Lebai 12:5 - JAM DE NHIALIC 2011

⁵ Ku na acï mɛnh duet dhiëëth, ka abï guöp dɛ acuɔl në nïn kathiëër dhetem ku dhetem të ŋoot en ke kën ë guɔ tɔ piath në biäk de riɛmdɛn cï kuëër.

Lebai 12:5 Iomraidhean Croise

Cäk 3:13

Go Bɛ̈nydït Nhialic lɛ̈k tik an, “Eeŋö looi yïn ë kënë?” Go tik puk nɔm an, “Kërac yen aa mɛth ɛn, guɔ cam.”

Lebai 12:2

“Lëkë kɔc ke Yithriɛl ee kënë: Na cï tik mɛwä dhiëëth, ka abï guöp dɛ acuɔl në nïn kadhorou. Cït man ye yen guöp dɛ acuɔl në nïn ee yen ke thek.

Lebai 12:4

Na ëlë abï jɔ dɛ nïn kathiërdiäk ku diäk të ŋoot en ke kën ë guɔ tɔ piath në biäk de riɛmdɛn cï kuëër. Yen acïï ke ɣeric ëbɛ̈n bï aa jak, ku acïï bï lɔ tëɣeric, agut akööl le ë acuɔlde thok thök.

Lebai 12:6

Ku të cï yen jɔ dhiëth ë mɛwä ku nɔn ee duet, ku nïnkɛn ke piath acïk jɔ thök, ke tiiŋ ë piac dhiëth abï miɔ̈c dhil bɛ̈ɛ̈i në Paany de Mätic. Abï nyɔɔŋ amääl ee ruöön tök gäm bɛ̈ny de kake Nhialic në paany de mät thok. Ke ye miɔ̈c ye nyop ëbɛ̈n, ku guuk ku nɔn ee ajiël de guuk ke ye miɔ̈c de kërac.