Kolothai 1:12 - JAM DE NHIALIC 2011

¹² abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

Kolothai 1:12 Iomraidhean Croise

1 Mel 6:7

Ku kur ë yïk ke Luaŋdït acï ke ŋiëc kiëët apiɛth tëdɛn ë lölë ke bei thïn, ka yïŋ de luaŋdït aa loi rɔt të cïn awuɔɔu de kake tuëŋ ye piŋ, ku ka ke thäth ë loi ë wëëth cït yiëp ke thɔn ë dëi.

1 Lëk 29:20

Na wën ke Debid ë jɔ amatnɔm ëbɛ̈n yɔ̈ɔ̈k an, “Lɛ̈kkï Bɛ̈nydït Nhialicdun thieithieei!” Ago amatnɔm ëbɛ̈n Bɛ̈nydït Nhialic de kuarken lɛc nɔm, ku jɔkï kenïïm guöt piny, në riëëu rïïu kek Bɛ̈nydït ku melik aya.

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Diɛt 36:9

Ee yïn ee wook gäm awaŋ de pïïr, ku ɣɛɛrdu ee wook tɔ mit piɔ̈ɔ̈th në pïïric.

Diɛt 79:13

Ku wook, wok kɔcku, wok thök ke lunydu, Yïn buk aa leec aɣet athɛɛr, ku piɔnyku Yïn në akööl bɔ̈ yiic kedhie.

Diɛt 97:11

Ɣɛɛr ee riau tëde kɔc piɛthpiɔ̈ɔ̈th, ku miɛtëpiɔ̈u kekë kɔc lɔ piɔ̈ɔ̈th wai.

Kɛ̈ŋ 16:1

Kïït ee këde raan ku lee thök ë Bɛ̈nydït ciin.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Danyel 2:23

Yïn lɛɛc ku riëëu Yïn, Nhialic de kuarkuɔ. Yïn cï ya gäm pɛlënɔm kekë riɛl, Yïn cï lɔ̈ŋda bɛ̈ɛ̈r, ku yïn cï wo nyuöth kë buk lɔ lɛ̈k melik.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Jɔn 4:23

Ku ade kööl bɔ̈, ku anu ënɔɔnë, kööl bïï kɔc wääda lam thïn në wëi ku në yic, kek kɔc ee läm yic kɔɔr: ku Wääda ee kɔc cït keek kɔɔr bïk aa kɔc ë ye lam.

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 15:27

Acïk ke juaar në miɛt ë kekpiɔ̈ɔ̈th, ku anu ë keyiëth luɔi bï kek ke miɔɔc. Ku Juöör, të cï kek aa kɔc röm në keek ëtök në kakɛn ë Wëi, aye guɔ nu ë keyiëth ayadäŋ luɔi bï kek ke kony në ka ke piny.

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

1 Kor 8:6

ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

1 Kor 9:23

Ku yɛn ee kënë looi në baŋ de wëlpiɛth, ke yɛn bï dɛ këdï thïn.

2 Kor 11:14

Ku acie kake gäi en ee kënë! Catan guöp ee rɔt puk tɔ rɔt ë tuny ë ɣɛɛrëpiny tunynhial!

2 Kor 5:5

Ku Raan ë cuëc wo në këmanë guöp en aye Nhialic, Raan cï wo gäm Wëikɛn dït, ee biäk de kë buk yök rial.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 2:18

ku në yen, wook waarou wo duëër röt cuöt Wääda në Wëi tök.

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Epethiei 4:6

Nhialic tök, Wun kɔc kedhie, nu ë kɔc nïïm kedhie, ku ye luui ë kɔc yiic kedhie, ku nu ë weyiic wedhie.

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

Epethiei 5:20

Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Epethiei 5:4

Ayï jam ë rɔ̈ɔ̈th, ayï jam ɣɔ̈ric, ayï alɛɛŋ rac, acïkï piɛth kedhie: aŋuɛ̈ɛ̈në lɛc de Nhialic.

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

Kolothai 3:15

Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 12:23

Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Jakop 3:9

Ee liep en a ye wok Nhialic Wääda yɔ̈ɔ̈k an, Thieithieei, ku ee liep ayadäŋ en aye wok kɔc läm kërac, kɔc cï cak abï täuden ciët täu de Nhialic!

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

1 Jɔn 1:3

Kë cuk tïŋ ku piŋku, en a guïïrku week, ke we bï abärɔ aa mat në wook ëtök ayadäŋ: ku ë yic abärɔdan yok mat yen aye abärɔ de Wääda kekë Wëndɛn Yecu Kërtho:

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.