Lebai 1:3 - JAM DE NHIALIC 2011

³ Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Lebai 1:3 Iomraidhean Croise

Cäk 22:13

Ago Abraɣam yenyin jat nhial, go gök ë nyɔɔŋ amääl tïŋ në yekɔ̈u ciëën ke cï rɔk dɔm tuŋ. Go Abraɣam e lɔ diëc, ku bï bɛ̈n teem röl në nyin ë wënde yic, ku nyop ke ye miɔ̈cde.

Cäk 22:2

Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

Cäk 22:8

Ago Abraɣam puk nɔm an, “Nhialic abï nyɔk guik yetök mɛnhdï.” Ku barkï yic.

Cäk 8:20

Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

2 Lëk 29:32

Go amatnɔm miöör kathiërdhorou bɛ̈ɛ̈i, ku bɔt de amɛ̈l, ku bot kaarou de amɛ̈l kor, ke ye miɔ̈c ye nyop ëbɛ̈n këde Bɛ̈nydït,

2 Lëk 35:12

Ku jɔkï tɛ̈k kɔc, në kuut ke bɛ̈iken thook, ku läi ke miɔ̈c ye nyop ëbɛ̈n, agokï keek gam cït man ë kë cï wɛ̈ɛ̈t në löŋ de Mothe yic.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 40:8

Aa nhiaar bä këde yïn piɔ̈u looi Nhialicdï, wëëtdu aya muk në yapiɔ̈u thïn.”

Bɛ̈n 12:5

Aduëërë lɔc ke ye nyɔɔŋ amääl, ku nɔn ee yen nyɔɔŋ bou. Ku abï dhil aa nyɔɔŋ ee ruöön tök, nyɔɔŋ cïn kë dak në yeguöp.

Bɛ̈n 24:5

Ku tooc wɛ̈ɛ̈t dhuök ke Yithriɛl, agokï Bɛ̈nydït lɔ gäm miɔ̈c ye nyop ëbɛ̈n, ku gëmkï ɣɔ̈k ayadäŋ ke ye miɔ̈c de mät.

Bɛ̈n 29:18

Ku nyop nyɔk ëbɛ̈n në yïk nɔm, ke ye miɔ̈c ye nyuöp Bɛ̈nydït, atuɔ̈mde ee Ya miët piɔ̈u.

Bɛ̈n 29:4

Ku bɛ̈ɛ̈iyë Aron në paany de mät thok kekë wɛ̈ɛ̈tke, ku wak keek në pïïu.

Bɛ̈n 29:42

Ku ye miɔ̈c ye nyop ëbɛ̈n aköölnyïïn gäm Ɛn në paany de mät thok. Të bän aa mat thïn wokë week, ku jääm week.

Bɛ̈n 32:6

Na ɣɔn amiäk aduduur, ke ke bïï miɔ̈c ye nyop ëbɛ̈n, ayï miɔ̈c bï gam ke ye miɔ̈c de mät. Ku jɔ kɔc nyuc piny ciëmkï ku dëkkï. Na wën, ke ke jɔt röt cöŋkï.

Bɛ̈n 35:21

Ku ëtɛ̈ɛ̈n, raan ëbɛ̈n, raan de piɔ̈u miɔ̈c ë Bɛ̈nydït bɛ̈n yiɛ̈n miɔ̈c de miɛtëpiɔ̈u looiyë paany de mät. Agokï këriëëc aa bɛ̈ɛ̈i ëbɛ̈n, këriëëc kɔɔr rɔt në biäk de läm, ayï biäk de lupɔɔ ɣeriic ke bäny ke kake Nhialic.

Bɛ̈n 35:29

Kɔc ke Yithriɛl de piɔ̈ɔ̈th miɔ̈c kedhie, diäär ku röör acïk miɔ̈c de miɛtëpiɔ̈u bɛ̈n yiɛ̈n Bɛ̈nydït, looiyë ke luɔi cï lɛ̈k Mothe.

Bɛ̈n 35:5

Gämkï Bɛ̈nydït miɔ̈c. Ku raan ëbɛ̈n, raan kɔɔr bï Bɛ̈nydït gäm miɔ̈c, ke bïï miɔ̈c adhääp, ku ateek ku maläŋ.

Bɛ̈n 36:3

Na wën, ke gëm ë Mothe keek miɔ̈c de miɛtëpiɔ̈u cïï kɔc ke Yithriɛl bɛ̈ɛ̈i ëbɛ̈n bï ë tëɣeric bɛ̈n yïk. Ku jɔ kɔc ke Yithriɛl Mothe aa cool ke yïnkï miɔ̈cden aköölnyïïn ëbɛ̈n.

