Lebai 10:13 - JAM DE NHIALIC 2011

¹³ Cam tëɣeric ee biäk bï aa këdu wekë wɛ̈ɛ̈tku, ku në kuïn ee gäm Bɛ̈nydït yic, yen kë cï Bɛ̈nydït lëk ɛn ka.

Lebai 10:13 Iomraidhean Croise

Edhekiɛl 42:13

Go raan lɛ̈k ɛn an, “Ku ɣööt kaarou ɣeer yiic nu ë baŋ lɔ rut ku baŋ lɔ wöuwic, ee të ye bäny ke kake Nhialic miɔ̈c ɣeriic lɔ cam thïn ë Bɛ̈nydït nɔm. Ku në biäk ɣeer ë ɣööt yiic bäny ke kake Nhialic ayek miɔ̈c ɣer yiic aläl tɔ̈ɔ̈u ëtɛ̈ɛ̈n: miɔ̈c ë rap, ku miɔ̈c de kërac ku miɔ̈c de awäc de tëɣeric.

Lebai 10:12

Go Mothe Aron yɔ̈ɔ̈k kekë wɛ̈ɛ̈tkɛn cï döŋ kaarou, Eleyadhar kekë Yithamar an, “Nöm miɔ̈c ë rap cï döŋ piny në kuïn, miɔ̈c ye gäm Bɛ̈nydït, loi kuïn cï pam cïn yic luɔu në yen, ku cam në yïk lɔ̈ɔ̈m, në biäk yen miɔ̈c ɣeric aläl.

Lebai 10:14

Ku yïn aya wekë wɛ̈ɛ̈tku ku duetku, wek duëër cam në thïn ku ɣäm de miɔ̈c de mät cï gäm Bɛ̈nydït. Abä keek dhil cam të lɔgɔk, ayek biäkdu në miɔ̈c de mätic, miɔ̈c cï kɔc ke Yithriɛl gam.

Lebai 2:3

Biäk de miɔ̈c ë rap bï döŋ ee këde Aron kekë wɛ̈ɛ̈tke, ee yen aye biäk ɣeric aläl cï luöi Bɛ̈nydït në mac.

Lebai 6:16

Ku Aron kekë wɛ̈ɛ̈tke, abïk biäk jɔ cam, ku abï aa cam ke cïn yic luɔu tëɣeric, abïk cam në pëër de paany de mätic.

Kuɛ̈n 18:10

Ku ee miɔ̈ckë abäk keek aa cuet në paanyic tëɣeric aläl, ku në biäk ɣeer kek yiic, ee röör kapäc kek bï keek aa cuet.

Kuɛ̈n 5:10

Bɛ̈ny de kake Nhialic yen ee gäm miɔ̈c ɣeric, yen abï miɔ̈c aa nööm.