Kolothai 2:11 - JAM DE NHIALIC 2011

¹¹ Ku we cï cueel ë yen në cuɛ̈l kënë looi ë raan ciin, ee luny cä wek guöp de rïŋ luöny bei, në cuɛ̈l cïï Kërtho we tɔ cuel.

Kolothai 2:11 Iomraidhean Croise

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Mak 14:58

“Acuk piŋ ke lueel an, ‘Luaŋdït ɣön cï yïk ë kɔc cin abä jäp piny, ku bä däŋ bɛ yïk ë akööl kadiäk, ɣön cïï bïï yïk ë kɔc cin.”’

Luk 2:21

Na wën, aacï nïn kabɛ̈t thök, ke kööl ë cuɛ̈l ë meth bɔ̈, ku jɔkï cäk an, Yecu, rin cïï tunynhial cäk wään ŋoot en ke kënë man yök.

Luɔi 17:24

Nhialic, Raan ë cak piny ku ka nu ë yenɔm kedhie, luɔi ee yen Bɛ̈nydïït de paannhial ku piny, acie rëër ë luëk yiic, luëk cï yïk ë kɔc cin.

Luɔi 7:48

“Ku Awärjäŋ acie rëër ë luëk yiic tei, luëk cï yïk ë kɔc cin, acït nɔn cï ë tiët ye lueel an,

Romai 2:29

Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 7:24

Amawoou yɛn kuany nyin oou! Eeŋa bï a luäk bei në guöp cath ke thuɔɔuwëyic?

2 Kor 5:1

Ku kënë aŋicku an, ɣöndan ë piny nɔm, yen paany ee wok rëër thïn, të cï en riääk, ke wo de ɣön bɔ̈ tëde Nhialic, ɣön ë cïï yïk ë raan ciin, ee ɣön bï tɔ̈u athɛɛr paannhial.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Nyöŋ 10:16

Ka ënɔɔnë, gɔl ee köölë yak Bɛ̈nydïtdun riëëu, ku duökï nïïm be riɛl.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

Ɣeberuu 9:11

Ku ënɔɔnë Kërtho acï bɛ̈n ke ye Bɛ̈nydïït ë kake Nhialic, kapiɛth nu eenë, yï thon cï Yen thou ku pɛ̈l wook karɛckuɔ, ku paanydïït Yen luui thïn ee dikëdik aläl, acie paany ë yïk ë raan, ee tëɣeric nu paannhial.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.