Bɛ̈n 38:1

Na wën, ke Mothe ë yïk yïïŋ de miɔ̈c ye nyop ëbɛ̈n në tim de aluii. Ku yïk aaye yic arɔm ke kït. Go bɛ̈ɛ̈r de yekɔ̈u tɔ ye mitïïr kaarou ku biäk. Ku tɔ dït de yeyic ee mitïïr kaarou ku biäk. Ku tɔ bɛ̈ɛ̈r de ke lɔ nhial ee mitïr ku biäk.

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Edhekiɛl 20:40

Në piny yic ëtɛ̈ɛ̈n, në kuurdiën ɣeric nɔm, kuur bɛ̈ɛ̈r de Yithriɛl, wek baai de Yithriɛl wedhie, wek bï yɛn lam. Yɛn bï piɔ̈u miɛt wo week, ku aŋääth nɔn bä wek yɛn gäm miɔ̈cduön näk, miɔ̈c piɛth, ku miɔ̈cduön ɣeric.

Edhekiɛl 40:39

Ku gɔ̈ɔ̈lë ade yic pɛɛm kaŋuan, rou ayek nu ë biäk töŋ de ɣöt. Ayek läi bïï gam ke ke ye miɔ̈c nɔ̈k ee pɛɛmkë nïïm, na ee läi bï nyop ëbɛ̈n, ku nɔn ee läi ke miɔ̈c de kërac, ku nɔn ee miɔ̈c de awäc.

Lebai 1:10

Na ye këdɛn gɛm ke ee miɔ̈c ye nyop ëbɛ̈n, na ye amääl ku nɔn ee bou, abï nyɔɔŋ cïn guöp tëdak dhil gam.

Lebai 14:10

Ku në kööl de bɛ̈t, raan wään de guöp wɛth, abï nyök amɛ̈l kaarou cïn gup tëdak bɛ̈ɛ̈i, ku bïï amäl ŋuöt ee ruöön tök ke cïn guöp tëdak. Ku bïï kilɔɔ kaŋuan de aɣaar cï liääp në miök de olip, ke ee miɔ̈c ë rap. Ku lɔ aguun de miök.

Lebai 16:7

Ku ëtɛ̈ɛ̈n, abï bɔɔth kaarou jɔ lɛɛr në paany de mät thok ë Bɛ̈nydït nɔm.

Lebai 17:8

Lɛ̈kë ë keek an, ‘Raan baai de Yithriɛl ëbɛ̈n, ayï alei ëbɛ̈n rɛ̈ɛ̈r në keyiic, raan ee miɔ̈c ye nyop ëbɛ̈n gam, kekë miɔ̈c näk ayadäŋ.

Lebai 17:9

Ku raan cïï miɔ̈c ee bɛ̈ɛ̈i në paany de mät thok, bïï bɛ̈n näk Bɛ̈nydït yen ee raanë abïï dhil tɛ̈ɛ̈m bei në kɔckï yiic.

Lebai 23:12

Ku të lee yïn dut de rap gam, gamë nyɔɔŋ amääl ee ruöön tök, ke cïn guöp tëdak, ke ee miɔ̈c ye nyop ëbɛ̈n de Bɛ̈nydït.

Lebai 23:18

Ku wek bï nyök kadhorou gam në kuïn cï pam ëtök, nyɔɔŋ ee ruöön tök, ku thɔn tök, ku nyök bɔɔth kaarou, ke cïn tëdak në kegup, abï keek dhil gam ke ke ye miɔ̈c ye nyop ëbɛ̈n de Bɛ̈nydït. Keek kedhie mɛ̈tkï në miɔ̈c ë rap ku miɔ̈c de mɔ̈u, atuɔ̈m de miɔ̈cë abï miɛt ë Bɛ̈nydït piɔ̈u.

Lebai 3:1

Na bïï raan miɔ̈c de mät, në ɣɔ̈kiic, na ë bïï weŋ ŋuöt, ku nɔn ee thɔn, abï aa weŋ cïn guöp të dak.

Lebai 4:15

Ku röördït ke akutnɔm abïk kecin jɔ thany në miɔɔr nɔm ë Bɛ̈nydït nɔm, ku jɔ miɔɔr teem röl në Bɛ̈nydït nɔm.

Lebai 4:23

Ku të cï yen kërɛɛcdɛn cï looi ŋic, abï nyɔɔŋ bou cïn guöp tëdak dhil bɛ̈ɛ̈i ke ye miɔ̈cde.

