Lebai 16:2 - JAM DE NHIALIC 2011

² Go Bɛ̈nydït Mothe yɔ̈ɔ̈k, an, “lɛ̈kë wänmuuth Aron, në ë cie bɛ̈n Tëɣeric aläl të cï yen ye tak tei, abï dhil lɔ thïn ke ceŋ lupɔ në akööl röŋ, në biäk yen të wään tiëc ɛn në luätic, në akum de Athänduŋ de mät nɔm. Na le lɔ rɛɛc ka abä nɔ̈k.

Lebai 16:2 Iomraidhean Croise

1 Mel 6:16

Go ɣön thïn cɔl tëɣeric aläl yïk në luak thar ciëën. Bɛ̈ɛ̈rde ee mitïïr kadhoŋuan ku aa cï kumic në tim de thidar gɔl në yiɛɛude leer ë ɣöt dol.

1 Mel 8:6

Go bäny ke ka ke Nhialic athänduŋ de män ë Bɛ̈nydït bɛ̈ɛ̈i tëde, ku leerkï ɣöt në biäk thïn de tëɣeric aläl, ku tɛ̈ɛ̈ukï ë wuök ke cerubiim thäär.

2 Lëk 5:14

Go bäny ke kake Nhialic luɔi de läm tɔ kääc në biäk cïï luän de dhuëëŋ ë Bɛ̈nydït ɣön ë Nhialic thiɔ̈ɔ̈ŋic.

Bɛ̈n 30:10

Ku abï Aron en aa teem guöp raantök në ruöönic ëbɛ̈n. Abï riɛm de län cï näk miɔ̈c de kërac de atɛɛm aa nööm, ku teem en ke yïk ku tɔc tuŋ ke yïk kaŋuan. Kënë ë ye looi në runiic ëbɛ̈n. Ku yen ee yïïŋë, ë gëmë Yɛn, Yɛn Bɛ̈nydït, ku abï dhil tɔ̈u ke ɣeric aläl anande.

Lebai 16:13

Ku abï wɛ̈ɛ̈l ŋïr jɔ tääu ë macic ëtɛ̈ɛ̈n në Bɛ̈nydït nɔm, ku tol de wɛ̈ɛ̈l ŋïr abï akum de athänduŋ de mät thiaan, ago cïï tïŋ ku thou.

Lebai 16:34

Kënë abäk aa looi ë run nyïïn ëbɛ̈n. Kɔc ke Yithriɛl abïï keek aa teem gup raan tök në ruöön yic në baŋ de karɛcken, Go Mothe ke looi cït man cï Bɛ̈nydït e yɔ̈ɔ̈k.

Lebai 23:27

“Kööl de thiëër në ee pɛɛiyë yic, ee kööl de atɛɛm. Yak lɔ̈ŋ ɣeric looi tëtök, ku duökï cäm ee köölë, ku gämkï Bɛ̈nydït miɔ̈c ee looi në mac.

Lebai 8:35

Yïn bï dhil rëër në Paany de mätic, aköl ku wakɔ̈u, në nïn kadhorou yiic. Na cïï ka cïï Bɛ̈nydït keek lueel rïïu, ke yïn bï dhil thou, ee Bɛ̈nydït yen ë gëm Yɛn ee lööŋkë.”

Kuɛ̈n 17:10

Go Bɛ̈nydït lɛ̈k Mothe an, “Puɔ̈kë thieny de Aron nɔm ë Paanyic në Athänduŋ de Löŋ cï Mac nɔm tueŋ ë tëdɛnë. Ku päl ëtɛ̈ɛ̈n, ke bï Yithriɛl aa jɔ̈ɔ̈ny ke ke bï dokden puɔ̈l të cï kek thuɔɔu kɔɔr.

Kuɛ̈n 18:7

Ee yïn wekë wɛ̈ɛ̈tku wapäc, wek abï luɔi de kake Nhialic aa looi në Yïk nɔm, ku luɔikï këriëëc ë gëlgëlic aläl. Yen luɔidu ka ëbɛ̈n, në biäk cän yï gäm luɔi de kake Nhialic ke ye miɔ̈c. Raan ëbɛ̈n, raan cïï rɔ̈ŋ ke luɔi, ku le bɛ̈n në ka ɣeriic lɔ̈m, abï thou.

Kuɛ̈n 4:19

në bɛ̈n bï kek bɛ̈n në kaɣeriic lɔ̈ɔ̈m. Kë bäk luöi keek kï: Aron abï ee lɔ në paanyic tëɣeric kekë wɛ̈ɛ̈tke, lek ŋɛk në dhiën ë Koɣath ee nyuöth kë bï looi ku kë bï ɣääc

Kuɛ̈n 4:5

Të kuëëth ë wut, Aron kekë wɛ̈ɛ̈tke abïk aa lɔ në paanyic thïn, ku dɛ̈kkï gëlgël bei në Athänduŋ de mät nɔm tueŋ, ku kum kek athänduk kɔ̈u

Math 27:51

Ku ja lupɔ dïït nu Luaŋdït rɛɛt ërou, gɔl nhial ɣeet piny, go piny rɔt niɛŋ, go kuurdït yiic pak,

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

Ɣeberuu 9:25

Bɛ̈nydïït ë kake Nhialic de Judai ee lɔ tëɣeric në ruöön thok ëbɛ̈n ke muk rim ke thök, ku Kërtho akën lɔ paannhial ku gɛm rɔt raanjuëc cït man ë kek.

Ɣeberuu 9:3

Ɣön ee kek rou nu ë paany kɔ̈u ciëën, acɔl Tëɣeric aläl.

Ɣeberuu 9:5

Ku kääc tuucnhial kaarou në akum de athänduŋë nɔm, aake guaŋ ë tim, acɔlke cerubiim akumkï të de päl de awɛ̈ɛ̈c ë atïmden, wo bï kɔ̈ɔ̈c ëtɛ̈ɛ̈n, acïn të bï wok ee kakë giit nyïïn në luɛl ënɔɔnë.

Nyuuth 15:8

Go luaŋdït thiäŋ ke tol në dhuëëŋ de Nhialic, ku në riɛldɛn dït: ku acïn raan duëër lɔ luɛɛk të ŋoot ë ka ye piny riɔ̈ɔ̈k kadhorou ke ke kën guɔ thök, kak ë muk tuucnhial kadhorou.