin.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.