Kolothai 2:2 - JAM DE NHIALIC 2011

² Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

Kolothai 2:2 Iomraidhean Croise

1 Mel 3:28

Go Yithriɛl ëbɛ̈n guiëër cïï melik Tholomon löŋ ŋiëc guiir piŋ, gokï melik jɔ riëëu, në tïŋ cïï kek e tïŋ nɔn ciɛthë pɛlënɔm ë Nhialic ke yen, ku bï löŋ aa guiir ë yic.

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Yith 32:17

Kë bïï ë piathëpiɔ̈u looi ee mät, ku kë bïï yök në piathëpiɔ̈uwic ee rëër adiu ku aŋäth ɣet athɛɛr.

Yith 40:1

Aye Bɛ̈nydït lueel an, “Dut kɔckï piɔ̈ɔ̈th, dut ke piɔ̈ɔ̈th!”

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Luk 1:1

Adhuɛ̈ŋdït Theopilo: Kɔc juëc acïk luɔɔi dɔm, luɔɔi de guiëër ë jam de ka cï gam arëët ë woyiic.

Jɔn 10:30

Wook wokë Wäär wok ee tök.”

Jɔn 10:38

Ku të luɔɔi ɛn en, ciɛk an, rɛɛckï ya gam, ke we gam luɔi, ke bäk ŋic, ku gamkï, nɔn nu Wäär ë yayic, ku nuö ë yeyic.”

Jɔn 16:15

Ka nu ë Wäär cin ayek kakï kedhie: yen aa luɛɛl ɛn en an, abï këdï nööm, ku jɔ nyuöth week.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 6:69

Ku acuk gam ku ŋicku nɔn ee yïn Kërtho ɣeric Wën ë Nhialic.”

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

1 Kor 14:31

Wek duëër wël guiir wedhie, ye ŋɛk këde tääu, ku tɛ̈ɛ̈u ŋɛk këde, ke we bï piööc wedhie, ku muk we piɔ̈ɔ̈th wedhie.

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 3:3

Luɔi cï en a tɔ ŋic këcïmoony, në nyuöth cï en a nyuöth käŋ, acït man cän e gɔ̈ɔ̈r wään në wël liaakäŋ.

Epethiei 6:22

Ee ŋïny bä wek ɣön ë Nhialic ŋic, ku muŋ bï en week muk piɔ̈ɔ̈th, yen kë ë tuöc ɛn en week ka.

Pilipoi 2:1

Ku na de muŋdepiɔ̈u nu ë Kërthoyic, ku na de luŋdepiɔ̈u nu, luŋ bɔ̈ ë nhiëëric, ku na de määth ë Wëidït nu, ku na de kokdepiɔ̈u nu.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 1:26

yen këcïmoony ɣɔn thɛɛr ë run ëbɛ̈n ku rɛm ëbɛ̈n, ku acï nyuöth kɔckɛn ɣerpiɔ̈ɔ̈th ënɔɔnë.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

Kolothai 2:19

ku cïï Nɔm ee muk aril, Nɔm ee guöp ëbɛ̈n tɔ dït ë Nhialic, në muŋ cï e muk ku män cï en rɔt mat në yomnyïïn ku räl.

Kolothai 3:14

Ku në kakë yiic kedhie yak nhiëër dɔm, yen aye kën ee käŋ mat yiic abïk aa dikëdik.

Kolothai 4:3

Ku yak lɔ̈ŋ në biäkdï ayadäŋ, ke Nhialic bï wo liëp ɣöt thok, ɣön ë guiëër ë wël, buk jam de Kërtho aa guiir, këcïmoony, jam cï a mac në biäkde aya.

Kolothai 4:8

Yen aa tuöc ɛn en week, ke we bï täuda ŋic, ku bï we muk piɔ̈ɔ̈th.

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 6:11

Kë kɔɔrku wek mïthëkɔckuɔ, luɔi bï raan ëbɛ̈n ë weyiic kɔ̈ɔ̈c aril në cökke yiic, agut cï thök de käŋ, ago aŋäth de kapiɛth cïï Nhialic kiëët në këdun aa yic.

2 Pet 1:10

Yen aŋuɛ̈ɛ̈n ë luɔi bä wek cök ë kaar wek en nɔn bä wek cɔ̈t ë cɔɔlë week ku löny ë lɔcë week tɔ ye yic ëgɔk: na luɔikï kakë, ke we cïï bï kɔ̈th anandun.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 3:19

Këë ŋic wok en nɔn rɛɛn wok në yic kï, ku yen abï wok wopiɔ̈ɔ̈th päl piny ë yenɔm.

1 Jɔn 5:7

Ku Wëidït kek aye cäätɔ, luɔi ee kek yith kek Wëi. Ku cäätɔɔ nu paannhial ayek diäk, Wääda, ku Jam, ku Wëidït: ku diëŋkë ayek tök.