Kolothai 3:2 - JAM DE NHIALIC 2011

² Yak wepiɔ̈ɔ̈th tuöm ka ke tënhial, duökï wepiɔ̈ɔ̈th ee tuöm ka nu ë piny nɔm.

Kolothai 3:2 Iomraidhean Croise

1 Lëk 22:19

Ënɔɔnë luööiyë Bɛ̈nydït Nhialinydu në piɔ̈ndu ëbɛ̈n, ku wëiku ëbɛ̈n. Gɔl yïŋ de tëɣeric, ke yï bï Athänduŋ de män de Bɛ̈nydït tääu thïn, ku lɔ ka kɔ̈k ɣer yiic ye kɔc ke läm looi.”

1 Lëk 29:3

Në ee kake nïïm kedhie yɛn cï ɣön ɣeric miɔɔc, yɛn cï atek ku adhɛ̈p nööm në kakï yiic ku gäm ke ɣön ë Nhialicdï, në biäk nhiaar ɛn ɣön de Nhialicdï.

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Wɛ̈ɛ̈t 7:14

Ye piɔ̈u miɛt në akööl piɛth, ku akööl ke nuan, ye takic ayadäŋ nɔn Yen Nhialic Yen ee keek looi kedhie, ku acïn raan ŋic kë bï rɔt lɔ̈ɔ̈k looi miäk.

Math 16:23

Go rɔt puk, ku yöök Petero an, “Waanë rɔt ë yakɔ̈u ciëën, Catan, yɛn cï piɔ̈u rac wokë yïn, yïn kën yïpiɔ̈u tuöm ka ke Nhialic, ee ka ke kɔc tei.”

Math 6:19

“Duökï röt ë kuɛ̈t wëukun ë piny nɔm, të ye kɔ̈m keek riɔ̈ɔ̈k ku yek keth, ku të ye cuɛ̈ɛ̈r ɣöt pil kɔ̈u ku kuëlkï.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Luk 16:11

Ku na kɛ̈nkï wëu ke piny nɔm ŋiëc aa döt kek wëu rac, ke eeŋa bï we kuɛ̈i wëu yith?

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

Kolothai 3:1

Ku ënɔɔnë, të cï we jat nhial në Kërtho ëtök, yak ka nu tënhial kɔɔr, të rëër ë Kërtho thïn, ke rɛ̈ɛ̈r ë ciin cuëny de Nhialic.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.