Kolothai 3:1 - JAM DE NHIALIC 2011

¹ Ku ënɔɔnë, të cï we jat nhial në Kërtho ëtök, yak ka nu tënhial kɔɔr, të rëër ë Kërtho thïn, ke rɛ̈ɛ̈r ë ciin cuëny de Nhialic.

Kolothai 3:1 Iomraidhean Croise

Diɛt 110:1

Bɛ̈nydït acï bɛ̈nydï yɔ̈ɔ̈k an, “Nyuc ë yalɔ̈ɔ̈m në ciin cuënydï agut të bän kɔc dɛ wek ater tɔ ee kɔmduön ee yïn yïcök dhɔ̈ɔ̈r.”

Diɛt 16:11

Yïn bï ya nyuöth kueer de pïïr, ku täu tɔ̈u Yïn we yɛn ee ya tɔ mit piɔ̈u ku tɔ ya lɔ̈ŋ piɔ̈u aɣet athɛɛr.

Kɛ̈ŋ 15:24

Kueer ë raan pelnɔm ee pïïr ke cïï lɔ paan ë thuɔɔu.

Wɛ̈ɛ̈t 10:2

Piɔ̈n de raan pelnɔm ee yenɔm wɛl cuëëc, ku piɔ̈n de raan piɔlpiɔ̈u ee yenɔm wɛl ciɛɛm.

Math 22:44

“Bɛ̈nydït acï Bɛ̈nydiëndït yɔ̈ɔ̈k an, ‘Rɛ̈ɛ̈rë ë ciin cuënydï, Aɣët të bän kɔc dɛ wek ater tɔ ye kë bï yïn yïcök aa dhɔ̈ɔ̈r.’

Math 26:64

Go Yecu lueel an, “Acï tiiŋic, ku wek yɔ̈ɔ̈k aya an, Ëkööl wadäŋ, ke we bï Wën ë Raan tïŋ arɛ̈ɛ̈r ë baŋ cuëny de Riɛldït, ku bïï ë luäät nïïm luäät nhial!”

Math 6:20

Yak röt kuɛ̈t wëukun paannhial, të cïn kɔ̈m bï ke riɔ̈ɔ̈k ku cïkï ye keth, ku të cïn cuɛ̈ɛ̈r bï ɣöt pil kɔ̈u ku kuëlkï,

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Mak 12:36

Debid guöp acï lueel në Wëidït ɣer an, ‘Bɛ̈nydït acï Bɛ̈nydiëndït yɔ̈ɔ̈k an, Nyuc ë baŋ cuënydï, aɣet të bän kɔc dɛ wek ater tɔ ye kɔm ee yïn yïcök dhɔ̈ɔ̈r.’

Mak 14:62

Go Yecu lueel an “Ee yɛn: ku we bï Wën ë Raan tïŋ ke rɛ̈ɛ̈r ë baŋ cuëny de riɛl dït, ku bï ë luäät yiic luäät nu nhial!”

Mak 16:19

Na wën, aacï Bɛ̈nydït Yecu thök ë jam ke keek, ke jɔt leerë paannhial, ku jɔ nyuc ë baŋ cuëny de Nhialic.

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 20:42

Ku acï Debid guöp lueel në awerek de Diɛtic, an, ‘Bɛ̈nydït acï Bɛ̈nydiëndït yɔ̈ɔ̈k an: Nyuc ë ciin cuënydï,

Luk 22:69

Gɔl ënɔɔnë, ke Wën ë Raan abï rëër ë biäk cuëny de riɛldïït ë Nhialic.”

Luɔi 2:34

Ku Debid akën guɔ lɔ paannhial: yenguöp, yen aa lueel en an, ‘Bɛ̈nydït ë Bɛ̈nydiëndït yɔ̈ɔ̈k an: Nyuc ë baŋ cuënydï,

Luɔi 7:55

Go Thepano, wën cï en thiäŋ ke Wëidït ɣer, go tënhial toomic ë daai, ku tïŋ dhuëëŋ de Nhialic, ku tïŋ Yecu ke kääc ë baŋ cuëny de Nhialic.

Romai 8:34

Eeŋa bï wo yiëk yiëth gääk? Ee Kërtho raan wään cï thou, yeka, aŋuän bï wok e lueel, an, raan cï bɛ jat nhial, raan nu ë baŋ cuëny de Nhialic, yen aye raan ee lɔ̈ŋ në biäkda aya.

Romai 8:6

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

2 Kor 4:18

Në luɔi cïï wok ka cï tïŋ ee tak, ee ka kënë tïŋ kek ayok tak: ka cï tïŋ ayek ka ke aköölkë tei, ku ka kënë tïŋ ayek tɔ̈u thɛɛr.

Epethiei 4:10

Raan cï ɣet piny yenguöp yen aye raan cï lɔ nhial ya aya, acï tënhial wöör ëbɛ̈n arëët, luɔi bï en këriëëc thiɔ̈ɔ̈ŋ ëbɛ̈n.

Epethiei 5:22

Wek diäär, yak tɔ̈u ë röörkun cök, röörkun gup, acït man täu wek ë Bɛ̈nydït cök.

Kolothai 2:20

Ku të cä wek thou në Kërtho ëtök, të lɔ ka ke piny nɔm, eeŋö ya wek ka lueel kɔc piŋ, cït man piëër wek ë piny nɔm,

Kolothai 3:2

Yak wepiɔ̈ɔ̈th tuöm ka ke tënhial, duökï wepiɔ̈ɔ̈th ee tuöm ka nu ë piny nɔm.

Ɣeberuu 1:13

Acïn tunynhial cïï Nhialic kɔn yɔ̈ɔ̈k an, “Nyuc ë ciin cuënydï, aɣet të bän kɔckuön ke ater tɔ ye ka Yïn ke Yïcök dhɔ̈ɔ̈r.”

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 10:12

Ku Kërtho ë rɔt gam ke ye miɔ̈c lɔgɔk näk në biäk de karɛckuɔ. Ku ënɔɔnthiinë, arɛ̈ɛ̈r ë ciin cuëny ë Nhialic aɣet athɛɛr.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 8:1

Këdan luelku an, wok de nïïm Bɛ̈nydïït ë kake Nhialic, Bɛ̈ny rɛ̈ɛ̈r ë ciin cuëëny ë thööny ë Awärjäŋ paannhial.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.