Lebai 10:10 - JAM DE NHIALIC 2011

¹⁰ Yïn bï kë ɣeric dhil ŋic, ku ŋic ke cïï yic ɣer, yïn bï këpiɛth muk pei, ku muk kërac pei.

Lebai 10:10 Iomraidhean Croise

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Edhekiɛl 22:26

Bäny ke kake Nhialic adhoŋkï lööŋke kɔ̈ɔ̈th, ku acïk ciën riëëu de kaɣer yiic. Acïkï käŋ ee bɛ pɔ̈ɔ̈c yiic në kaam de kaɣer yiic ku ka cïï yiic ɣer. Acïkï kɔc ee bɛ wɛ̈ɛ̈t bï kɔc kapiɛth ku karɛc ŋic, ku ayek kööl de Thabath tɔ cïn naamde. Ku në biäk de ee kënë kɔc ke Yithriɛl acïkï Yɛn ee riëëu.

Edhekiɛl 44:23

“Bäny ke kake Nhialic abïk kɔckï dhil aa wɛ̈ɛ̈t në kaam de kaɣer yiic ku ka cïï yiic ɣer, ku kaam de kapiɛth ku kake acuɔl.

Lebai 11:47

Kek lööŋkë, ayek kɔc kuɔny në ŋïny bï kek akeu ŋic, në kaam de lɛ̈n piath ku lɛ̈n cïï piɛth. Ku ayek kɔc kuɔny në luɔi bï kɔc län ye cam ŋic, ku läi kou ke cie cam.

Lebai 13:43

Bɛ̈ny de kake Nhialic, abï ë raanë dhil tïŋ guöp, ku na cï buɔ̈ɔ̈t de tëtöök nu ë yenɔm, të cï baarë, ayï yenɔm tueŋ, na cï buɔ̈ɔ̈t thith ɣeriic röt looi cït man ë wɛnh ee thiäi.

Lebai 14:57

Kek lööŋ jam në biäk de këpiɛth kekë kërac ka, kakë ayek lööŋ në biäk de wɛth kekë dhiëi.

Tito 1:15

Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.