Kolothai 3:16 - JAM DE NHIALIC 2011

¹⁶ Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

Kolothai 3:16 Iomraidhean Croise

1 Mel 3:28

Go Yithriɛl ëbɛ̈n guiëër cïï melik Tholomon löŋ ŋiëc guiir piŋ, gokï melik jɔ riëëu, në tïŋ cïï kek e tïŋ nɔn ciɛthë pɛlënɔm ë Nhialic ke yen, ku bï löŋ aa guiir ë yic.

1 Lëk 25:7

Kek ee kɔckë kathiërrou ku ŋuan, ku lɔ mïthëkɔcken kɔc ke Lebai, aake ye kïït cï wɛ̈ɛ̈t ë gun ë thoom. Ku kuëndɛn ëbɛ̈n ee bot kaarou ku thiërbɛ̈t ku bɛ̈t 288.

Neɣe 12:46

Në thaar ɣɔn tɔ̈u ë Debid kekë Athap, kɔc ke diɛt aake ye lɔ̈ŋ wat në diɛt ke thieithieei leec kek Nhialic kiit.

Jop 23:12

Yɛn kën jäl në lööŋke yiic, ee këde piɔ̈nde yen aya kuanyic, ke cie kë kɔɔr ë piɔ̈ndï.

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 119:54

Të ŋuɔɔt yɛn ke ya pïïr ë pinynɔm yɛn cï diɛt cak në biäk de lööŋku.

Diɛt 138:1

Yïn cä leec Bɛ̈nydït, ë piɔ̈ndï ëbɛ̈n, Yïn bä piɔɔny në yiëth nïïm.

Diɛt 28:7

Bɛ̈nydït yen aye riɛldï ku ye köndï, aŋääth në yapiɔ̈u. Ee yɛn kony ku tɔ yɛn mit piɔ̈u, aya piɔɔny në diɛt ke miɛtëpiɔ̈u.

Diɛt 32:7

Yïn aye të yan thiaan, yïn ee ya gël në riääk. Yɛn bï ket ë röldït në biäk de kuɔɔnydu, në biäk cï yïn ɛn gël.

Diɛt 71:23

Yɛn bï kïïu në miɛtëpiɔ̈u, ke ya cɔ̈ŋ, në guöpdï ëbɛ̈n yɛn bï ket, në luöi cï Yïn yɛn kony.

Kɛ̈ŋ 14:8

Pɛlënɔm ee ŋiëc ciët, ku pial ë piɔ̈u ee ya mɛth.

Kɛ̈ŋ 18:1

Raan ee rɔt pɔ̈c bei, anhiaar kë kɔɔr ë piɔ̈nde, ku ee kë ye kɔc tïŋ ke ye yic rɛɛc.

Diɛt ke 1:1

Diɛt piɛth aläl diɛt ke nhiëër, acï lueel an ë ke gɛ̈ɛ̈rë Tholomon.

Yith 10:2

Yeka cä wek löŋ de kɔc kuanynyïïn ee ŋiëc guiir, ku pɛ̈nkï ke yicden. Yeka tɔ we nöm kake mïth abɛɛr ku diëër abɛɛr.

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 30:29

Ku kɔc ke Nhialic abïk ket në diɛt ke miɛtëpiɔ̈u, cït diɛt ke kööl ë dhuëëŋ ɣeric. We bï piɔ̈ɔ̈th miɛt cït kɔc koth kɛŋ ke ke lɔ Luaŋdïït de Bɛ̈nydït Raan ee Yithriɛl gël.

Yith 5:1

Piëŋë të la yɛn ke ya kiit dinë, ee din ë mäth kekë domdɛn ë tiim ke enap: Mɛ̈thëdï ade nɔm dom ë tiim në kur nïïm tën ee ŋiëc luɔk aläl.

Jeremia 15:16

Yïn cï jam we yɛn guɔ wëlku piŋ kedhie. Yɛn ee këdu Bɛ̈nydït Awärjäŋ, ka wëlku ayek ya thiɔ̈ɔ̈ŋ piɔ̈u në miɛtëpiɔ̈u ku dhuëëŋ.

Math 26:30

Na wën, aa cïk din ë Nhialic kiit, ke ke lɔ biic lekkï kuur ë Olip.

Luk 2:51

Ku jɔ Yecu lɔ ke keek, bïk Nadhareth, go këden aa piŋ, ku döt man wëlke kedhie ë yepiɔ̈u.

Jɔn 15:7

Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Romai 10:17

Yen ka, Gäm abɔ̈ në pïŋ de wël, ku bɔ̈ pïŋ de wël në Kërtho.

Romai 15:14

Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët.

1 Kor 14:15

Jɔ aa ŋö? Yɛn bï lɔ̈ŋ wokë wëikï, ku bä lɔ̈ŋ wokë ŋïnydekäŋ aya: yɛn bï kët wokë wëikï, ku bä kët wokë ŋïnydekäŋ aya.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Epethiei 5:19

Yak jam wapäc në diɛt ku diɛt kɔ̈k ke Nhialic ku diɛt ke ka ke Wëi, yak diɛt ket ku yak Nhialic piɔɔny ë wepiɔ̈ɔ̈th.

Epethiei 5:26

Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

Kolothai 4:6

Yak jamdun tɔ cath ke dhuëëŋdepiɔ̈u anandun cït man ë kuïn cï wac ë amilɔ, ke we bï këde raan ëbɛ̈n ŋiëc bɛ̈ɛ̈r apiɛth.

1 Theth 1:8

Luɔi cä wek jam de Bɛ̈nydït tɔ kök abï kɔc piŋ, acie Makedonia kekë Akaya kapäc, gämduön cä wek Nhialic gam acï thiëi ë thäi nɔm ëbɛ̈n, ku acïn ke buk dhil lueel.

1 Theth 4:18

Yen ya wek wepiɔ̈ɔ̈th muk wapäc në wëlkë.

2 Theth 3:15

Ku duökï ee tɔ ye raan dɛ wek ater, yak nen tei cït man ë mɛnhkënëdun.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Tito 3:6

Kek Wëi cï luööŋ ë wogup abuk kuɛth ë keek në Yecu Kërtho Konyda,

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

Jakop 5:13

De raan ë weyiic raan gum këtuc? Ë läŋ. De raan mit piɔ̈u? Ë leec Nhialic ë dit.

1 Jɔn 2:14

Acä gäär week, wek wärken ë mïth, ë luɔi ŋiɛc wek Raan ë nu të ɣɔn gɔlë käŋ. Acä gäär week, wek dhuök, luɔi riɛl wek, ku luɔi tɔ̈uwë jam ë Nhialic ë weyiic, ku cäk raan rɛɛcë tiaam.

1 Jɔn 2:24

Ku na week, kë cäk kɔn piŋ të ɣɔn gɔlë jam, takï tɔ̈u ë weyiic. Na tɔ̈u kë cäk kɔn piŋ të ɣɔn gɔlë jam, na tɔ̈u ë weyiic, ke we bï tɔ̈u ë Wëndeyic, ku täukï ë Wäädayic aya.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

2 Jɔn 1:2

në baŋ de yic, yic ë tɔ̈u në woyiic, ku bï aa tɔ̈u ke wook aɣet athɛɛr:

Nyuuth 14:3

Ku kitkï din cït kë ë piɛc cak ë thöönydït nɔm, ku läi kaŋuan nïïm, ku röördït nïïm: ku acïn raan duëër dinë yök, ee agum kabɔt ku thiërŋuan ku ŋuan de kɔc kapäc, kɔc cï wɛ̈ɛ̈r bei ë piny nɔm.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,