Lebai 4:3

Na ee bɛ̈ny de kake Nhialic yen cï kërac looi, ku tɔ awäc bɔ̈ në kɔc gup, abï miɔɔr atiëëk näk Bɛ̈nydït, ke ye miɔ̈c de kërac, në biäk de kërɛɛcdɛn cï looi.

Lebai 4:32

Ku na bïï raan nyɔk ke ye miɔ̈cde në baŋ de miɔ̈c de kërac, abï nyɔɔŋ cïn guöp tëdak dhil bɛ̈ɛ̈i.

Lebai 5:15

Të cïï raan kërac looi ke kuc, në luɔi kën yen kë ɣeric de Bɛ̈nydït riëëu guöp, abï nyɔk yiɛ̈n Bɛ̈nydït ke ee miɔ̈c de awäc, nyɔɔŋ cïn guöp tëdak, nyɔɔŋ duëërë ɣööcde piath, cït man ë kuën de atek nu tëɣeric yic, ee miɔ̈c de awäc.

Lebai 5:18

Ku abï bɛ̈ny de kake Nhialic yiɛ̈n nyɔɔŋ amääl ku nɔn ee nyɔɔŋ bou, ke cïn guöp tëdak, abï aa miɔ̈c de awäc, nyɔɔŋ duëërë ɣɔ̈ɔ̈c apiɛth. Ku abï bɛ̈ny de kake Nhialic jɔ teem guöp në biäk de awäny cï looi, ku abï ja päl awɛ̈ɛ̈c.

Lebai 6:2

an, Na cï raan kërac looi në baŋ cï yen ee raan adöt tëde Bɛ̈nydït, në mɛth cï yen rɛ̈ɛ̈r kekë yen math: në biäk de kë cï tääu yen, ku nɔn ee kë muk, ku nɔn ee kë cï kual, ku nɔn cïï ë raan kɛ̈n weŋ.

Lebai 6:8

Ago Bɛ̈nydït Mothe yɔ̈ɔ̈k

Lebai 7:16

Ku na ye miɔ̈cdɛn ë bïï këde gutguut, ku nɔn ee miɔ̈c de miɛtëpiɔ̈u, ke miɔ̈c abï cuet në kööl ë gɛmë yen. Ku na de kë cï döŋ piny aduëërë cam ë kööl de rou.

Lebai 8:18

Na wën ke Mothe ë bïï nyɔɔŋ amääl de miɔ̈c ye nyop ëbɛ̈n, go Aron kekë wɛ̈ɛ̈tke kecin thany në yenɔm.

Lebai 9:2

Go keek yɔ̈ɔ̈k, an, “Nämkï miɔɔr atiëëk në biäk de miɔ̈c de kërac ku nyɔɔŋ amääl në biäk ë miɔ̈c ye nyop ëbɛ̈n, keek kedhie abïk gup ciën tëdak, ku gɛmë keek në Bɛ̈nydït nɔm.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Malakai 1:14

ku lueel ë Bɛ̈nydït de rɛm an, Aciɛɛn abï tɔ̈u kekë raan ee mɛth. Raan de nɔm nyɔk, ku nɔn yen miɔɔr në lunyde yic, nyɔɔŋ ë cï yen kuëëŋ an bï gam, ke be pɔ̈l ku gëm Ɛn thɔ̈ɔ̈k de guöp tëdak. Wek ŋic Ɛn nɔn yan Meliŋ dït, ka juöör ke pinynɔm ëbɛ̈n ariɔ̈ckï në Yɛn.

Kuɛ̈n 15:3

Ku kaarkï nɔn miɔɔc wek Bɛ̈nydït në miɔ̈c ye nyop ëbɛ̈n, nɔn ee thɔ̈k yen gamkï, ku nɔn ee weŋ ke ye miɔ̈c de miɛtëpiɔ̈u, nɔn yen miɔ̈c ye nyop ëbɛ̈n, ku nɔn yen miɔ̈c cïï raan kuëëŋ bï gam, ku nɔn yen miɔ̈c ë tɛk këde yetök, ku nɔn yen miɔ̈c de dhuëëŋ.

Kuɛ̈n 15:8

Ku të gam wek miɔɔr ke ye miɔ̈c ye nyop ëbɛ̈n, ku nɔn yen miɔ̈c de kuëëŋ cïï raan kuëëŋ, ku nɔn ee yen miɔ̈c de mät,

Kuɛ̈n 19:2

“Löŋ cïï Bɛ̈nydït lueel kï: an yɔ̈ɔ̈kë kɔc ke Yithriɛl ë kë bïï weŋ aluɛɛl ke cïn ke dak në yeguöp, ku kënë kɔn tɔ lui.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Kuɛ̈n 23:27

Go Balak lɛ̈k Balaam an, “Bä lokku tëdäŋ. Tɛk däŋ bï Nhialic yï lɔ tɔ lam keek ëtɛ̈ɛ̈n.

