Kolothai 3:11 - JAM DE NHIALIC 2011

¹¹ Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

Kolothai 3:11 Iomraidhean Croise

Diɛt 117:2

Nhiëërdɛn agɔk nhiɛɛr Yen wook adït, ku piɔ̈ndɛn adöt ee tɔ̈u athɛɛr. Lɛckï Bɛ̈nydï!

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Edhekiɛl 47:22

abäk nööm ke ye këdun anandun. Alɛi rɛ̈ɛ̈r në weyiic ku kɔc cï mïthken bɛ̈n dhiëëth ee tënë, abïk biäkden de piny nööm aya të la wek en tek. Abï keek dhil aa luööi cït man ë dïïl ke dhiëën ke Yithriɛl, ku abïk deeny ë gɛk në mïth ke Yithriɛl ëtök.

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Amoth 9:12

Ka kɔc ke Yithriɛl abïk të cï döŋ në piny de Edom peec, ku peckï juöör ɣɔn ee ya cɔɔl rin ëbɛ̈n. Yen kë ë lueel ë Bɛ̈nydït bï kakë tɔ loi röt ëbɛ̈n ka.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 15:5

“Yɛn ee tim de enap, wek ee kër: raan rɛ̈ɛ̈r e yayic, ku rɛ̈ɛ̈r ë yeyic, yen aye raan ee luɔk arëët: ku të cïn en ɛn, ka cïn kë duɛ̈ɛ̈rkï looi.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Luɔi 15:17

Luɔi bï kɔc Nhialic kɔɔr, kɔc cï döŋ, Ayï Juöör kedhie Juöör cï cɔl në rinkï, Jam de Bɛ̈nydït kï, Bɛ̈nydït loi kake kedhie.

Luɔi 28:2

Go kɔc de pinyë agokï wo muk apiɛth. Acïk mac kooth, ku tɔkï wook ee kamaan wodhie, luɔi cï deŋ tuɛny, ku de piny wiir.

Luɔi 28:4

Na wën, aacï kɔc ke pinyë kërac tïŋ, ke lɔ nornor ë Paulo cin, ke ke jɔ röt yɔ̈ɔ̈k kapäc an, “Raanë ë raan däŋ dhil nɔ̈k, ku ciɛk, an, cï ban ë wɛ̈ɛ̈ric, ka ŋoot ke bï aciɛɛnde nɔ̈k.”

Romai 1:14

Ayï Girikii ayï juöör cëŋ ë ciɛɛŋden, ayï kɔc pelnïïm, ayï kɔc kuc wël, këden anu ë yayeth.

Romai 10:12

Acïn të cï kɔc keyiic tek, Judai ayï Girikii, ee Bɛ̈nydïït töŋë Bɛ̈ny nu ë kɔc nïïm kedhie, yen ee piɔ̈u adhuɛ̈ŋ ke kɔc cɔl en kedhie.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 3:29

Ku ye Nhialic de Judai kapäc? Cie Nhialic de Juöör ayadäŋ? Ɣɛɛ, ee këde Juöör ayadäŋ,

1 Kor 12:13

Wook wodhie, wo cï baptith ë guöp tökic në Wëidït töŋë, nɔn ee wok Judai, ku nɔn ee wok Girikii, nɔn ee wok lïïm, ku nɔn ee wok kɔc ee cath ë këde yenhden, ku wo cï tɔ dëk në Wëidït töŋë wodhie.

1 Kor 14:11

Ku të kuöc ɛn thoŋ jiɛɛmë raanë, ke yɛn bï aa raan ë guɛl tëde raan jam, ku raan wën jam abï aa raan ë guɛl tëde yɛn.

1 Kor 7:19

Cuɛ̈l acïn naamde, ku luɔi kënë raan cueel acïn nɔm, ee muŋ ë raan lööŋ ke Nhialic muk, en ade naamde.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 1:23

Yen aye guöpde, ku ye kuɛthde, kuɛth de raan ee käŋ tɔ kueth kedhie, ka nu ë këriëëcic ëbɛ̈n.

Epethiei 2:14

Yen aye män mɛ̈të wook, raan ë wo mat yiic waarou, tɔ wook ee tök, ago päny nu kaamda thuöör piny.

Epethiei 2:15

Në nyiɛɛi cï ater nyaai në rïŋ de yenguöp, ater ë lööŋ de yiic cök bï kɔc aa piŋ, ku ka bï kɔc aa looi, bï raan töŋ cï piac looi cak në guöpde yic, cak në keek kaarou, ago ke määt aya:

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Epethiei 6:8

Në ŋïny ŋiɛc wek cöökë an, të de en këpiɛth ee raan looi, ke yen abï yök tëde Bɛ̈nydït, nɔn ee yen lïm, ku nɔn ee yen raan lääu nɔm.

Kolothai 2:10

Ku we cï kuɛth ë yen, raan nu ë bäny nïïm kedhie ku nu ë riɛl nɔm ëbɛ̈n.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

2 Jɔn 1:9

Raan ëbɛ̈n raan ë löŋ wööc, ku reec rëër ë wëët de Kërthoyic, ka cïn nɔm Nhialic: ku raan ee rëër ë wëët de Kërthoyic, yen ade nɔm Wääda ku Wënde aya.