Kolothai 1:10 - JAM DE NHIALIC 2011

¹⁰ ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 1:10 Iomraidhean Croise

Kɛ̈ŋ 16:7

Raan cïï Bɛ̈nydït piɔ̈u miɛt ke yen, aye Bɛ̈nydït kɔc ke aterde puk ke ke ye määthke.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Danyel 12:4

Go ë tunynhial lɛ̈k ɛn an, “Ku ënɔɔnë, Danyel, thiɔ̈k awerek ku bot thok aɣët cï thök de piny nɔm. Ku kɔc juëc abïk kaamdït thöl ke ke kɔɔr luöi bï kek kë loi rɔt yökic.

Maika 4:5

Ku ënɔɔnë, juöör ke piny ëbɛ̈n akuanykï yiëthken cök, na wook, wok bï Bɛ̈nydït Nhialicda kuany cök aɣet athɛɛr ya.

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 15:8

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Romai 1:13

Ku yɛn de piɔ̈u luɔi ŋiɛc en week, wek mïthëkɔckuɔ, nɔn cän e lueel ë yapiɔ̈u raanjuëc në bɛ̈n bän bɛ̈n tëde week, ku yɛn cï pëën aɣet cï ënɔɔnë, yɛn kɔɔr kë bï luɔk ë weyiic ayadäŋ, acït man cän e yök ë juöör kɔ̈k yiic.

Romai 4:12

Ku cï aa wun cuɛ̈l tëde kɔc, acie kɔc cï cueel kapäc, ee kɔc ee wäärdan Abraɣam kuany cök ë gäm aya, gäm wään cath kekë yen të ŋoot en ke kënë cueel.

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

2 Kor 2:14

Ku thieithieei Nhialic, Raan ë cool ë tɔ wo tiam käŋ ë Kërtho yic, ago atuömde tɔ tiëc në wook ë baai nɔm ëbɛ̈n, atuöm de ŋïny bï kɔc e ŋic.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

2 Kor 5:9

Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

2 Kor 9:8

Ku Nhialic aduëër dhuëëŋdepiɔ̈u ëbɛ̈n tɔ dït tëde week, ke we bï kuɛth aläl anandun në këriëëc ëbɛ̈n, aguɔkï kuɛth ë lëu bä wek luɔi piɛth aa lëu ëbɛ̈n.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Epethiei 4:13

Aɣet të bï wok ɣet wodhie në gäm töŋ cï wok gam ëtök, ku në ŋïny ŋic wok Wën ë Nhialic, agoku aa röördït, ku buk ɣet ë pëk ë dït de kuɛth cïï Kërtho kuɛth.

Epethiei 5:10

Yak ka mit ë Nhialic piɔ̈u thɔ̈ɔ̈ŋ ë wepiɔ̈ɔ̈th.

Epethiei 5:15

Yen tiɛɛt wek röt, ku yak cath aŋiɛckï, cït kɔc pelnïïm, duökï ee cath ë cäth ë dhän.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Pilipoi 1:11

Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

Kolothai 2:19

ku cïï Nɔm ee muk aril, Nɔm ee guöp ëbɛ̈n tɔ dït ë Nhialic, në muŋ cï e muk ku män cï en rɔt mat në yomnyïïn ku räl.

Kolothai 2:6

Yen ka, acït man cä wek Kërtho Yecu Bɛ̈nydït nööm, yen rɛ̈ɛ̈r wek ë yeyic aya.

Kolothai 3:20

Wek mïth, yak ka ke kɔc ë dhiëëth week piŋ ë këriëëcic ëbɛ̈n, kënë amit ë Nhialic piɔ̈u.

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

2Tim 2:4

Acïn raan ee luui ke ye raan de tɔŋ ee rɔt nääi ë ka ke pïïrë, luɔi bï en raan ë tɛ̈ɛ̈u en ë luɔi de tɔŋic tɔ mit piɔ̈u kekë yen.

Tito 3:1

Ye ke täk nïïm ke ke bï aa rëër ë bäny cök, ku rëërkï ë kɔc nu ë kenïïm cök, ku yek löŋ piŋ, ku yek luɔi piɛth ëbɛ̈n dap gam.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Ɣeberuu 11:5

Eenok ade nɔm gäm de yic aŋäth, ye ka kën en thuɔɔu thiëëpë. Aa leerë Nhialic të nu Yen thïn, aa lɔ cut piny acïn raan cï ye yök, në luɔi cï Nhialic ye jat nhial. Acï Awerek de Nhialic lueel, an ɣɔn kën ë yen kɔn lɛɛr nhial, aa cï Nhialic tɔ mit piɔ̈u.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

2 Pet 1:8

Ku na nu kakë ë weyiic, ku ë ke ŋuak röt, ka yek we tɔ ye kɔc cïï röt ee dak ku kɔc cie rool në ŋïny ŋiɛc wek Bɛ̈nydan Yecu Kërtho.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 3:22

Ku të de en kë lipku, ka yok yök tëde yen, luɔi ee wo lööŋke döt, ku yok kamit ë yepiɔ̈u looi.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

3 Jɔn 1:6

Kek acïk aa cäätɔɔ lëk ɣön ë Nhialic nhiëërdu: ku të ye yïn keek nyuööc apiɛth në kenyden në nyuuc rɔ̈ŋ ke nyuuc ë kɔc ke Nhialic, ke yïn bï këpiɛth aa looi: