Kolothai 2:16 - JAM DE NHIALIC 2011

¹⁶ Yen duö wek röt ee tɔ jiëëny raan në këde këcam ku në këde ka dek ayï kööl ke dhuëëŋ, ayï pɛɛi cï wil ayï kööl ë Thabath:

Kolothai 2:16 Iomraidhean Croise

2 Mel 4:23

Ago lueel an, “Eeŋö lɔ kɔɔr tëde yen ee köölë? Acie Thabath, ku cie Dhuëëŋ de wil ë Pɛɛi.” Go pɔ̈k nɔm en an, “Ee këpiɛth.”

1 Lëk 23:31

ku tëde yen miɔ̈c ye nyop ëbɛ̈n gëmë Bɛ̈nydït ë kööl de thabath, ku dhuëëŋ de pɛɛi ë piac wil, ku dhuëŋ kɔ̈k. Lööŋ acï ke looi, lööŋ bï kuën de kɔc ke Lebai bï ee luɔiyë lɔ looi në ee kaamë yic ŋic. Kɔc ke Lebai acï ke gäm luɔi de läm ë Bɛ̈nydït aköölnyïïn kedhie.

2 Lëk 31:3

Ku aaye miɔ̈c ye nyop ëbɛ̈n gam miäk rial ku thëën ë lunyde yic, ku gɛm miɔ̈c de Thabath, ku miɔ̈c de Dhuëëŋ ë wil ë Pɛɛi, ka cï löŋ de Bɛ̈nydït ke lueel.

Neɣe 10:31

Të le kɔc ke juöör agamɔ bɛ̈ɛ̈i bï ke bɛ̈n ɣaac, në köölë ë Thabath ku nɔn ee kakɛn kɔ̈k kek bïk ɣaac në kööl tueŋ de akööl ɣeriic, ke yen acuku keek bï aa ɣɔɔc tëde keek. Të cïï run kadhorou tëëk wok cïï piny bï aa puur, ku wok bï käny ke kɔc aa pɔ̈l.

Neɣe 10:33

Wok bï kake läm kɔɔr ka cït: kuïn cï pam ye gäm Bɛ̈nydït ku miɔ̈c ë rap, ku miɔ̈c ye nyop ëbɛ̈n aköölnyïïn, ku miɔ̈c ɣeric de kööl ë thabath, ku miɔ̈c de dhuëëŋ ë pɛɛi piac wil, ku dhuëŋ kɔ̈k ku miɔ̈c kɔ̈k ɣeriic, ku miɔ̈c de päl awɛ̈ɛ̈c bïï ë kɔc ke Yithriɛl teem gup, ku këriëëc kɔɔr rɔt ɣön ë Nhialicic ëbɛ̈n,

Neɣe 8:9

Na wën ale kɔc e piŋ yen kë kɔɔr ë löŋ, goke gut piɔ̈ɔ̈th arëët abïk duɛ̈ɛ̈r an dhiaukï. Go Neɣemia bɛ̈ny de baai ku Edhera bɛ̈ny de kake Nhialic, ku ee bɛ̈ny ee lööŋ wɛ̈ɛ̈t ku kɔc ke Lebai wën ee löŋ wɛ̈ɛ̈ric kɔc ëbɛ̈n, acïk lueel an, “Köölë ee kööl ɣeric tëde Bɛ̈nydït Nhialicdun ka wek cïï piɔ̈ɔ̈th bï jiɛth thïn, ku nɔn dhiaukï.

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Diɛt 81:3

Kuɔthkï kaaŋ në biäk de dhuëëŋ, të wil ë pɛɛi ku të kɛ̈ɛ̈c ë pɛɛi cil.

Yith 1:13

Acïn naamde të bɛ̈ɛ̈i wek miɔ̈ckun, ee gök de kërɛɛc maan yen miɔ̈c de wal ŋïr cäk nyop, ku yɛn cïï dhuëŋkuön ke yï pɛɛi ë piac wil duëër gam, ayï kööl ë Thabath ku lɔ kööl de lɔ̈ŋ de amatnɔm, acïï awɛ̈ɛ̈ckun ke riɔ̈ɔ̈k ëbɛ̈n.

Edhekiɛl 4:14

Guɔ bɛ̈ɛ̈r an, “Bɛ̈nydït Awärjäŋ, Yɛn kën rɔt dhiöök ëcaŋɣɔn aa yɛn meth, yɛn kën rïŋ de lɛ̈n cï thou kɔn cam, lɛ̈n ë thou yetök ku nɔn ë ciɛm lɛ̈n däŋ, yɛn kën kɔn cam në kacaam ke acuɔl.”

Edhekiɛl 45:17

Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Lebai 16:31

Ee Thabath de lɔ̈ŋ, ka we bï dhil aa thek thïn, ee kë bäk aa looi ë run nyïïn ëbɛ̈n.

Amoth 8:5

Ku yak lueel an, “Pɛɛi bï dap wil nɛn ke wo ɣɛɛc rap? Ku bï kööl ë Thabath dap tëëk nɛn ke wo ɣɛɛc agamɔ? Ke wo bï kɔc cam. Wok bï kë ye them tɔ koor, ku tɔku kuën ë wëu juëc.

Kuɛ̈n 10:10

Ku në kööl ë dhuëëŋ ayadäŋ ke we koth kɛŋ, dhuëëŋ cak mäc akööl, ayï dhuëŋkuön ke wil ë pɛ̈i. Yak ke kooth të gam wek miɔ̈c ye nyop ëbɛ̈n, ayï miɔ̈c de mät. Ku ëtɛ̈ɛ̈n, abïk Bɛ̈nydït Nhialicdun ee täk nɔm në week.

Math 15:11

an, kë ye lɔ ë raan thok acie yen ee raan tɔ rac, ee kë ye bɛ̈n bei ë raan thok, yen aye raan tɔ rac.”

Mak 7:19

luɔi kën en lɔ ë yepiɔ̈u, alɔ ë yeyäc tei, go bɛ lɔ biic ë yomic?” (Kë ë lueel en en, ee kë ë tɔ yen këcam piɛth ëbɛ̈n.)

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Romai 14:10

Ku yïn, eeŋö gɛ̈k yïn mɛnhkui? Ku eeŋö biɔɔn yïn mɛnhkui guöp aya? Wook wodhie, wo bï kɔ̈ɔ̈c ë thööny ë Kërtho nɔm, thööny ee löŋ guiir.

Galatai 4:10

Wek ee akööl theek, ayï pɛ̈i, ayï të cït nɔn ë rut ku ruël, ayï run, ayak ke theek.

Kolothai 2:20

Ku të cä wek thou në Kërtho ëtök, të lɔ ka ke piny nɔm, eeŋö ya wek ka lueel kɔc piŋ, cït man piëër wek ë piny nɔm,

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

Ɣeberuu 9:10

Cït man ɣɔn thɛɛr ye kuïïn bɛ̈ɛ̈i ku ka ye dek miɔɔcë ke, acïtkï lööŋ wɛɛk ë kɔc kegup biic.

Jakop 4:11

Duökï röt ee lɛ̈k kërac, wek mïthëkɔckuɔ. Raan ee mɛnhkënë lɛ̈k kërac, ku ye mɛnhkënë gɔ̈k, ee löŋ en lëk kërac, ku ee löŋ en gɛ̈k. Ku të gɛ̈k yïn löŋ, ke yïn cie raan ee löŋ looi, yïn ee bɛ̈ny ee löŋ guiir.

1 Tham 20:18

Go Jɔnathan jɔ lɛ̈k en an, “Nɔn ye miäk kööl de dhuëëŋ de wil ë pɛɛi, yïn bï dak nɔn liu yïn në këcam nɔm.

1 Tham 20:5

Go Debid lɛ̈k Jɔnathan an, “Miäk ruu piny, ee dhuëëŋ de wil ë pɛɛi, ka rɔ̈ŋ bä lɔ cam wokë Melik. Ku ënɔɔnë, na piɛth ë yïpiɔ̈u, ke yɛn duëër jäl la thiaan roor, agut cï rutui thëën.”