Kolothai 2:8 - JAM DE NHIALIC 2011

⁸ Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

Kolothai 2:8 Iomraidhean Croise

Diɛt ke 2:15

Dɔm awɛn, kek awɛn thikkë, ke ke kën domdan kɔɔr luɔkkë guɔ riɔ̈ɔ̈k.

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Math 10:17

Ku yak röt tiit ë kɔc, abïk week aa lɛɛr ë lööŋ nïïm, ku we bï aa dui ë wɛt ë ɣöötkɛn ke Nhialic yiic,

Math 16:6

Go Yecu ke yɔ̈ɔ̈k an, “Yak röt tiit ë luɔu de Parithai kekë Thadokai.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Luɔi 17:32

Na wën, aa cïk jamë piŋ, jam de jönërɔt ë kɔc cï thou, ke jɔ kɔc kɔ̈k geet, ku lueel kɔ̈k an, “Këdu abuk bɛ piŋ në këde ëcöökë.”

Romai 16:17

Ku wek yɔ̈ɔ̈k, wek mïthëkɔckuɔ, wɔikï kɔc ee kɔc pääk, kɔc ee kak ee kɔc tɔ wäc käŋ cak, kɔc ee wëët ë wëëtë week riɔ̈ɔ̈k, päkkï në keek.

1 Kor 10:12

Yen na de raan ŋic rɔt nɔn kɛ̈ɛ̈c en apiɛth, ke ye rɔt tiit ke cïï bï wïïk.

1 Kor 8:9

Yak röt tiit, duökï riɛlduönë tɔ ye kë bï kɔc kɔ̈c tɔ wäc käŋ.

2 Kor 10:5

ayek lööŋ rac dhuöör piny, ayï këriëëc nu nɔm nhial ëbɛ̈n, kak ee rɔt jɔt ku cakkï ater në ŋïny de Nhialic, ku jɔku kë yok tak ë wopiɔ̈ɔ̈th ëbɛ̈n tɔ ye lïm bï këde Kërtho aa piŋ.

Galatai 1:14

ku yɛn ë kɔc juëc rïïc wok wöör në läm de Judai, luɔi aa yɛn yic lɛ̈th aläl ka wäär keek në ciɛɛŋ thɛɛr ë kuarkuɔ.

Galatai 4:3

Yen acït wook aya, ɣɔn ee wok mïth, wo cï tɔ ye lïm buk aa tɔ̈u ë ka ke piny nɔm cök.

Galatai 4:9

Ku ënɔɔnë, nɔn cä wek Nhialic ŋic, ku aŋuän luɔi lueel wok en an, we cïï Nhialic ŋic, eeŋö bɛ wek röt pɔ̈k ka cïn naamden, ka cïn riɛl ku kuanykï nyïïn, ku dɛkï piɔ̈ɔ̈th luɔi bä wek röt bɛ tɔ ye lïïmken raanrou?

Galatai 5:15

Ku të ya wek röt kääc, ku yak röt cam, tiɛɛtkï röt ke we cïï röt bï thöl wapäc.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Epethiei 4:20

Ku week, we kënë wɛ̈ɛ̈t ë Kërtho wäkya,

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Pilipoi 3:2

Yak röt tiit ë jɔ̈k, yak röt tiit ë kɔc ee kërac looi, yak röt tiit ë kɔc ë röt tɔ ye aŋueel.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 2:20

Ku të cä wek thou në Kërtho ëtök, të lɔ ka ke piny nɔm, eeŋö ya wek ka lueel kɔc piŋ, cït man piëër wek ë piny nɔm,

Kolothai 2:22

(Kake kedhie ee ka bï dhiap në luɔi looiyë raan keek), ayek lööŋ ke kɔc tei, ku wëët e kɔc?

Kolothai 2:23

Kakë ayek röt tɔ ye ka cït ka cath ë pɛlënɔm, në läm ee raan lam ë këde yenpiɔ̈u, ku në kuur ee raan rɔt kuɔɔr piny, ku reec ee raan e guöp rɛɛc muk, ku acïnkï naamden, ee kak ee piɔ̈u tɔ mit tei.

1 Tim 6:20

Yïn Timotheo, ye kë cï kuɛ̈i yïn cök ë tiit yïn en, ku ye rɔt kɔl ë jam ë dhɔ̈ɔ̈n jam ɣɔ̈ric cïnic riëëu, ayï ater ë kë cï tɔ ye ŋïnydekäŋ ke ye lueth:

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

2 Pet 3:17

Ku week, wek kɔc nhiaar, në ŋïny cäk wek kakë kɔn ŋic, yak röt tiit, ke we cïï bï thɛl wei në kɔc reec löŋ gam ëtök, në wäc ee kek käŋ wööc, aguɔkï cuö wiëëk të wään kan wek kɔ̈ɔ̈c aril.

2 Jɔn 1:8

Yak röt tiit, ke wo cïï ka cuk looi bï mɔ̈ɔ̈r, ke wo bï ariöp yök ëbɛ̈n acïn kë liu.