Kuɛ̈n 23:3

Ku jɔ Balaam lɛ̈k Balak an, “Kääcë ee në, në miɔ̈cduön ye nyop lɔ̈ɔ̈m. Ku ya lɔ Bɛ̈nydït tïŋ na bï ya bɛ̈n neem. Ke cï nyuöth Ɛn ëbɛ̈n, abä bɛ̈n lɛ̈k yïn. Go Balaam lɔ nhial në kuur nɔm yetök.

Kuɛ̈n 23:30

Go Balak ke cï lɛ̈k en looi. Gokï thɔn gam ku gɛmkï amääl në yïk nɔm në ee yïkë nïïm kadhorou.

Kuɛ̈n 28:11

Gɔl ë wil ë pɛɛi, wek bï Bɛ̈nydït dhil aa gäm miɔ̈c ye nyop ëbɛ̈n, miöör kor kaarou ku amäl tök, ku nyök kaarou ee ruöön tök ke ke cïn gup tëdak,

Kuɛ̈n 28:19

Ku ee miɔ̈c ye nyop ëbɛ̈n yen bï gäm Bɛ̈nydït: miöör kaarou, ku nyɔɔŋ amääl dïït tök, ku nyök amɛ̈l ee ruöön tök kadhorou tök ke ke cïn gup tëdak.

Kuɛ̈n 28:31

Yak kakë gam, ku miɔ̈c ye dek matkï në miɔ̈c ye nyop ëbɛ̈n de aköölnyïïn kekë miɔ̈cdɛn ë rap, (ku kankï ke tïŋ apiɛth nɔn cïnkï gup tëdak).

Kuɛ̈n 29:13

Gɔl në kööl tueŋ de ee köölë, wek bï Bɛ̈nydït gäm miɔ̈c ye nyop ëbɛ̈n, miɔ̈c ye awäude Ye miëët piɔ̈u: Miöör kathiëër ku diäk ku nyök ke amɛ̈ldït kaarou, ku nyök ke amɛ̈lkor ee ruöön tök, kathiëër ku ŋuan, ke ke cïn gup tëdak kedhie.

Kuɛ̈n 29:2

Ku miɔ̈c ye nyop ëbɛ̈n, miɔ̈c ye awäude Bɛ̈nydït miëët piɔ̈u abï gäm En ke ye: miɔɔr atiëëk tök, ku nyɔɔŋ amääl dïït tök, ku nyök amɛ̈l kor ee ruöön tök kadhorou ke ke cïn gup tëdak.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Jɔn 1:36

go Yecu woi guöp të ciɛth en, go lueel an, “Wɔikï Amɛthɔ̈k de Nhialic kï!”

Jɔn 10:7

Go Yecu ke bɛ yɔ̈ɔ̈k an, “Wek yɔ̈ɔ̈k ëyic an, Yɛn ee agäu thok, agäu ë thök.

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

Epethiei 2:18

ku në yen, wook waarou wo duëër röt cuöt Wääda në Wëi tök.

Epethiei 5:27

luɔi bï en e tääu ë yenɔm, abï aa ɣön ë Nhialic de yic dhuëëŋ, ke cïnic këthiin rac, ayï anyuin, ayï däŋ cït ee kënë aliu, ku abï yic ɣɛɛr ëwic ku cïnic kë bï e gɔ̈k.

Nyöŋ 12:27

Yak miɔ̈c näk gam ëtɛ̈ɛ̈n, miɔ̈c ye nyop ëbɛ̈n në yïïŋ de Bɛ̈nydït nɔm, ku yak miɔ̈c bä wek rïïŋden cam ayadäŋ, ku bäk riɛmden wäl wei.

Nyöŋ 15:21

Ku na de lɛ̈i guöp tëdak, na yek ŋöl, ku nɔn yek cöör, ku nɔn de tëdak në kegup aläl, acäkkï keek bï dhil näk Bɛ̈nydït Nhialicdun.

Nyöŋ 17:1

Go Mothe lueel an, “Duökï Bɛ̈nydït Nhialicdun ee näk weŋ, ku nɔn ee thɔ̈ɔ̈k de guöp tëdak, kënë amɛɛn Bɛ̈nydït.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.