Kolothai 3:9 - JAM DE NHIALIC 2011

⁹ Ë ŋɛk ë cïï ŋɛk ee tɔ̈ɔ̈r lueth, në päl cä wek raan thɛɛr pɔ̈l kekë luɔide,

Kolothai 3:9 Iomraidhean Croise

Kɛ̈ŋ 13:5

Kɔc piɛthpiɔ̈ɔ̈th amankï lueth, ku ayäär ee bɛ̈n tëde kɔc ee karɛc looi.

Yith 63:8

Go Bɛ̈nydït lueel an, “Ayek kɔckï acïkï yɛn bï math.” Ago keek kony

Lebai 19:11

Du ee kual, du lueth ee töör, du raandäŋ ee math.

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Dhek 8:16

Ku ka bäk looi kï: yak röt jääm në yith. Yak ŋɛk gäm yicde në göny yiic, yic wën ee rëër lɔ dïu bɛ̈ɛ̈i.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Epethiei 4:25

Yen päl wek lueth, ku yak yic lueel, ŋɛk ke raan rɛ̈ɛ̈r ke yen, në luɔi raan wok.

Kolothai 3:8

Ku ënɔɔnë, pälkï kakë kedhie ayadäŋ: agɔ̈th, dïtëpiɔ̈u, racdepiɔ̈u, lɛ̈ɛ̈t, jam ë rɔ̈ɔ̈th ëbɛ̈n bei ë wethook.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.